🐆MISSION JUNGLE🐾 1 [Nikila] 2391

മുയൽ കുട്ടൻ : “അപ്പൊ പണിയൊക്കെ പോയി കുത്തുപ്പാളയെടുത്തപ്പോ ഇങ്ങോട്ട് വന്നതാണല്ലേ 🤣”

 

നായേഷ് : “യാ….യാ…☺️”

 

മൂർഖേഷ് പാമ്പ് : “തന്റെ ജോലി പോയത് അറിയിക്കാനായിരുന്നോ നേരെത്തെ താൻ കൂവി വിളിച്ചു ആളെ കൂട്ടാൻ നോക്കിയേ🤨”

 

നായേഷ് : “അതു ചുമ്മാ ഒരു ഓളമുണ്ടക്കാനായിട്ട് 😁”

 

മുയൽകുട്ടൻ : “ഭാഗ്യം, ഞങ്ങള് നാലാള് മാത്രമേ ഇതൊക്കെ കേട്ടുള്ളൂ. ഇല്ലെങ്കിൽ ഇവിടെയും താൻ മൊത്തത്തിലങ്ങ് നാറിപ്പോയേനെ”

 

മേരി കുഞ്ഞാട് : “അതേയതേ🤣”

 

നായേഷ് : “അങ്ങനെയാണോ. എന്നാ പിള്ളേരെ, ഈ കാട് മുഴുവനും ഓളമുണ്ടാക്കാനുള്ള ഒരു സംഭവവും കൊണ്ടാ ഞാനിങ്ങോട്ട് വന്നേക്കുന്നേ”

 

കഴുതമാക്കാൻ : “ചുമ്മാ പുളുവടിക്കല്ലേ”

 

നായേഷ് : “നുണയല്ലടാ, സത്യമാടാ. ആ സംഭവമെന്താണെന്ന് കേട്ടാ ഈ കാട് മൊത്തം കുലുങ്ങും”

 

മുയൽകുട്ടൻ : “ആഹാ, എന്നാ അതൊന്ന് കേട്ടിട്ട് തന്നെ കാര്യം”

 

അങ്ങനെ നായേഷ് നായ ആ കാട് മൊത്തത്തിൽ കുലുക്കി മറിക്കാൻ പാകത്തിലുള്ള ഒരു ബോംബ് കാട്ടുമുക്കിൽ പൊട്ടിച്ചു. ഇലക്ഷൻ, അതായിരുന്നു നായേഷിന്റെ പുതിയൊരു കണ്ടുപ്പിടിത്തം. നാട്ടിലെ ജനങ്ങൾ ഭൂരിപക്ഷത്തീരുമാനത്തോടെ അവരുടെ നേതാവിനെ തിരഞ്ഞെടുപ്പിലൂടെ കണ്ടെത്തുന്ന ജനാധിപത്യത്തിന്റെ ഭാഗമായുള്ള പരിപാടി. അതുവരെ രാജഭരണത്തിൽ പൊയ്ക്കൊണ്ടിരുന്ന കാട്ടുമുക്കിൽ നായേഷ് അവതരിപ്പിച്ച ഇലക്ഷൻ എന്ന ആശയത്തിന് വൻ പബ്ലിസിറ്റിയുണ്ടായി. നായേഷ് നായയിൽ നിന്നുമറിഞ്ഞ ഈ വിവരം ആ നാലു മൃഗങ്ങളും കൂടി കാട്ടുമുക്ക് മുഴുവൻ പറഞ്ഞു പരത്തി. കൂട്ടത്തിൽ മേരി കുഞ്ഞാടിന്റെ വകയായിട്ടുള്ള സ്ത്രീകളിലെ പരദൂഷണം ടീംസ് വഴിയായുള്ള പബ്ലിസിറ്റിയും കൂടിയായപ്പോൾ ആ സംഭവം കാട്ടുത്തീയേക്കാൾ വേഗത്തിൽ കാട് മുഴുവൻ പരന്നു. അതിനുമൊരു കാരണമുണ്ട്. ഇലക്ഷൻ എന്ന സംഭവത്തെക്കുറിച്ച് കാട്ടുമുക്കിൽ അധികമാരും കേട്ടിട്ടു കൂടിയുണ്ടായിരുന്നില്ല. അല്ലെങ്കിൽ പിന്നെ മറ്റൊരു സാധ്യത ഇങ്ങനൊരു സംഭവത്തെക്കുറിച്ച് നാട്ടിലുള്ള ആരും കാട്ടുമുക്ക് നിവാസികളെ അറിയിച്ചിട്ടുണ്ടാകില്ല.

 

അതിനു പിന്നിലും ഒരു കാരണമുണ്ട്. പണ്ട് ഈ നാടിനെക്കുറിച്ച് അന്വേഷിക്കാൻ പുറപ്പെട്ടതും അതിനനുസരിച്ചു കാട്ടിൽ മാറ്റങ്ങൾ നടപ്പിലാക്കാൻ മുൻകയ്യെടുത്തതും സിംഹരാജന്റെ പരമ്പരയിൽ ഉൾപ്പെടുന്ന സംഘങ്ങളായിരുന്നു. മനുഷ്യർ താമസിക്കുന്നിടത്ത് ജനാധിപത്യമുണ്ടെങ്കിലും ആ കാര്യം കാട്ടിനകത്തുള്ളവർ അറിയരുതെന്നത് സിംഹരാജന്റെ തീരുമാനമായിരുന്നു. എങ്കിൽ മാത്രമേ അവരുടെ കുടുംബത്തിന് ഇനിയും കാട് ഭരിക്കാൻ കഴിയൂ. അതുക്കൊണ്ട് തന്നെ ഇക്കര്യങ്ങളൊന്നും കാടിനകത്തുള്ളവർ അറിയാതിരിക്കാൻ സിംഹരാജൻ അന്ന് വളരെയധികം ശ്രദ്ധിച്ചിരുന്നു. എന്നാൽ കാലവും അതിനനുസരിച്ചു സിംഹരാജന്റെ തലമുറയും മാറിമാറി വന്നപ്പോൾ അദ്ദേഹത്തിന്റെ പുതിയ തലമുറയിൽ പെട്ടവർ ഈയൊരു കാര്യത്തിൽ വേണ്ടത്ര പ്രാധാന്യം കൊടുത്തില്ല. അങ്ങനെ ഇപ്പോഴത്തെ രാജാവായ സിംഹത്തിന്റെ അശ്രദ്ധ കാരണമാണ് നായേഷ് വഴി ഇലക്ഷൻ എന്ന കാര്യത്തേക്കുറിച്ച് കാട്ടിലുള്ള എല്ലാവരും അറിയാൻ തുടങ്ങിയത്. അല്ലെങ്കിലും വരാനുള്ള വയ്യാവേലി എന്നായാലും വരുക തന്നെ ചെയ്യും😉.

 

അങ്ങനെ ഈ കാട്ടിലും ഇലക്ഷൻ വേണമെന്ന ആവശ്യവുമായി പലരും മുന്നോട്ട് വന്നു. യുവതലമുറയിൽ പെട്ട മൃഗങ്ങളായിരുന്നു ഇതിൽ കൂടുതലും മുൻകയ്യെടുത്തത്. അതിൽ പലരുടെയും ലക്ഷ്യം അധികരമായിരുന്നു.

 

വൈകാതെ ഈ സംഭവം രാജാവിന്റെ അധികാരപരിധിയിലുമെത്തി. ഇലക്ഷൻ വേണമെന്ന എല്ലാവരുടെയും മുറവിളി കാരണം സിംഹത്തിന് ഇരിക്കപ്പൊറതിയില്ലാത്ത അവസ്ഥയായി. അതോടെ സഹായം തേടി സിംഹം തന്റെ മന്ത്രിയായ പുലികേശിയുടെ അടുത്തെത്തി. സഹായമഭ്യർത്ഥിച്ചു പുലിമടയിലേക്ക് കേറിച്ചെന്ന സിംഹത്തിന് പുലിവാല് പിടുക്കേണ്ടി വന്നു (അതായത് പുലിയുടെ വാല് പിടിക്കേണ്ടി വന്നു🤣). വേറെ നിവൃത്തിയില്ലാത്തതുക്കൊണ്ട് സഹായിക്കാമെന്ന് പുലികേശിയും വാക്ക് കൊടുത്തു.

 

അങ്ങനെ രാത്രി സമയം, സിംഹത്തിന്റെ ഗുഹ

 

ആകെക്കൂടി ക്ഷീണിച്ചവാശനായിട്ടായിരുന്നു സിംഹം തന്റെ ഗുഹയിലേക്ക് എത്തിയത്. വന്നു വന്ന് തന്റെ ഭരണസമിതിയിലുള്ളവര് വരെ ഇപ്പോൾ ഇലക്ഷനെ അനുകൂലിച്ചു തുടങ്ങി. ഇനി എന്തു ചെയ്യുമെന്നറിയാതെ ഒരു എത്തും പിടിയും കിട്ടാത്ത അവസ്ഥയിലാണ് സിംഹം. തന്റെ രാജപരമ്പരക്ക് അവസാനമായോന്ന് വരെ പുള്ളിക്ക് പേടിയായി. അങ്ങനെ ഡിപ്പ്രഷനടിച്ചു ഗുഹയ്ക്കത്തേക്ക് കേറിയപ്പോഴായിരുന്നു അകത്തു നിന്നും ഇരുട്ടിൽ ഒരു ഞെരക്കം കേട്ടത്. ആദ്യം ഒന്ന് പകച്ചെങ്കിലും പിന്നീട് സിംഹത്തിന്റെ മുഖം പ്രസന്നമായി.

 

സിംഹം : “ഓ…. മൈ ഡിയർ വൈഫ്😍”

 

അകത്തുള്ളത് സ്വന്തം ഭാര്യയാണെന്ന ധാരണയോടെ സിംഹം ഗുഹയ്‌ക്കകത്തെ ഇരുട്ടിലേക്ക് പിന്നെയും കേറി. അപ്പോഴും അകത്ത് എന്തോ ഞെരുങ്ങുന്ന ശബ്ദം കേൾക്കാമായിരുന്നു.

 

സിംഹം : “എന്റെ പൊന്നു ചക്കരേ…..😚

 

എന്നും നീട്ടിവിളിച്ചുക്കൊണ്ട് സിംഹം ശബ്ദം കേട്ട ഭാഗത്തേക്ക്‌ ഒരൊറ്റ കുതിക്കലായിരുന്നു.