?കരിനാഗം 11?[ചാണക്യൻ] 367

എന്നിട്ട് ഇപ്പൊ ഇതുവരെയായിട്ടും അച്ഛന്റെയോ അമ്മയുടെയോ ഒരു വിവരവുമില്ലേ?

അലോക് അൽപം പരുഷമായി തന്നെയാണ് അവരോട് ചോദിച്ചത്.

ഇല്ല കുമാരാ….. വ്യാളി സർപ്പങ്ങൾ താമസിക്കുന്ന വനത്തിലേക്കാണ് അവർ കടത്തപ്പെട്ടതെന്ന് ഞങ്ങള് കണ്ടെത്തി.

കുറച്ചു വർഷങ്ങൾ മാത്രം ചക്രവർത്തിയുമായി നംഗ ഭാഷയിലൂടെ സംസാരിക്കുവാനായി ശ്രമിച്ചിരുന്നു.

അപ്പോഴാണ് അറിഞ്ഞത് ചക്രവർത്തി ഇഷ്ടപ്പെട്ടിരുന്ന ആ യുവതി ഗർഭം ധരിച്ചുവെന്ന്

ഒരിക്കൽ പോലും ഞങ്ങൾ ചക്രവർത്തിനിയുടെ മുഖം ഒരു വേള പോലും ദർശിച്ചിട്ടില്ല ഇതുവരെ.

ഭാഗ്യം ചെയ്ത ആ അമ്മയെ ഒരു നോക്ക് കാണാനാ ഞങ്ങൾ കാത്തിരിക്കുന്നത്.

ബ്രഹസ്പതി പതിയെ പറഞ്ഞു.

അപ്പൊ അന്ന് അച്ഛനെ സഹായിക്കുവാനായി പോരിനിറങ്ങിയ യുവതി ആരാണ്? അതാണോ എന്റെ അമ്മ?

അല്ല കുമാരാ…… അത്‌ മാറ്റാരോ ആണ്? ഇന്നും അതൊരു നിഗൂഢതയായി തുടരുന്നു.

അപ്പൊ ഞാൻ എന്താണ് ചെയ്യേണ്ടത്? എങ്ങനെയാണ് അച്ഛനെയും അമ്മയെയും കണ്ടെത്തുകയും വീണ്ടെടുക്കയും ചെയ്യേണ്ടത്?

അലോക് ചോദിച്ചു.

അതിനു കുമാരനെ ആദ്യം ഞങ്ങൾ മെരുക്കിയെടുക്കും….. അസ്സൽ ഒരു യോദ്ധാവായി….. ബർകരീകനെ പോലെ….. ഞങ്ങളുടെ എല്ലാ ആയുധങ്ങളും ഉപയോഗിക്കാനുള്ള വിദ്യ ബ്രഹസ്പതി കുമാരന് പകർന്നു നൽകും….. ഞങ്ങളുടെ ശിക്ഷണത്തിലൂടെ ഉത്തമനായ ഒരു പോരാളിയായ ശേഷം കുമാരൻ യക്ഷമിയുടെ കൂടെ നാഗ ലോകത്ത് എത്തണം…. അവിടെ നിന്നും ആ ആയുധം കൈക്കലാക്കണം

യക്ഷമി എന്ന് കേട്ടതും അലോക് പുഞ്ചിരിയോടെ അവളെ നോക്കി.

ആ നോട്ടം ഇഷ്ട്ടപെടാത്ത മട്ടിൽ യക്ഷമി ഈർഷ്യയോടെ മുഖം വെട്ടിച്ചു.

അത് മാനസിലായ അലോക് ചളിപ്പോടെ പാളി ബ്രഹസ്പതിയെ നോക്കി.

ഈ കിളവനാണോ എന്നെ ആയുധ വിദ്യ പഠിപ്പിക്കുന്നത്?

അലോകിന് സംശയം തോന്നി.

ശേഷം പുച്ഛത്തോടെ എല്ലാവരെയും നോക്കി.

നിങ്ങൾ ആരും ഇനി ഭയക്കേണ്ടതില്ല…. നമ്മുടെ മോക്ഷത്തിനുള്ള നാളുകൾ കൈ വന്നിരിക്കുന്നു….. നമ്മുടെ ചക്രവർത്തിയെയും ചക്രവർത്തിനിയെയും നമ്മുടെ രാജ്യത്തെയും ഞാൻ വീണ്ടെടുക്കും…… ഇത് സത്യം

അലോക് ഉറച്ച ശബ്ദത്തിൽ പറഞ്ഞു.

ആ പ്രതിജ്ഞ കേട്ടതും എല്ലാവരും ഒന്നാകെ ഹർഷാരവം മുഴക്കി.

പാട്ടും നൃത്തവും സദ്യയും ഒക്കെയായി അന്ന് അവർ ആഘോഷിച്ചു.

മതിവരുവോളം.

വരാൻ പോകുന്ന സുദിനങ്ങൾക്കായി അവർ കാത്തിരുന്നു.

നൂറ്റാണ്ടുകളയുള്ള അവരുടെ കാത്തിരിപ്പ്.