?കരിനാഗം 11?[ചാണക്യൻ] 367

യക്ഷമിയുടെ മറുപടി കേട്ട് മഹി ചിരിച്ചതേയുള്ളൂ

വരുമ്പോൾ വിളിക്കണം

മഹി പതിയെ പറഞ്ഞു.

അതു കേട്ടതും യക്ഷമി പതിയെ തലയാട്ടി.

വീണ്ടും മൗനം വാചാലമായ നിമിഷങ്ങൾ

സമയം ഒച്ചിഴയുന്ന പോലെയാണെന്ന് നീങ്ങുന്നതെന്ന് മഹിക്ക് തോന്നിപ്പോയി.

അൽപം കൂടെ കഴിഞ്ഞതും ഉച്ചഭാഷിണിയിലൂടെ ട്രെയിന്റെ വരവിനെ കുറിച്ചുള്ള അറിയിപ്പ് വന്നു.

ദൂരെ ട്രാക്കിന്റെ അങ്ങേയറ്റത്ത് ട്രെയിൻ ഒരു പൊട്ടു പോലെ പ്രത്യക്ഷപ്പെട്ടതും യക്ഷമി സീറ്റിൽ നിന്നും ചാടിയെഴുന്നേറ്റു.

മഹി………… ട്രെയിൻ വരുന്നുണ്ട്.

നിനക്കെന്താ യക്ഷമി എന്നെ പറഞ്ഞയക്കാൻ ഇത്ര താല്പര്യം?

മഹി മുഖം ചുളിച്ചുകൊണ്ട് അവളെ പാളി നോക്കി.

കേരളത്തിലേക്ക് വന്നാലല്ലേ രാജകുമാരാ അങ്ങയുടെ യഥാർത്ഥ സ്വത്വം വെളിയിലേക്ക് കൊണ്ടു വരാൻ കഴിയുകയുള്ളൂ.

യക്ഷമി നിസംഗതയോടെ അവനെ തന്നെ നോക്കി.

എന്തേ യക്ഷമി?..

ഒന്നുമില്ല മഹി…… എന്തോ ഓർത്തു പോയി…. Anyway ലീവ് ഇറ്റ്……. ട്രെയിൻ എത്തി കേട്ടോ.

കൈ ചൂണ്ടി കൊണ്ട് അവൾ മൊഴിഞ്ഞു.

മഹി ട്രാവൽ ബാഗ് മുതുകിലേക്കിട്ട് പയ്യെ എണീറ്റു.

ട്രെയിൻ പ്ലാറ്റ്ഫോമിലേക്ക് എത്തിയതും മിക്കവരും സ്വന്തം ലഗേജുകൾ എടുത്തുകൊണ്ട് തിക്കും തിരക്കും കാണിച്ചുകൊണ്ട് നിന്നു.

ട്രെയിൻ ആഗതമായതും മുന്നേറുന്ന ഓരോ ബോഗികൾ ഏതാണെന്നു അവർ വീക്ഷിക്കുവാൻ തുടങ്ങി.

S3 അതാ മഹി……. വാ

യക്ഷമി അവനോടായി പറഞ്ഞു.

അതിവേഗതയിൽ എത്തിയ ട്രെയിൻ പതിയെ അതിന്റെ വേഗത ലഘുകരിച്ചുകൊണ്ടു വന്നു.

ശേഷം അത്‌ പ്ലാറ്റ്ഫോമിൽ നിശ്ചലമായി.

ട്രെയിൻ വന്നു നിന്നതും ആളുകൾ തിക്കും തിരക്കും കൂട്ടി.

ആ സമയം എവിടുന്നൊക്കെയാ ജനങ്ങൾ ഓടി വന്നതെന്ന് കണ്ടു മഹിക്ക് അതിശയം തോന്നി.

ആറാമത്തെയാ മഹി

യക്ഷമി ട്രെയിൻ വന്നു നിന്നപ്പോഴേ തന്റെ കണ്ണുകൾ മുന്നിലേക്ക് ഫോക്കസ് ചെയ്തു പിടിച്ചു.

മനുഷ്യരെക്കാളും കാഴ്ച ശക്തിയേറിയ യക്ഷമി ഒറ്റ നോട്ടത്തിൽ തന്നെ ആറാമത്തുള്ള ബോഗിയാണ് S3 എന്ന് കണ്ടു പിടിച്ചു.

അവൾ മുന്നിലേക്ക് നടന്നു.

പിന്നാലെ മഹിയും.

തിരക്കുകളെ വകഞ്ഞു മാറ്റിക്കൊണ്ട് അവൻ നടന്നു.

മുന്നിലേക്ക് നടന്നു അവർ S3 യ്ക്ക് മുന്നിലെത്തി.