🔥 ലക്ഷ്യം 🔥 [ᴹᴿℝ𝕚𝕡𝕡𝕖𝕣] 162

  പിറ്റേന്ന് രാവിലെ പതിവിലും നേരത്തെ എഴുന്നേറ്റ് ആദം കുളിക്കാനായി കയറി ബാത്റൂമിലെ മിററിൽ തന്റെ പ്രതിബിംബത്തെ നോക്കി നിന്നു .

  നല്ല ഉറച്ച ശരീരവും തോളൊപ്പം വരുന്ന മുടിയും നല്ല കട്ടി താടിയും 7 അടി പൊക്കവും വെള്ളാരം കണ്ണും ആയിരുന്നു അവന് . ഇവിടെ വന്നപ്പോൾ മറ്റുള്ളവരുടെ ഒപ്പം സെല്ലിലും വാർഡിലും ഒന്നും തന്നെ ഇടാതെ തനിക്ക് മാത്രമായി ഒരു മുറി ഒരുക്കി തന്നത് പപ്പ ആയിരുന്നു . പിന്നീട് തൻ്റെ പഠനത്തിന് വേണ്ടുന്ന കാര്യങ്ങൾ പപ്പ ചെയ്തത് കാരണം ബികോം പാസാവാൻ സാധിച്ചിരുന്നു .

  പ്രഭാത കർമ്മങ്ങൾ ചെയ്തു പുറത്തിറങ്ങി ഒരു വെള്ള ടീ ഷർട്ടും ബ്ലാക്ക് കളർ ജാക്കറ്റും പാൻ്റും ഇട്ട് തൻറെ ബാഗുമെടുത്ത് ആദം ജോസഫിൻറെ മുറിയുടെ മുന്നിലെത്തി ഡോറിൽ തട്ടി .

” നീ നേരത്തെ റെഡിയായോ വന്ന് അകത്ത് ഇരിക്ക് ഞാൻ ഇതൊക്കെ ഒന്ന് പാക്ക് ചെയ്യട്ടെ ” ഡോർ തുറന്ന് ആദത്തിനെ അകത്തോട്ട് വിളിച്ചുകൊണ്ട് ജോസഫ് പറഞ്ഞു.

ആദം അകത്ത് കയറി ഒരു കസേരയിൽ ഇരുന്നു .

“നമ്മൾ പോകുന്നത് പപ്പയുടെ നാട്ടിലേക്ക് അല്ലേ “

“അതെ”  ജോസഫ് മറുപടി നൽകി.

“അവിടെ ചെന്നിട്ട് നിനക്ക് ഞാൻ എന്റെ അമ്മച്ചിയേയും സഹോദരങ്ങളേയും പരിചയപ്പെടുത്തിത്തരാം” ജോസഫ് ആദത്തിനോട് പറഞ്ഞു.

“പപ്പയുടെ അമ്മച്ചിയും ആയി മാത്രമേ ഇതുവരെ സംസാരിച്ചിട്ട് എങ്കിലും ഉള്ളൂ ബാക്കി ആരുമായും സംസാരിച്ചിട്ട് കൂടിയില്ല  എന്താവുമോ എന്തോ ” ആദം ചിന്തിച്ചു .

” ഞാൻ റെഡി നമുക്ക് പോകാം ” ജോസഫ് പറഞ്ഞു .അതിനു മറുപടിയായി ആദം തലയാട്ടി