?ആരവിന്റെ ആർദ്ര ? [AJX] 213

ഒരു കിളിനാദം കേട്ട് ഞാൻ സ്വപ്നലോകത്ത് നിന്ന് പുറത്തേക്കു വന്നു..

ശബ്ദം കേട്ട ഭാഗത്തേക്ക്‌ നോക്കിയ ഞാൻ അക്ഷരർത്ഥത്തിൽ ഞെട്ടി ഭയന്ന് വിറച്ചുകൊണ്ട്  എഴുന്നേറ്റ് പുറകിലേക്ക് മാറി..

ഒരു പെൺകുട്ടി.. മുഖത്തിന്റെ ഒരു ഭാഗം മുഴുവൻ ബ്ലേഡ് കൊണ്ട് വരഞ്ഞത് പോലെ നിറയെ പാടുകൾ.. ആദ്യം കണ്ടാൽ ആരും ഭയന്ന് പോവും.. പെട്ടന്ന് തന്നെ അവളൊരു മാസ്ക് പോലുള്ള സാധനം കൊണ്ട് മുഖം മറച്ചു…

എ..എ..എന്താ നിന്റെ മുഖത്ത്.. വിക്കികൊണ്ടാണ് ഞാനത് ചോദിച്ചത്.. ആ പകപ്പ് എന്നെ വിട്ടുപോയിരുന്നില്ല..അവൾ ചുറ്റും ഒന്ന് കണ്ണോടിച്ച ശേഷം ബെഞ്ചിലേക്കിരുന്നു.. എന്നോടും അവിടെ ഇരിക്കാൻ കണ്ണ് കൊണ്ട് ആംഗ്യം കാണിച്ചു…

അവൾ മുഖം മറച്ചതോടുകൂടി എന്റെ ഉള്ളിലെ ഭയപ്പാടകന്നുപോയി.. ഞാനും അവൾക്കരികിലായ് ചെന്നിരുന്നു.. ഇപ്പോൾ അവളുടെ കണ്ണ് മാത്രമേ എനിക്ക് കാണാൻ കഴിയുന്നുള്ളു.. അവൾ എന്നെ തന്നെ നോക്കിയിരിക്കുകയാണ്..

പേടിച്ചു പോയോ..? അവൾ വളരെ നേർത്ത ശബ്ദത്തിൽ ചോദിച്ചു…