? ലക്ഷ്യം ?

Author :ᴹᴿℝ?????

“ടർർർർർർർർ……..”
രാവിലത്തെ അലാറം കേട്ടാണ് ആദം കണ്ണ് തുറക്കുന്നത്. ബെഡിൽ നിന്ന് എഴുന്നേറ്റ് കൈയും കാലുമൊക്കെ ഒന്ന് നിവർത്തി കുടഞ്ഞു കൊണ്ട് അവൻ ബാറ്റ്റൂമിലേയ്ക്ക് കയറി. ഷവററിൽ നിന്ന് വെള്ളം ദേഹത്തേയ്ക്ക് വീഴുമ്പോൾ അവൻ ഇന്നത്തെ സെക്ഷനെക്കുറിച്ച് ആലോചിച്ചു, ഡോ ജോസഫും ആയുള്ള തൻ്റെ അവസാനത്തെ സെക്ഷൻ.

ആദത്തിനു മനസ്സിൽ എന്തോ കൊളുത്തി വലിക്കുന്നത് പോലെ തോന്നി. പന്ത്രണ്ട് വർഷമായി തൻ്റെ ഏക ആശ്വാസം ആയിരുന്നു ഡോക്ടർ. ജീവിതത്തിൽ മുന്നോട്ടു പോകണമെന്ന് തനിക്ക് ആത്മവിശ്വാസം തന്ന ആളെ പിരിയുക എന്നത് അവനെ സംബന്ധിച്ച് അസഹനീയം ആയിരുന്നു.

എങ്കിലും അവൻ തീരുമാനിച്ചിരുന്നു ഡോക്ടറെ സന്തോഷത്തോടെ ഇവിടുന്ന് യാത്ര അയക്കണമെന്ന്. കാരണം എന്നേ തീരേണ്ടിയിരുന്ന തൻ്റെ ജീവിതം ഇന്ന് ഇവിടെ എത്തിയതിൽ പ്രധാന പങ്ക് ഡോക്ടറിനാണ്.