?? അവൾ ?? [kannan] 170

ഇവൾ ഈ കുളത്തിൽ നിന്നും എന്നെ എന്തിനാ വീഡിയോ കാൾ ചെയ്യുന്നേ…

എന്റെ സംശയം അങ്ങനെ ആണ് പോയത്…

ഞാൻ കാൾ അറ്റൻഡ് ചെയ്തു…

മൊബൈലിൽ അച്ചുവിന്റെ മുഖം തെളിഞ്ഞു അതേ ബ്ലാക്ക്‌ ചുരിദാർ ആയിരുന്നു വേഷം…

പക്ഷെ പുറകിൽ അവളുടെ ഫ്ലാറ്റ് ആണ് കാണുന്നത്…എന്നിക്ക് ഒന്നും മൻസിലായില്ല..

” അച്ചു നീ എപ്പോഴാ കുളത്തിൽ നിന്നും അങ്ങോടു പോയത് …നീ എന്താ പറയാതെ പോയെ..”

എന്നിക്ക് ഒന്നും മനസ്സിലായില്ല…

” എന്താ നന്ദേട്ട പറ്റിയെ ..ഞാൻ രാവിലെ തൊട്ടു വിളിക്കുന്നതാണ്…എന്താ കാൾ എടുക്കാഞ്ഞെ…ഞാൻ എപ്പോഴാ കുളത്തിൽ വന്നേ…ഞാൻ ഇവിടെ എറണാകുളത്തു അല്ലെ…ഇത്ര നേരം ഡ്യൂട്ടി ഉണ്ടായിരുന്നു…ഇപ്പോഴാ ഞാൻ ഫ്ലാറ്റിൽ എത്തിയെ …ദേ നോക്കിയെ..”

അവൾ ഫോൺ തിരിച്ചു കാണിച്ചു…ശരിയാണ് അവൾ എറണാകുളത്തു ആണ് അപ്പോൾ എന്റെ കൂടെ ഇത്ര നേരം ഉണ്ടായിരുന്നത് ആരാണ്…എന്റെ തലയിലൂടെ ഒരു മിന്നൽ കടന്നു പോയി….

” അച്ചു ഞാൻ നിന്നെ തിരിച്ചു വിളിക്കാം..”

അതു പറഞ്ഞതും അവളുടെ മറുപടിക്ക് കാത്തു നിൽക്കാതെ ഞാൻ കുളത്തിലേക്കു ഓടി…

കുളപടവിൽ എത്തി ഞാൻ കുളത്തിലേക്കു നോക്കിയപ്പോൾ ആരും ഉണ്ടായിരുന്നില്ല…ഞാൻ തിരിഞ്ഞു കുളത്തിന്റെ നാലുപാടും നോക്കി…

ആരെയും കണ്ടില്ല…

അവസാനം ഞാൻ അവൾ പടവിൽ വച്ച ആമ്പൽ കണ്ടു ..

നീല ആമ്പൽ അതു ആ രാത്രിയിലും വിരിഞ്ഞു നിന്നു …..

എനിക്ക് എന്തു ചെയ്യണം എന്ന് അറിയാതെ ആ പടവിൽ ആ ആമ്പൽ പൂവും പിടിച്ചു നിന്നു………