? ലക്ഷ്യം ? [ᴹᴿℝ?????] 162

     അവസാനം ആദത്തിനെ ഒരു സൈക്യാട്രിസ്റ്റിനെ അടുത്താണ് അവർ കൂട്ടിക്കൊണ്ടുപോയത് . നീണ്ട സംസാരത്തിനും പരിശോധനയ്ക്കുശേഷം ആ ഡോക്ടർ ആദത്തിന് മൾട്ടിപ്പിൾ പേഴ്സണാലിറ്റി ഡിസോർഡർ ആണെന്ന് സ്ഥിതീകരിച്ചു . അപകടകാരിയായ ഒരു കുട്ടിയെ അനാഥാലയത്തിൽ താമസിപ്പിക്കാൻ പറ്റില്ലെന്ന് പറഞ്ഞ് അനാഥാലയത്തിൻ്റെ അധികൃതർ ആദത്തിനെ കൈയൊഴിഞ്ഞു .

അങ്ങനെ ആ ഡോക്ടർ ആദത്തിനെ St Augustine’s Mental Health Care ഇൽ കൊണ്ടാക്കി . അവിടെ വച്ചാണ് ഡോക്ടർ ജോസഫിനെ ആദം പരിചയപ്പെടുന്നത്. പിന്നീട് അവൻറെ പഠനവും ട്രീറ്റ്മെൻ്റും എല്ലാം നോക്കി നടത്തിയത് ഡോക്ടറായിരുന്നു. തൻ്റെ ഭൂതകാലത്തെ പറ്റി ചിന്തിച്ചു കൊണ്ട് അവൻ ഡോക്ടറിന്റെ റൂമിന്റെ മുന്നിലെത്തി .

ഡോറിൽ രണ്ട് പ്രാവശ്യം തട്ടിയപ്പോൾ കം ഇൻ എന്ന് അവന് മറുപടി ലഭിച്ചു ഒന്ന് നെടുവീർപ്പെട്ടുകൊണ്ട് അവൻ അകത്തേക്ക് കയറി.

ആദം കയറി ചെന്നത് ആ ആരോഗ്യ കേന്ദ്രത്തിലെ ഏറ്റവും കൂടുതൽ  സൗകര്യമുള്ള കൺസൽട്ടിംഗ് റൂമിലേക്ക് ആയിരുന്നു . ഏ സി യും ടീവിയും കുറേ ഡ്രോയറുകളും പിന്നെ ഒന്നാന്തരം എക്യുപ്മെൻ്റ്സും ഒക്കെയുള്ള ഒരു മുറി . മുറിയുടെ നടുക്ക് ഒരു ടേബിളും അതിന്റെ പുറകിലെ കസേരയിൽ ഒരു മധ്യവയസ്കനും ഉണ്ടായിരുന്നു. ടേബിളിലെ നെയിം പ്ലേറ്റിൽ “ഡോക്ടർ ജോസഫ് കുര്യൻ  MBBS MD” എന്നെഴുതിയിരുന്നു. അല്പം നരച്ച മുടിയും താടിയും മീശയും പിന്നെ നല്ല ഉറച്ച ശരീരവും ആയിരുന്നു ഡോക്ടറിന്റേത് . സാമൂഹിക സേവനത്തിനിടയിൽ വിവാഹക്കാര്യം പാടെ അവഗണിച്ചതുകൊണ്ട് ഇന്നും അവിവാഹിതനാണ് .