?കരിനാഗം 11?[ചാണക്യൻ] 367

ഇവയ്ക്ക് മറ്റു സർപ്പങ്ങളേക്കാൾ നീളം കൂടുതലും വണ്ണം കുറവുമായിരിക്കും.

പക്ഷെ ആരോഗ്യത്തിൽ, ബലത്തിൽ ഇവയെ വെല്ലാൻ സർപ്പങ്ങൾക്ക് മാത്രമല്ല നാഗങ്ങൾക്ക് പോലും കഴിയില്ല.

വ്യാളി സർപ്പങ്ങൾക്ക് ജന്മനാ ചിറകുകൾ കൂടി ലഭിക്കും.

അവയ്യ്ക്ക് പറക്കാൻ കഴിയും.

പറവകളെ പോലെ…… അതും ഉയരത്തിൽ.

ദുർ മന്ത്രവാദം പഠിച്ചവർ ആയിരിക്കും.

കണ്ണുകൾ തീക്കട്ട പോലെ ചുവന്നിരിക്കും.

സർപ്പങ്ങളെക്കാൾ വിഷമുള്ളയിനം.

അവയ്ക്ക് ഏതു രൂപവും സ്വീകരിക്കാനുള്ള കഴിവുകളുണ്ട്.

നരിയായും നായയായും മാനവനായും അവ വിദഗ്ധമായി വേഷം മാറും.

അന്ന് ആ ദിനം ആ വ്യാളി സർപ്പങ്ങൾ ബർകരീകനെ നിഷ്കരുണം ആക്രമിച്ചു

അപ്പൊ എവിടുന്നോ കാറ്റിന്റെ വേഗത്തിൽ വന്ന ഒരു വശ്യ സുന്ദരി ബർകരീഗനെ സഹായിച്ചു.

വ്യാളി സർപ്പങ്ങൾക്കെതിരെ അവർ ഒരേ പോലെ ചെറുത്തു നിന്നു.

ആ യുവതിയും ഒത്ത ഒരു പോരാളിയായിരുന്നു.

ഇരു മെയ് മറന്ന് അവർ ഒരുപോലെ പോരാടി.

ആ വ്യാളി സർപ്പങ്ങളെ അവർ നിഷ്കരുണം വെട്ടി വീഴ്ത്തിക്കൊണ്ടിരുന്നു.

എങ്കിലും പ്രതിപക്ഷത്തുള്ള ചക്രവർത്തി ബർകരീഗനും പങ്കാളിയായ ആ യുവതിക്കും നിസാരമായ പരിക്കുകൾ പറ്റി.

അവസാനം അവർ കൊടിയ കാളകൂട വിഷം പ്രയോഗിച്ചതും അവർ തളർന്നു വീണു.

കാളകൂട വിഷം നാഗങ്ങൾക്ക് ഒരു പരിധി വരെ മരണത്തിന് കാരണമാകുന്ന ഒന്നാണ്.

സർപ്പങ്ങളുടെ വജ്രായുധം.

തളർന്നു വീണ ബർകരീഗനെയും ആ യുവതിയെയും ചുമന്നു കൊണ്ടു ആ വ്യാളി സർപ്പങ്ങൾ നാഗ ലോകത്ത് നിന്നും പറന്നുയർന്നു.

എങ്ങനെ അവർ നാഗ ലോകത്ത് എത്തി ചേർന്നുവെന്നത് ഇന്നും അജ്ഞാതം.

എങ്കിലും അവർ കൊണ്ടു പോയ ചക്രവർത്തിയെ കുറിച്ചും ആ യുവതിയെയും കുറിച്ച് ഇന്നും ഒരറിവുമില്ല.

അവർ ജീവനോടെയുണ്ടോ അതോ വീര ചരമം പ്രാപിച്ചോ എന്നും സംശയം മാത്രം.

അത് പറഞ്ഞു കഴിഞ്ഞതും മാദ്രിയമ്മയുടെ കണ്ണുകൾ നിറഞ്ഞു തൂവി.

ആ കണ്ണുനീർ എല്ലാവരെയും സങ്കടത്തിലാഴ്ത്തി.

മാതംഗി വന്നു അവരെ വാരി പുണർന്നു.

ആ വൃദ്ധയുടെ കണ്ണുനീർ എല്ലാവരെയും ഒരേപോലെ നൊമ്പരപ്പെടുത്തി.

മാതംഗി മാദ്രിയമ്മയുടെ നെറുകയിൽ തലോടി ആശ്വസിപ്പിച്ചുകൊണ്ടിരുന്നു.