?കരിനാഗം 11?[ചാണക്യൻ] 367

എന്റെ മകളാണ് രാജകുമാരാ…… യക്ഷമി എന്നതാണ് നാമം

യക്ഷമി……. ഹ്മ്മ്……. വെറൈറ്റി നെയിം

അലോക് പതിയെ പറഞ്ഞു.

സൽക്കാരത്തിനു ശേഷം ആ വലിയ ഭൂഗർഭ ഗുഹയിൽ അവരെല്ലാവരും ഒത്തു കൂടി.

കരിനാഗ വംശത്തിലുള്ളവർ.

ഭൂമിയിൽ ചിതറി തെറിച്ചു കിടക്കുന്ന എല്ലാ കരിനാഗ വംശത്തിലുള്ളവരെയും അവിടേക്ക് ക്ഷണിച്ചു.

അവരുടെ രാജകുമാരനെ ഒരു നോക്ക് കാണുവാനായി.

അവരുടെ മോക്ഷം നേടിയെടുക്കുവാനായി.

അവസാനം അവിടെയുള്ള ആഗതർ പിൻവാങ്ങിയതും അലോകും വാമിഖയും ബ്രഹസ്പതിയും മാദ്രിയമ്മയും മാതംഗിയും യക്ഷമിയും മാത്രമായി.

അവർ പരസ്പരം കണ്ണുകൾ നോക്കി ക്കൊണ്ടിരുന്നു.

എല്ലാവർക്കും തന്നോട് എന്തോ പറയാനുണ്ടെന്ന് അലോകിനു തോന്നി.

വാമിഖ പറഞ്ഞിരുന്നു എനിക്ക് എന്തോ നിയോഗം ബാക്കിയുണ്ടെന്നും ഞാൻ നാഗ ശ്രേഷ്ഠൻ അനന്തന്റെ അവതാരമാണെന്നും….. ഞാൻ എന്താണ് ചെയ്യേണ്ടത്.? നാഗ ലോകം വിട്ട് നമ്മടെ വംശം എന്തിനാണ് ഭൂമിയിൽ വസിക്കുന്നത്….. അതും ഒളിവ് ജീവിതം പോലെ? ഒരുപാട് ചോദ്യങ്ങൾ എന്റെ മനസിലുണ്ട്.

അലോക് പറഞ്ഞത് എല്ലാവരും സശ്രദ്ധം ശ്രവിക്കുകയയായിരുന്നു.

രാജകുമാരൻ എല്ലാം അറിയാനുള്ള സമയം ആഗതമായെന്ന് ബ്രഹസ്പതിക്ക് തോന്നി.

യക്ഷമി തീർത്തും നിശബ്ദയായി കാണപ്പെട്ടു.

കുമാരാ……. അങ്ങയുടെ നിയോഗം എന്നത് ഞങ്ങളുടെ ചക്രവർത്തിയെയും അദ്ദേഹത്തിന്റെ പ്രിയ പത്നിയെയും മോചിപ്പിക്കുക എന്നതാണ്.

ചക്രവർത്തിയോ?

അലോക് ശങ്കയോടെ അവരെ നോക്കി.

അതേ കുമാരാ…… കുമാരന്റെ മാതാവും പിതാവുമാണ് ഞങ്ങളുടെ ചക്രവർത്തിയും ചക്രവർത്തിനിയും…… അവർ നൂറ്റാണ്ടുകളായി ബന്ധനത്തിലാണ്….. അവരെ കുമാരൻ മോചിപ്പിക്കണം

എവിടെയാണ് അവരെ ബന്ധിച്ചിരിക്കുന്നത്?

അലോക് ശൂന്യമായ മനസോടെ ഉത്തരത്തിനായി ക്ഷമയോടെ കാത്തിരുന്നു.

പാതാളലോകത്ത്…… മഹാതലത്തിൽ

സർപ്പ ലോകത്തോ?..

അലോക് ഞെട്ടലോടെ അവരെ തുറിച്ചു നോക്കി.