?കരിനാഗം 11?[ചാണക്യൻ] 367

S3 യ്ക്ക് മുന്നിലെത്തിയതും യക്ഷമി മഹിയുടെ നേരെ തിരിഞ്ഞു നോക്കി.

ഒരു നനുത്ത പുഞ്ചിരിയോടെ.

അപ്പൊ വീണ്ടും കണ്ടു മുട്ടാം…… ഗുഡ് ബൈ

ഹ്മ്മ് ബൈ

മഹി പുഞ്ചിരിയോടെ അവൾക്ക് നേരെ കൈ നീട്ടി.

അവന് ഒരു ഷേക്ക്‌ ഹാൻഡ് നൽകിയ ശേഷം യക്ഷമി കയറിക്കോളാൻ കൈ കൊണ്ടു ആക്ഷൻ കാണിച്ചു.

മഹി ഒരു കുഞ്ഞു പുഞ്ചിരിയോടെ ബോഗിയിലേക്ക് കയറി.

എന്നിട്ട് തിരികെ നോക്കി.

എന്നാൽ അവിടം ശൂന്യമായിരുന്നു.

യക്ഷമി അവിടെങ്ങും ഉണ്ടായിരുന്നില്ല.

മഹി സ്റെപിൽ നിന്നുകൊണ്ട് ചുറ്റും വീക്ഷിച്ചു.

യക്ഷമിയുടെ പൊടി പോലുമില്ല.

അവൻ ചുമൽ കൂച്ചിക്കൊണ്ട് ബാഗിയുടെ ഉള്ളിലേക്ക് കയറി.

എന്നിട്ട് സീറ്റ്‌ നമ്പർ കണ്ടു പിടിച്ചു.

വിൻഡോ സീറ്റ്‌ ആയതുകൊണ്ട് മഹി അവിടെ പതിയെ ഇരുന്നു.

ട്രെയിൻ പുറപ്പെടാൻ ഇനിയും സമയം ബാക്കിയുണ്ട്.

അവൻ സീറ്റിലേക്ക് തല ചായ്ച്ചു വച്ചു ഓർക്കുകയായിരുന്നു.

രാധമ്മയോടൊപ്പം നാട്ടിലേക്ക് പോകാൻ ശഠിച്ച ബാല്യകാലം.

ഒരുപാട് ആഗ്രഹങ്ങളുള്ള ചെറുപ്പക്കാലം.

രാധമ്മയുമൊത്ത് കേരളത്തിൽ പോകണമെന്നത് പണ്ട് തൊട്ടേയുള്ള ആഗ്രഹമായിരുന്നു.

അവസാനം അത്‌ നിറവേറി

എന്നാൽ രാധമ്മയുടെ അസാനിധ്യത്തിൽ.

മഹിയുടെ കണ്ണുകൾ നിറഞ്ഞു വന്നു.

അവൻ അത്‌ പതിയെ ഒപ്പിയെടുത്തുകൊണ്ട് പുറം കാഴ്ചകളിലേക്ക് ഊളിയിട്ടു.
.
.
.
.
.
.
കരിനാഗജരുടെ വാസ സ്ഥലത്ത് എത്തിയതും യക്ഷമി അത്ഭുതപ്പെട്ടു.

എല്ലാവരും ആഘോഷ തിമിർപ്പിൽ ആയിരുന്നു.

ആകെ ബഹളമയം.

ഒളിവ് ജീവിതത്തിന്റെ ഭാഗമാണെന്ന് പോലും അവർ വിസ്മരിച്ച പോലെ.

യക്ഷമി കാര്യമറിയുവാനായി ഗുഹയ്ക്ക് ഉള്ളിലേക്ക് കടന്നു.