?കരിനാഗം 11?[ചാണക്യൻ] 367

സാരി തുമ്പുകൊണ്ട് ഇരു കൈകളും ഭദ്രമായി മറച്ചു വച്ചിട്ടുണ്ടെന്ന് അവൾ ഉറപ്പു വരുത്തി.

ശേഷം സീറ്റിലേക്ക് മുഖം ചേർത്തു വച്ചുകൊണ്ട് കിടന്നു.

പത്തു നിമിഷത്തോളം അതേ ഇരിപ്പ് ഇരുന്നതും യക്ഷമിയുടെ ഉള്ളിലെ കോപം പതിയെ തണുക്കുവാൻ തുടങ്ങി.

അതോടൊപ്പം അവളുടെ ശരീരത്തിലുണ്ടായ മാറ്റങ്ങൾ പൂർവ സ്ഥിതിയിലേക്ക് പ്രാപിക്കുകയും ചെയ്തു.

യക്ഷമി നിശ്വാസത്തോടെ മഹിയെ പാളി നോക്കി.

മഹി ഒരു പൂച്ച മയക്കത്തിലായിരുന്നു.

അവന്റെ മുഖം ദർശിച്ചതും ഉള്ളിന്റുള്ളിൽ വല്ലാത്തൊരു വാത്സല്യമാണ് യക്ഷമിക്ക് തോന്നിയത്.

അവൾ സ്വയം തിരിച്ചറിയുകയായിരുന്നു.

താൻ പ്രണയത്തിനടിമപ്പെട്ടുവെന്ന്.

കരിനാഗ വംശത്തിലെ ധീരയായ നാഗിനി, ബ്രഹസ്പതിയുടെ അനന്തരവളും പ്രിയ ശിഷ്യയുമായ യക്ഷമിക്ക് ഒരു മാനവനോട് ആദ്യമായി പ്രണയം തോന്നി തുടങ്ങിയിരിക്കുന്നു.

ആദിശേഷന്റെ അംശാവതാരമെന്ന് കരുതപ്പെടുന്ന മഹിയെന്ന മഹാദേവനോട്.

ഭൂമിയിൽ വസിക്കുന്ന ഒരു മാനവനോട്.

ശരീരമാകെ ഒരു കുളിരും ലജ്ജയിൽ കലർന്ന വികാരവും ഉടലെടുത്തതും യക്ഷമി മഹിയെ തന്നെ നോക്കിയിരുന്നു.

അവനിൽ നിന്നും കണ്ണെടുക്കാൻ പോലും അവൾക്ക് തോന്നിയില്ല.

മഹി തന്നെ ഒരു കാന്തം കണക്കെ വലിച്ചെടുക്കുകയാണെന്ന് വരെ യക്ഷമിക്ക് തോന്നിപ്പോയി.

കാർ ഒരു ഹമ്പ് ചാടിയതും മഹി ഉറക്കത്തിൽ നിന്നും ഞെട്ടിയുണർന്നു.

എന്നിട്ട് കണ്ണുകൾ അമർത്തി തിരുമ്മിക്കൊണ്ട് വിൻഡോയിലൂടെ പുറത്തേക്ക് നോക്കി.

ടാക്സി ഒരു ഇടവഴിയിലൂടെ ഇപ്പൊ പൊക്കോണ്ടിരിക്കുകയായിരുന്നു.

പുറത്തെ കടകളിലെ പഴഞ്ചൻ നെയിം ബോർഡുകളിൽ ഡൽഹി എന്ന് എഴുതിയത് കാണാം.

മഹി യക്ഷമിയെ പാളി നോക്കി.

യക്ഷമിയുടെ നോട്ടം തന്നിലാണെന്ന് അറിഞ്ഞതും മഹി പുരികം പൊന്തിച്ചു കൊണ്ട് നോക്കി.

എന്താണെന്ന മട്ടിൽ.

അപ്പൊ നമ്മൾ പിരിയാൻ നേരമായല്ലേ?

അവൻ നിസംഗതയോടെ അവളുടെ മുഖത്തേക്ക് തന്നെ ഉറ്റു നോക്കി.

യക്ഷ‌മിയുടെ കയ്യിലും അതിനുള്ള മറുപടി ഇല്ലായിരുന്നു.

മൗനം മാത്രം അവരെ പുണർന്നുകൊണ്ടിരുന്നു.

പത്ത് മിനുട്ട് കഴിഞ്ഞതും അവർ ഹസ്രത് നിസാമുദ്ധീൻ റയിൽവേ സ്റ്റേഷനിൽ ചെന്നെത്തി.

കാർ പാർക്കിംഗ് ലോട്ടിൽ നിന്നതും മഹി ഡോർ തുറന്ന് പുറത്തേക്കിറങ്ങി.

ജനമയം ആയിരുന്നു ആ സ്റ്റേഷൻ.

കാറിൽ നിന്നുമിറങ്ങിയതും ബാഗ് കയ്യിൽ പിടിച്ചുകൊണ്ട് മഹി യക്ഷമിക്ക് സമീപം നടന്നു വന്നു.

കയ്യിലെ കുഞ്ഞു ബാഗിന്റെ സിബ് തുറന്ന് മഹി രണ്ടായിരത്തിന്റെ നോട്ടുകൾ എടുത്തു കാർ ഡ്രൈവർക്ക് കൈ മാറി.

ടാക്സി ചാർജ് കിട്ടിയതും ഡ്രൈവർ കാറും കൊണ്ട് തിരികെ പോയി.