?Lovebirds?(S1)[രാവണാസുരൻ(Rahul)] 264

ഇതിനിടയ്ക്ക് ഒരുദിവസം എനിക്ക് കടയിൽ നിന്ന് ഇടയ്ക്ക് ഒന്ന് വീട്ടിലേക്കു വരേണ്ട ആവശ്യം വന്നു(ഞാൻ business എന്ന് പറഞ്ഞില്ലേ അത് ഒരു കുഞ്ഞു supermarket ആണ്.ഈ പ്യാവം ഞാൻ തന്നെയാണ് അതിന്റെ മുതലാളി ).സാധാരണ രാവിലെ പോയാൽ രാത്രി ഒക്കെയാണ് തിരിച്ചെത്തുന്നത്.വീട്ടിൽ എത്തിയപ്പോൾ വീട്ടിന്റെ ഫ്രണ്ടിൽ ഒരു കാറ് കിടക്കുന്നു.
എന്റെ കാറ് ഗേറ്റ് കടന്നു വന്നപ്പോ ഒരു മഞ്ഞ ഡ്രസ്സ്‌ ഇട്ട പെൺകുട്ടി വണ്ടിയിൽ കേറി ഡോർ അടച്ചു ആരാണെന്ന് കാണാൻ പറ്റിയില്ല.കാറ് പുറത്തേയ്ക്ക് വന്നു എന്റെ വണ്ടി അകത്തേക്കും ചുമ്മാ കാറിനകത്തേയ്ക്ക് നോക്കിയപ്പോ ഒരു പെൺകുട്ടി മഞ്ഞ ഡ്രസ്സ്‌ മാസ്ക് ഒക്കെ വച്ചു വണ്ടിയോടിച്ചു എന്നെ ക്രോസ്സ്ചെയ്തു പോകുന്നു.ഒരു നിമിഷം ഞങ്ങടെ കണ്ണുകൾ തമ്മിൽ ഇടഞ്ഞു.ആ കരിമഷി എഴുതിയ പേടമാൻ മിഴികൾ എന്റെ മനസ്സിൽ പതിഞ്ഞു.

അപ്പൊ പിന്നെ ഒരു പാട്ട് പാടിയേക്കാം

(മഞ്ഞക്കിളിയുടെ മൂളിപ്പാട്ടുണ്ടേ..

മനസ്സിനുള്ളില്‍ മാരിക്കാവടി
ചിന്തും ചിന്തുണ്ടേ…

മഞ്ഞക്കിളിയുടെ ഹൊ ഹോയ് മഞ്ഞക്കിളിയുടെ ഹ ഹാ മഞ്ഞക്കിളിയുടെ മൂളിപ്പാട്ടുണ്ടേ..
മനസ്സിനുള്ളില്‍ മാരിക്കാവടി
ചിന്തും ചിന്തുണ്ടേ

തിരിയഞ്ചും തെളിയുന്ന മിഴികളുണ്ടേ
ഒ ഓ
ചിരിക്കുമ്പോള്‍ ചിലമ്പുന്ന
ചിലങ്കയുണ്ടേ
എ ഏ
വലം കൈയ്യില്‍ കുസൃതിയ്ക്ക്
വളകളുണ്ടേ
അ ആ

മഞ്ഞക്കിളിയുടെ….ഹൊ ഹോയ്
മഞ്ഞക്കിളിയുടെ ഹ ഹാ മഞ്ഞക്കിളിയുടെ മൂളിപ്പാട്ടുണ്ടേ..
മനസ്സിനുള്ളില്‍ മാരിക്കാവടി
ചിന്തും ചിന്തുണ്ടേ…
ഓ.. ഓ)

പാട്ടും പാടി ഞാൻ വീട്ടിലേക്ക് കേറിയപ്പോ അനിയത്തി എന്നെ എന്തോ വിചിത്ര ജീവിയെ കണ്ടതുപോലെ നോക്കുന്നു.അമ്മ കരഞ്ഞതിന്റെ ലക്ഷണം ഉണ്ട്.

എന്താ അമ്മേ? എന്തുപറ്റി അഞ്ചു.

ഒന്നുല്ല. രണ്ടുപേരും ഒരുമിച്ചു പറഞ്ഞു.

ആരാ വന്നിട്ട് പോയത്?

അത് മഞ്ജിമ ഏച്ചിയാ.അഞ്ചു പറഞ്ഞു

മ്മ്
മറുപടി ഞാനൊരു മൂളലിൽ ഒതുക്കി.അല്ലേലും വിധിച്ചിട്ടില്ലാത്തത് കൊതിച്ചിട്ട് കാര്യമില്ലെന്നാണല്ലോ ചൊല്ല്.

ഞാൻ നേരെ റൂമിലേക്ക് പോയി അപ്പോഴുണ്ട് അനിയത്തി അങ്ങോട്ട്‌ വരുന്നു.

ഏട്ടാ. അവൾ ഡോറിന്റെ പുറത്തു നിന്ന് വിളിച്ചു

?ഇവളിത് ആരെയാ വിളിക്കുന്നെ ഏട്ടൻ വന്നിട്ടുണ്ടോ.ഞാൻ ഡോറിന്റെ അടുത്ത് പോയി പുറത്തേക്ക് ഒക്കെ എത്തി നോക്കി.

ഏട്ടാ എന്താ നോക്കുന്നെ? അവൾ ചോദിച്ചു

ദേവിയെ ?എന്റെ കൊച്ചിന് എന്തുപറ്റി?
അഞ്ചു നീ എവിടേലും തലയിടിച്ചു വീഴ്ന്നോ?

ഇല്ല ഏട്ടാ എന്താ?

പിന്നെ ഇങ്ങനെ വരാൻ വഴിയില്ലല്ലോ ?ഇവക്കിത് എന്തുപറ്റി?കാര്യസാധ്യത്തിനു പോലും കൊരങ്ങാ എന്നല്ലാതെ ഏട്ടന്ന് വിളിച്ചു ഞാൻ കേട്ടിട്ടില്ല.ഇവള് കൊരങ്ങാന്നു വിളിക്കുന്നത് കേട്ട് ഞാൻ പോലും തെറ്റദ്ധരിച്ചിട്ടുണ്ട് ഇനി എന്റെ വീട്ടിലെ പേര് അങ്ങനെ വല്ലോം ആണോ എന്ന്.