?കരിനാഗം 11?[ചാണക്യൻ] 367

ബർകരീഗന്റെ കീഴിൽ കരിനാഗ രാജ്യത്തിന്റെ പ്രൗഢി അനുദിനം വർധിച്ചു.

ഉത്തമനായ ഒരു പോരാളി കൂടിയായിരുന്നു അദ്ദേഹം.

മഹാനായ പരശുരാമാനിൽ നിന്നും നേരിട്ട് ശിഷ്യത്വം സ്വീകരിച്ചവൻ.

പല തരം അഭ്യാസങ്ങളും അയോദ്ധന കലകളും പഠിച്ച ബർകരീഗൻ ഒരു പരിധി വരെ മറ്റു നാഗ വംശജരുടെ അക്രമണങ്ങളും സർപ്പങ്ങളുടെ ഒളിയമ്പുകളും ചെറുത്തു നിർത്തി.

എന്നാൽ ഒരിക്കൽ പൂർവ ദിക്കിൽ നിന്നും വന്ന  മന്ത്രവാദിനിയുമായ ഒരു നാഗിനിയുമായി അദ്ദേഹം തീവ്ര അനുരാഗത്തിലായി.

അവരുടെ പ്രണയം കൊടുംബിരി ക്കൊണ്ടിരിക്കുന്ന സമയത്താണ് ഒരിക്കൽ ദേവ ശില്പിയായ വിശ്വകർമാവ് ബർകരീഗന്റെ ക്ഷണം സ്വീകരിച്ചു കൊട്ടാരത്തിലെത്തിയത്.

അദ്ദേഹത്തിന്റെ ആഥിത്യ മര്യാദയും നിഷ്കളങ്കമായ മനസും നന്നേ ബോധിച്ച വിശ്വകർമാവ് ബർകരീഗനായി ഒരു സമ്മാനം നൽകുവാനായി തീരുമാനിച്ചു.

എന്നാൽ എന്ത് സമ്മാനം നൽകുമെന്ന ആശങ്ക അദ്ദേഹത്തെ വല്ലാതെ പിന്തുടർന്നു.

അപ്പോഴാണ് അദ്ദേഹം പണ്ട് സൂര്യ ദേവന്റെ തേജസ്‌ കടഞ്ഞെടുത്ത് സുദർശന ചക്രവും തൃശൂലവും പുഷ്പക വിമാനവും നിമിച്ചത് ഓർത്തെടുത്തത്.

അതിൽ ബാക്കിയായ കുറച്ചു ധൂളികൾ എടുത്തു വിശ്വകർമാവ് ഒരു ഉടവാൾ നിർമിച്ചു.

സൂര്യ പ്രഭയുള്ള കണ്ണഞ്ചിപ്പിക്കുന്ന ഉടവാൾ.

അതിൽ നിന്നും സൂര്യ കിരണങ്ങൾ വമിക്കുമായിരുന്നു.

ആ ആയുധത്തിന്റെ നിർമാണ വേളയിൽ അദ്ദേഹം ചക്രവർത്തി ബർകരീഗന്റെ രക്തം ഇറ്റിച്ചു വീഴ്ത്തി.

എന്തെന്നാൽ ആ രക്തധാരിയായ ബർകരീഗന് മാത്രമേ ആ ആയുധം കൈകളിലേന്തുവാൻ സാധിക്കുകയുള്ളൂ.

നിർമാണത്തിന് ശേഷം ആ ആയുധം ബർകരീഗന് വിശ്വകർമാവ് ഉപഹാരമായി നൽകി.

ആ ആയുധം അദ്ദേഹം കൊട്ടാര അംഗനത്തിലെ രണ ഗോദയിൽ പ്രതിഷ്ടിച്ചു.

ഒരു പ്രത്യേക സുദിനം അത്‌ സ്വന്തം ഉടവളായി കൈകളിലേന്തുവാനായി അദ്ദേഹം കാത്തിരുന്നു

എന്നാൽ ആ ദിനം കരിനാഗരെ സംബന്ധിച്ചിടത്തോളം കറുത്ത ദിനമായിരുന്നു.

വജ്രകേയ ഹാസത്തെ കുറിച്ച് അറിഞ്ഞ സ്വർണ, വെള്ളി നാഗ വംശജർ അത്‌ മോഷ്ടിക്കുവാനായി തുനിഞ്ഞു.

അന്നേ ദിവസം പ്രത്യേക ചടങ്ങുകൾക്ക് ശേഷം വജ്രകേയഹാസം സ്വീകരിക്കുവാനായി തയാറായ ബർകരീഗനെ ഒരു കൂട്ടം വ്യാളീ സർപ്പങ്ങൾ ആക്രമിച്ചു.

വ്യാളീ സർപ്പങ്ങളോ?

അലോക് അത്ഭുതത്തോടെ ചോദിച്ചു.

യക്ഷമിയടക്കം എല്ലാവരും ആ കഥ പറച്ചിലിൽ മയങ്ങിയിരിക്കുകയായിരുന്നു.

അതേ കുമാരാ…… സർപ്പ ലോകത്തെ നിബിഢമായ വന പ്രദേശങ്ങളിൽ എല്ലാവരിൽ നിന്നും മറഞ്ഞു ജീവിക്കുന്ന സർപ്പ ഗോത്രം.

ഒരു തരത്തിൽ സർപ്പ ലോകത്തിന്റെ ചാവേറുകൾ എന്ന് തന്നെ പറയാം.