?എ ഫീൽ ഗുഡ് സ്റ്റോറി? [Fallen Angel] 176

“അത് കേട്ടതും അമ്മ അവനെ നോക്കി…..

“സത്യം ആണോടാ മോനെ….”

“അതെ അമ്മ അടുത്തായ്ച്ച ജോയിൻ ചെയ്യണം….”

അവർ അവന്റെ അടുത്ത് വന്ന് നെറ്റിയിലും കവിളിലും ഒരുപാട് ഉമ്മ കൊടുത്തു… അവരുടെ കണ്ണുകൾ സന്തോഷം കൊണ്ട് നിറയുന്നുണ്ടായിരുന്നു…

ഈ അമ്മ എന്തിനാ ഇപ്പൊ കരയുന്നെ ഒരു നല്ല വാർത്ത പറഞ്ഞാൽ കരയ ചെയ്യാ

“പോടീ ഇത് സന്തോഷം കൊണ്ടാ അത് നിനക്ക് മനസ്സിലാകണമെങ്കിലെ നീ ഒരു അമ്മയാകണം….”

ശെരി എന്റെ ത്രേസ്യ കൊച്ചേ…..

എന്താടി വിളിച്ചേ നിന്റെ ചെവി ഞാൻ ഇന്ന്…

അവളുടെ ചെവി പതിയെ പിടിച്ച് തിരിച്ച് കൊണ്ടാണ് അമ്മ അത് പറഞ്ഞത്…അവൾ പിന്നെയും കാറി കൂവി അത് കണ്ട് അവനും അമ്മയും ചിരിച്ചു…

“ഏട്ടായി ഇത് കണ്ടില്ലേ എന്റെ ചെവി…..”

അവൾ കള്ള പരിഭവം പ്രകടിപ്പിച്ചു…

“അത് സാരമില്ലെടി പെണ്ണേ നിന്റെ നാവിനു ഇത്തിരി നീളം കൂടുതലാ അതിനുള്ള ശിക്ഷയാണ് ”

“ഓഹോ ഏട്ടായിയും അമ്മയുടെ പക്ഷത്തായല്ലേ ഞാൻ പോവാ…”

“ഹ പിണങ്ങല്ലേ എന്റെ കാന്താരി നിനക്ക് ട്രീറ്റ്‌ വേണ്ടേ….”

“അത് വേണം അത് തരാതെ ഏട്ടായിയെ ഞാൻ എവിടേക്കും വിടില്ല ”

“എന്നാ നമ്മുക്ക് പുറത്തൊക്കെ പോയിട്ട് വരാം…അമ്മയും വാ”

“ഞാൻ ഇല്ലെടാ മക്കളെ നിങ്ങൾ പോയിട്ട് വാ”

“എന്റെ കുടുംബം എന്ന് പറയുന്നത് നിങ്ങൾ എല്ലാവരുമാണ് എന്റെ ഈ സന്തോഷത്തിൽ അമ്മയെ ഒഴിവാക്കാൻ പറ്റില്ല….”

അവന്റെ നിർബന്ധം കാരണം അമ്മയും വരാമെന്ന് സമ്മദിച്ചു…. അവരെല്ലാരും കൂടെ പുറത്ത് ഒക്കെ പോയി സന്തോഷമായി തിരിച്ച് വന്നു കുറേ കാലത്തിന് ശേഷം അമ്മയൊന്നു മനസ് നിറഞ്ഞ് ചിരിച്ച് കണ്ടപ്പോൾ അറിയാതെ അവന്റെ കണ്ണുകൾ നിറഞ്ഞു…. ജോലി കിട്ടിയതിനേക്കാൾ നൂറിരട്ടി സംതൃപ്തി തോന്നിയത് അമ്മ ഒന്ന് ചിരിച്ച് കണ്ടപ്പോഴായിരുന്നു…. അവൻ മനസ്സിൽ ഓർത്തു ഇവിടെ മുതൽ താൻ പുതിയ ജീവിതം തുടങ്ങാൻ പോവുകയാണ് പുതിയ ആളുകൾ പുതിയ രീതികൾ ഒക്കെ കടന്ന് വരും…. ബാധ്യതകളെല്ലാം തീർക്കണം… അമ്മയും അവളുമൊത്ത് സന്തോഷമായി ജീവിക്കണം… എല്ലാം നടക്കുമെന്ന വിശ്വാസത്തോടെ അവൻ കണ്ണുകളടച്ച് കിടന്നു…… ഒരുപാട് നാളുകൾക്ക് ശേഷമുള്ള ശാന്തമായ സമാദാനത്തോടെയുള്ള ഉറക്കത്തിലേക്ക്….

___________________*_________________