💚💗༻വൈദേഷ്ണു༺💗💚 3

Author : Jacob Cheriyan

[ Previous Part ]

 

നടന്നു നടന്ന് ഞാൻ മെയിൻ റോഡിൽ എത്തിയിരുന്നു… അടി കിട്ടി പൊട്ടിയ കവിൾ… ശരീരം മുഴുവൻ പല തരത്തിലുള്ള മുറിവുകളും ചതവുകളും ഉണ്ടായിരുന്നു… നെറ്റിയിലെ മുറിവിൽ നിന്ന് ഒഴുകുന്ന ചോര തലയ്ക്ക് ഭാരം കൂട്ടി….

വരുന്ന വഴിയിൽ പല തവണ ഞാൻ മറിഞ്ഞ് നിലത്ത് വീണു…. ഒടുവിൽ ഇഴഞ്ഞ് നീങ്ങി ഇവിടെ വരെ എത്തി….

റോഡ് സൈഡിലെക്ക് കയറി നടന്ന ഞാൻ പുറകിൽ ഒരു വെളിച്ചം അടിച്ചത് കണ്ടാണ് തിരിഞ്ഞ്…. തിരിഞ്ഞതിന് മുൻപ് എന്റെ ദേഹത്ത് എന്തോ വന്ന് ഇടിച്ചിരുന്നൂ…. എന്റെ കയ്യിൽ ഇരുന്ന ബാഗ് എങ്ങോട്ടോ തെറിച്ച് പോയി….

.

.

.

ബോധം തെളിഞ്ഞപ്പോൾ ഞാൻ ഏതോ ഒരു സ്ഥലത്ത് കിടക്കുകയാണ്… വേദന കാരണം കണ്ണ് ചുരുക്കി ചുറ്റും നോക്കിയപ്പോ എനിക്ക് മനസ്സിലായി അത് ഒരു ഹോസ്പിറ്റൽ ആണെന്ന്…. ഒന്നും കൂടെ നോക്കിയ അവന് അത് ഒരു ICU ആണെന്ന് മനസിലായി… ഞാൻ പതിയെ വലത്തേ കൈ പൊക്കി നോക്കി അതിൽ പ്ലാസ്റ്റർ ഇട്ടിട്ട് ഉണ്ടായിരുന്നു… ഇടത്തേ കാലിലും പ്ലാസ്റ്റർ ഉണ്ടായിരുന്നു… ഞാൻ പതിയെ ഇടത്തേ കൈ കുത്തി എഴുന്നേറ്റ് ഇരിക്കാൻ ശ്രമിച്ചു…

” അയ്യോ എഴുന്നേൽക്കല്ലെ കാലിന് ഒടിവ് ഉള്ളതാ….”

ഒരു സ്ത്രീ ശബ്ദം ആണ് എന്റെ ആ എഴുന്നേൽക്കാൻ ഉള്ള പരിശ്രമം തടഞ്ഞത്…

ഞാൻ ചുറ്റും നോക്കി ഒരു മാലാഖ എന്നെ തിരികെ ബെഡ്ഡിൽ ബലമായി പിടിച്ചു കിടത്തി…. പക്ഷേ ആ മാലഖയ്‌ക്ക്‌ ചിറകുകൾ ഉണ്ടാരുന്നില്ല…. അത് ഭൂമിയിലെ മാലാഖ ആയിരുന്നു….

” എന്തിനാ എഴുന്നേൽക്കുന്നത്…???”

ആ നഴ്സ് എന്നെ തിരികെ കിടത്തി കൊണ്ട് ചോദിച്ചു….

” അത് ഞാൻ എങ്ങനാ ഇവിടെ എത്തിയത്…?? എന്നെ ഇവിടെ ആരാ കൊണ്ട് വന്നത്..??? ”

ആരാ എന്നെ ഇവിടെ എത്തിച്ചത് എന്ന് അറിയാൻ ഞാൻ ചോദിച്ചു…

” അത് ഒരു തമിഴനാ… പേര് ഒന്നും അറിയില്ല… കുറച്ച് കഴിയുമ്പോ റൂമിലേക്ക് മാറ്റും അപ്പോ അറിയാം… ”

അവർ എന്നോട് പറഞ്ഞു….

” മ്മ്….”

ഞാൻ ഒന്ന് മൂളി….

” താൻ ഇവിടെ കിടക്കേ ഞാൻ ദേ ഡോക്ടറിനെ വിളിച്ചിട്ട് വരാം…”

ഇതും പറഞ്ഞ് ആ നഴ്സ് പുറത്തേക്ക് നടന്നു…

ഞാൻ വീണ്ടും ആലോചിച്ചു…. എന്തായാലും എന്നെ അറിയുന്ന ആരും ആയിരിക്കില്ല… അറിയുന്നവർ ആരെങ്കിലും ആയിരുന്നെങ്കിൽ ഇൗ കുരിശ് എടുത്ത് തലയിൽ വെക്കേണ്ട എന്ന് വെച്ച് പോവത്തേ ഉള്ളൂ….

” ഹേയ്… ”

ഒരു കിളി മൊഴി കേട്ടാണ് ഞാൻ തിരിഞ്ഞ് നോക്കിയത്… ഒരു ലേഡി ഡോക്ടർ ആയിരുന്നു ഒപ്പം നേരത്തെ കണ്ട നഴ്സും ഉണ്ടായിരുന്നു…

” ഹലോ മിസ്റ്റർ_____…… “