🐆MISSION JUNGLE🐾 1 [Nikila] 2391

സിംഹം : “ഉമ്മ….. ഉമ്മ….ചക്കരേ….. ഉമ്മ്മ്മ്മ്…..മ്മ”

 

“സാർ…. സാർർർർ😤”

 

ഭാര്യയെ പ്രതീക്ഷിച്ച സിംഹം അവിടെ കേട്ടത് ഒരു പുരുഷശബ്ദമായിരുന്നു. ഉടനെ സിംഹം അവിടെ നിന്നും വിട്ടുമാറി അകത്തെ ലൈറ്റ് ഓണാക്കി നോക്കി. അപ്പോൾ ആളവിടെ കണ്ട കാഴ്ച്ച തന്നെ നോക്കിക്കൊണ്ട് കിതച്ചു ആഞ്ഞു അകത്തേക്ക് ശ്വാസം വലിച്ചെടുക്കുന്ന തന്റെ മന്ത്രി പുലികേശിയെയാണ്.

 

സിംഹം : “ഡോ, താനിവിടെ….ശ്ശേ 🤮”

 

പുലികേശി : “അതു ശരി, സാറിനെയൊന്ന് സഹായിക്കാന്ന് കരുതി വന്നപ്പോ സാറെന്നെ കേറി ബലാത്സംഗം ചെയ്യാൻ നോക്കുന്നോ 🤒”

 

സിംഹം : “എടോ, ഞാനെന്റെ ഭാര്യയാണെന്ന് കരുതിയാ, അല്ലാതെ ഞാനങ്ങനെ…..”

 

പുലികേശി : “അതു ശരി. അപ്പൊ സാറ് ഡെയിലി സാറിന്റെ ഭാര്യയെ റേപ്പ് ചെയ്യോ 🙄”

 

സിംഹം : “എന്റമ്മോ….🙆‍♂️. ഡേയ്, ഞാനിന്ന് ഫുൾ ടെൻഷനിലായിരുന്നു. എന്റെ ആളുകള് വരെ കൂറ് മാറാൻ തുടങ്ങി. അതും ആലോചിച്ചു ടെൻഷനടിച്ചു വീട്ടിലേക്ക് കേറിയപ്പോ ഒരു റിലീഫിന് വേണ്ടി ചെയ്തതാ”

 

പുലികേശി : “എന്നാ സാറിന് ഇനിയും ടെൻഷൻ കൂടത്തേയുള്ളൂ. സാറിന്റെ ഭാര്യയെയും പിള്ളേരെയും കുറച്ചുനാളത്തേക്ക് ഞാൻ അവരുടെ ബന്ധുവീട്ടിലേക്ക് വിട്ടേക്കാ. ഇത്രേം വലിയ പ്രശ്നങ്ങളിവിടെ നടക്കുമ്പോ അവരെന്തിനാ നമ്മുടെയിടയില് കിടന്നു ബുദ്ധിമുട്ടുന്നേ”

 

തന്റെ ഭാര്യ ഇവിടെയില്ലെന്നറിഞ്ഞ സിംഹം ഒന്ന് നെടുവീർപ്പെട്ടു.

 

സിംഹം : “താൻ പറഞ്ഞതും ശരിയാ. വെറുതേ ഇതിലേക്ക് അവരേയും കൂടി വലിച്ചിഴക്കണ്ട. അല്ലേ 😔”

 

പുലികേശി : “സാർ, തൽക്കാലം നമുക്ക് എല്ലാവരും പറയുന്നതുപോലെ ഇലക്ഷനങ്ങ് നടത്തിയേക്കാം”

 

സിംഹം : “എടോ താൻ…..”

 

പുലികേശി : “സാറേ, ബാക്കി കൂടി കേൾക്ക്’

 

സിംഹം : “എന്നാ താൻ പറ”

 

പുലികേശി : “ഇനി അഥവാ ഇലക്ഷൻ നടന്നാലും അതില് സാറ് തന്നെയേ ജയിക്കുള്ളൂ”

 

സിംഹം : “അതിലെന്താ ഇത്ര ഉറപ്പ് ?”

 

പുലികേശി : “സാറിന്റെ പൂർവികന്മാര് തന്നെയാ ഉറപ്പ്”

 

സിംഹം : “താൻ കാര്യമെന്താണെന്ന് തെളിച്ചു പറ”

 

പുലി : “വർഷങ്ങൾക്ക് മുൻപ് ഈ കാട്ടിൽ കരുത്തുള്ള മൃഗങ്ങളെ പേടിച്ച് പാവപ്പെട്ട മൃഗങ്ങള് കാട് വിട്ടു നാട്ടിലേക്ക് പോയ ഒരു കാലമുണ്ടായിരുന്നു. എന്നാൽ സാറിന്റെ പരമ്പരയിലുള്ള സിംഹരാജൻ സാറ് കാരണമാണ് ഇപ്പോൾ സസ്യബുക്കുകളായ ജീവികളും അല്ലാത്തവരും ഇവിടെ ഒരുമിച്ചു ഒരേപോലെ കഴിയുന്നത്”

 

സിംഹം : “അതിവിടെ പറയേണ്ട കാര്യം ?”

 

പുലികേശി : “കാര്യമുണ്ട്. ഈ കാട്ടുമുക്കിലെ മൊത്തം ജനസംഖ്യയെടുത്തു നോക്കിയാൽ അതിൽ ഭൂരിഭാഗവും മേൽ പറഞ്ഞ സസ്യബുക്കുകളായ ജീവികള് തന്നെയാ. അങ്ങനെ നോക്കുമ്പോൾ ഇലക്ഷൻ നടക്കുമ്പോൾ ഭൂരിപക്ഷ തീരുമാനമെന്ന സംഗതി ഇക്കൂട്ടരെ ആശ്രയിച്ചിരിക്കും”

 

സിംഹം പെട്ടന്നെന്തോ പിടിക്കിട്ടിയതുപോലെ പുലികേശിയുടെ മുഖത്തേക്ക് ആശ്ചര്യത്തോടെ നോക്കി.

 

പുലികേശി : “സാറിന് ഞാൻ പറഞ്ഞു വരുന്ന കാര്യമെന്താന്ന് മനസിലാവുന്നുണ്ടോ ?”

 

സിംഹം : “ഏറെക്കുറെ”

 

പുലികേശി : “ഈ ഭൂരിഭാഗം വരുന്ന ഈ കൂട്ടര് ഇന്നിവിടെ താമസിക്കാൻ കാരണം സാറിന്റെ പൂർവികരാ. അവര് തുടങ്ങി വച്ച പരിഷ്ക്കാരങ്ങള് കാരണമാ കാട്ടുമുക്ക് ഇന്നീ കാണുന്ന സ്ഥിതിയിലായത്. സാറീ സംഭവത്തിൽ പിടിച്ചു കേറി വേണം എല്ലാവരോടും വോട്ട് ചോദിക്കാൻ. അതിനു ശേഷം സാറ് നോക്കിക്കോ. പുഷ്പം പോലെ സാറ് തന്നെ രാജാവാകും”

 

അതോടെ സിംഹത്തിന്റെ മുഖം വിടർന്നു. സിംഹം ഗുഹയ്ക്ക് പുറത്തേക്കിറങ്ങി മൗനമായി നിന്നു. ഒരു നിമിഷം ആകാശത്തിലെ നക്ഷത്രങ്ങളെ നോക്കി ആള് കാര്യമായ ചിന്തായിലാണ്ടു. എന്നാൽ പുള്ളി മറുപടിയൊന്നും പറയാത്തതു കാരണം പുലികേശിയുടെയും ക്ഷമ നശിച്ചു.

 

പുലികേശി : “സാറൊരു തീരുമാനം പറ. നമുക്ക് ഈ ഇലക്ഷൻ നടത്തണോ വേണ്ടയോ. ഇലക്ഷൻ നടത്തിയാൽ സാറ് തന്നെ അതില് ജയിക്കും അത്‌ എന്റെ ഉറപ്പ്. അല്ലാതെ ഈ പ്രശ്നമിങ്ങനെ വലിച്ചു നീട്ടിയാൽ ഈ കാട്ടില് ഒരു കലാപം തന്നെ നടക്കും. സാറ് എന്തു പറയുന്നു🤨”.