? ലക്ഷ്യം ? [ᴹᴿℝ?????] 162

രക്തത്തിൽ ഒട്ടിപ്പിടിച്ച വസ്ത്രവുമായി കാട്ടിലൂടെ ഓടുന്ന ഒരു കുട്ടി . അവൻ്റെ കണ്ണിൽ ആരെയൊക്കെയോ ചുട്ടെരിക്കാൻ ഉള്ള പക ഉണ്ടായിരുന്നു.

പെട്ടെന്നാണ് അവൻ്റെ ഇടതു വശത്തുനിന്ന് ഒരലർച്ച കേട്ടത് . ആ അലർച്ച കേട്ടതും അവൻ്റെ കണ്ണിൽ ഭയം ഉളവായി. ഉടനെ തന്നെ അവൻ ആ അലർച്ച കേട്ട ഭാഗത്തേക്ക് ഓടി . അൽപം കഴിഞ്ഞതും അവൻ കണ്ടു  വിജനമായ ഒരു വഴിയിൽ കുറച്ച് ആൾക്കാർ ചേർന്ന് ഒരു കുടുംബത്തെ ആക്രമിക്കുന്നത് . നിസ്സഹായനായി അവൻ ഒരു മരത്തിന്റെ മറവിൽ മാറിനിന്ന് വേദനയോടെ ആ കാഴ്ചകൾ കണ്ടു .

ഒരു ഗർഭിണിയായ സ്ത്രീ ചോരയിൽ കുളിച്ച് നിലത്തു കിടന്നു പിടയുന്നതും അവരുടെ അടുത്തേക്ക് എത്താൻ ഒരാൾ അക്രമികളുടെ  കയ്യിൽ കിടന്നു കുതറുന്നതും ആ സ്ത്രീയെ രക്ഷിക്കാൻ അവരോട് അപേക്ഷിക്കുന്നതും കണ്ണുനീരിന്റെ ഇടയിൽ കൂടി ആ കുട്ടി കണ്ടു.

ആക്രമികളുടെ കൂട്ടത്തിലുണ്ടായിരുന്ന ഒരാൾ ആ കുട്ടി മരത്തിന്റെ പുറകിൽ ഒളിച്ചിരിക്കുന്നത് കണ്ടു .

“കൊല്ലടാ അവനെ ” അവൻ തൻ്റെ കൂട്ടാളികളോട് പറഞ്ഞു. പുറകേ ആയുധങ്ങളുമായി വരുന്ന ആളുകളുടെ കൈയിൽ നിന്നും രക്ഷപ്പെടണം എന്ന ലക്ഷ്യത്തോടുകൂടി ആ കുട്ടി  വിജനമായ കാട്ടിലൂടെ ഓടി .

പെട്ടെന്ന് ഒരു മരത്തിന്റെ വേരിൽ തട്ടി ആ കുട്ടി ഉരുണ്ട് ഒരു പാറയുടെ മുകളിൽ നിന്ന് ഒരു കൊക്കയിലേക്ക് വീണു .

______________________________________________________________