?കരിനാഗം 11?[ചാണക്യൻ] 367

നാഗങ്ങൾക്ക് അവിടെ പ്രവേശനം നിഷിദ്ധമാണെന്ന് ഞാൻ കേട്ടിട്ടുണ്ട്……. അവിടെ ചെന്ന് എങ്ങനെ അവരെ രക്ഷിക്കും?..

അലോകിന്റെ ചോദ്യം വന്നതും എല്ലാവരും നിശബ്ദരായി.

അതിനു ഒരുത്തരം നൽകാൻ ആർക്കും കഴിഞില്ല.

നാഗ ലോകത്ത് സർപ്പങ്ങൾക്ക് നിഷിദ്ധമെന്ന പോലെ സർപ്പ ലോകം നാഗങ്ങൾക്കും നിഷിദ്ധമാണ്.

അതിനു ഒരു ഉപായമേയുള്ളൂ

മാദ്രിയമ്മ പതിയെ പറഞ്ഞു.

എല്ലാവരുടെയും ശ്രദ്ധ മാദ്രിയമ്മയിലേക്കായി മാറി.

ആ ആയുധം കൈക്കലാക്കണം.

ആയുധമോ?

അതേ കുമാരാ…… ആയുധം…… കുമാരന്റെ പിതാവിന്റെ ആയുധം…… അദ്ദേഹത്തിനു സ്വന്തമായ ആയുധം……. അത്‌ കുമാരൻ കൈക്കലാക്കണം.

എന്ത് ആയുധമാണത്?

അലോക് ആകാംഷയോടെ ചോദിച്ചു.

അതി വിശിഷ്ടമായ ഉടവാൾ…… ദേവശില്പി വിശ്വകർമാവ് സൂര്യ ഭഗവാന്റെ ധൂളികൾ കടഞ്ഞെടുത്ത് അതിൽ നിന്നും സൃഷ്ടിച്ചെടുത്ത ഉടവാൾ….. അതി മഹത്തരമായ സർഗ്ഗ സൃഷ്ടി…….വജ്രകേയഹാസം

വജ്രകേയഹാസം……. എന്താണ് ആ ഉടവാളിന്റെ പ്രത്യേകത?

ആ ഉടവാളിൽ നിന്നും സൂര്യ പ്രകാശം എപ്പോഴും വമിച്ചുകൊണ്ടിരിക്കും…… സൂര്യ ദേവനെ പോലെ അത്‌ ശോഭയോടെ ജ്വലിക്കും….. ആ സൂര്യ കിരണങ്ങൾ പതിച്ചാൽ സർപ്പങ്ങൾക്ക് പൊള്ളലേൽക്കും…… അവറ്റകൾ വിരണ്ടോടും……. ആ വാളിൽ നിന്നും സ്പർശനമേറ്റാൽ അവ തത്ക്ഷണം മരണം വരിക്കും

മാദ്രിയമ്മ ആ ഉടവാളിന്റെ സവിശേഷതകൾ ഓരോന്നായി വെളിപ്പെടുത്തി.

നാഗങ്ങൾക്ക് ചന്ദ്ര കിരണം നിഷിദ്ധമായതു പോലെ സർപ്പങ്ങൾക്ക് സൂര്യ ദേവന്റെ കിരണങ്ങളും നിഷിദ്ധമാണല്ലേ

അതേ രാജകുമാരാ…… അതുകൊണ്ടാണ് നാഗങ്ങൾ നിശയിലും സർപ്പങ്ങൾ പകലും സഞ്ചരിക്കാത്തത്

ബ്രഹസ്പതി അലോകിന്റെ അറിവിലേക്കായി പറഞ്ഞു.

നമുക്ക് മനസിലായി…… അപ്പൊ എവിടുന്നാണ് ആ മഹത്തായ ആയുധം ഞാൻ കൈക്കലാക്കേണ്ടത്

കുമാരാ…….

മാദ്രിയമ്മ പറഞ്ഞു തുടങ്ങി.