?കരിനാഗം 11?[ചാണക്യൻ] 367

.
.
.
.
.
.
പൈപ്പിലൂടെ ഒഴുകി വരുന്ന വെള്ളം കൊണ്ടു മുഖം കഴുകിയ ശേഷം മഹി കണ്ണാടിയിലേക്ക് നോക്കി.

താടി വല്ലാതെ വളർന്നിട്ടുണ്ട്.

ഇത്രേം ദിവസം ഒളിവ് ജീവിതം ആയിരുന്നതിനാൽ സ്വയം ഒന്ന് ശ്രദ്ധിക്കാൻ പോലും സാധിച്ചിരുന്നില്ല.

ഇപ്പോഴാണ് മഹി തന്റെ മുഖം പോലും ശരിക്കും ഒന്ന് കണ്ണാടിയിലൂടെ വീക്ഷിക്കുന്നത്.

മുഖം ഒന്നുടെ ഒപ്പിയ ശേഷം ഡോറിന്റെ അവിടെ ചെന്നു നിന്നു.

ട്രെയിൻ അതിദ്രുതം പാഞ്ഞുകൊണ്ടിയ്ക്കുകയാണ്.

ട്രെയിനിലെ സ്റ്റാഫ് ചായയുമായി വന്നതും മഹി ഒരു ചായ വാങ്ങി.

പതിയെ അത്‌ കുടിച്ചുകൊണ്ട് പുറത്തേക്ക് ഊളിയിട്ടു.

കേരളത്തിലേക്ക് എത്താൻ അവന് ധൃതിയായി.
.
.
.
.
.
.
.
.
.
-വെളുപ്പിന് 3 മണി –
.
.
.
ഷൊർണുർ റെയിൽവേ സ്റ്റേഷന്റെ ഒഴിഞ്ഞ പ്ലാറ്റുഫോമിലേക്ക് മംഗള ലക്ഷദ്വീപ് എക്സ്പ്രെസ് പതിയെ ഇഴഞ്ഞെത്തി.

സ്ലീപ്പർ ബോഗിയിൽ നിന്നും ഉറക്കച്ചടവോടെ മഹി പ്ലാറ്റ്ഫോമിലേക്ക് ഇറങ്ങി.

ആളുകൾ ശൂന്യമാണ്.

നല്ല തണുപ്പ്.

അൽപം മുന്നേ മഴ ചാറിയതിന്റെ ലക്ഷണം കാണാം.

തോളിലേക്ക് ബാഗ് കയറ്റിയിട്ട മഹി മുന്നോട്ട് നടന്നു.

അൽപം നടന്നതും അവിടെ ഒഴിഞ്ഞ ഒരു ബെഞ്ച് കണ്ടു.

ആശ്വാസത്തോടെ അവൻ അവിടേക്ക് വന്നിരുന്നു.

ബാഗിൽ നിന്നും ഒരു പുതപ്പെടുത്ത് അവൻ ആ ബെഞ്ചിൽ കിടന്നു.

ബാഗ് തലയിണയായി മാറി.

കണ്ണുകൾ മുറുക്കെയടച്ചു ആവോളം ശ്വാസം അവൻ വലിച്ചെടുത്തു.

മലയാള മണ്ണിന്റെ മണം.