?എ ഫീൽ ഗുഡ് സ്റ്റോറി? [Fallen Angel] 176

അവർ അവിടെ നിന്ന് ഇറങ്ങിയതും… നല്ല ശക്തമായി ഇടിവെട്ടി… അവൾ പേടിച്ച് കൊണ്ട് അവനോട് ചേർന്ന് നിന്നു…അവനും അവളും ഒന്നിച്ചു മുഖത്തേക്ക് നോക്കി അവരുടെ കണ്ണുകൾ തമ്മിൽ ഉടക്കി…അവന് അവളോട് എന്തൊക്കെയോ പറയണമെന്നുണ്ടായിരുന്നു… വാക്കുകൾ പക്ഷെ പുറത്തേക്ക് വന്നില്ല…. അവളുടെയും അവസ്ഥ അത് തന്നെയാണെന്ന് അവന് മനസിലായി….പെട്ടന്ന് തന്നെ അവൾ കുറച്ച് മാറി നിന്നു…

“നല്ല മഴ വരുന്നുണ്ട് ഞാൻ കൊണ്ടാക്കി തരണോ ”

“വേണ്ട ഞാൻ ബസ്സിന് പൊക്കോളാം…”

“ഈ മഴയത്ത് ഇനി ബസ്സിനൊന്നും പോവണ്ട കുടയും എടുത്തിലാലോ ഞാൻ ഓട്ടോ പിടിച്ച് തരാം”

ആ വഴി വന്ന ഓട്ടോക്ക് അവന് കൈ കാട്ടി അതവരുടെ മുന്നിൽ നിർത്തിയപ്പോൾ അവൾ അവനെയൊന്നു നോക്കിയ ശേഷം ഓട്ടോയിലേക്ക് കയറി എന്തോ ഓർത്ത പോലെ അവന്റെ മുഖത്ത് ചെറു പുഞ്ചിരി തെളിഞ്ഞു….അവൻ തന്നെ ഓട്ടോ കാശും കൊടുത്തു….അവൾക്കപ്പോ അവർ ആദ്യമായി കണ്ടുമൂട്ടിയ നിമിഷം ഓർമ വന്നു അവനെ നോക്കിയപ്പോൾ അവൻ ചിരിച്ച് കൊണ്ട് കണ്ണിറുക്കി…

പൈസ കൊടുത്ത് കഴിഞ്ഞതും ഓട്ടോ മുന്നോട്ട് പോയി….മഴ പതിയേ ശക്തിയായി പെയ്തു തുടങ്ങി…. അവൾ തിരിഞ്ഞ് നോക്കിയപ്പോൾ ആ കോരിച്ചൊരിയുന്ന മഴയത്ത് താൻ പോകുന്നതും നോക്കി നിൽക്കുന്ന അവനെയാണ് കണ്ടത് എത്ര ശക്തമായ മഴ ആണേലും അവന്റെ കണ്ണ് നിറഞ്ഞൊഴുകുന്നത് അവൾ കണ്ടു …. അവളുടെ മനസ് അറിയാതെ പിടച്ചു….. അവൾ പോലും അറിയാതെ അവളുടെ കണ്ണുകളും നിറഞ്ഞു….അവൾ അവനെ തന്നെ നോക്കി നിന്നും അവൻ കണ്ണിൽ നിന്ന് മറയുന്നത് വരെ

ഓട്ടോ കണ്ണിൽ നിന്നും മറഞ്ഞ ശേഷം അവൻ പതിയേ വണ്ടിയുമായി അവിടെ നിന്ന് വീട്ടിലേക്ക് തിരിച്ചു മഴ തന്റെ ശക്തി കാണിച്ച് കൊണ്ട് നന്നായി പെയ്തിറങ്ങി…. അതൊന്നും വകവെക്കാതെ അവൻ വീട്ടിലേക്ക് സാവധാനം പോയികൊണ്ടിരുന്നു…. അവന്റെ മനസാകെ അവൾ മാത്രമായിരുന്നു… അവൾ പറഞ്ഞ ഓരോ കാര്യങ്ങളും അവൻ ഓർത്തു… അവളുമൊന്നിച്ചുള്ള കാലം ഓർക്കുമ്പോയൊക്കെ അവന്റെ മിഴികൾ നിറഞ്ഞ് തുളുമ്പാൻ തുടങ്ങി…

മഴ ഒരു അനുഗ്രഹമായി അവന് തോന്നിയ സമയമായിരുന്നു അത്…. അവന്റെ അനുവാദം പോലും ചോദിക്കാതെ നിറയുന്ന അവന്റെ മിഴിനീരിനെ മറ്റാരും കാണില്ലാലോ….

വീട്ടിൽ എത്തിയതും മുന്നിൽ തന്നെ അമ്മ നിൽക്കുന്നു… ബൈക്ക് നിർത്തി ഉള്ളിലേക്കു കയറിയതും അമ്മയുടെ വഴക്ക് കേൾക്കാൻ തുടങ്ങി… എന്നെ ശക്കാരിച്ച് കൊണ്ട് തന്നെ അവിടെ ഉണ്ടായ തോർത്തെടുത്ത് തല തുവർത്തികൊണ്ടിരുന്നു…. അവന് മനസിലായി അമ്മയുടെ സ്നേഹത്തിനോളം വലുതായി ഈ ലോകത്ത് തന്നെ വേറെ ഒന്നും ഇല്ലായെന്ന്….

“നീ പോയിട്ട് കുളിച്ചിട്ട് വാ മോനെ ഞാൻ ചൂട് കാപ്പി ഇട്ട് തരാം…”

അവൻ പോയി കുളിച്ച് വന്നു… ടേബിളിൽ ആവി പറക്കുന്ന കാപ്പി ഇരിക്കുന്നുണ്ടായിരുന്നു… അവനതുമെടുത്ത് ഉമ്മറത്ത് പോയി മഴ പെയ്യുന്നതും നോക്കി കാപ്പി ഒരു കവിൾ കുടിച്ചു അപ്പോഴാണ് പുറകിൽ ഒരു കാൽ പെരുമാറ്റം കേട്ടത്…തിരിഞ്ഞ് നോക്കിയതും ലെച്ചൂട്ടി വരണോ വേണ്ടയോ എന്നാ സംശയത്തിൽ അവിടെ നിൽക്കുന്നതാണ് കണ്ടത്…

“അല്ല ഇതാര് എട്ടായിയുടെ കാന്താരിയോ… ഇവിടെ വാടി ” അവൾ മെല്ലെ അവന്റെ അടുത്തുള്ള കസേരയിൽ ഇരുന്നു…അവളുടെ മുഖത്ത് എന്തോ സന്തോഷം ഇല്ലായ്മ അവൻ ശ്രേദ്ധിച്ചു

“ഏട്ടായി എപ്പോ വന്നു..”

” ഞാൻ കുറച്ച് നേരമായി… രാവിലെ അങ്ങനെ ഒകെ സംസാരിച്ചോണ്ടാണോ എന്റെ ലെച്ചൂട്ടി മുഖം വാടി ഇരിക്കുന്നത് ”

അവന്റെ ഉള്ളിലെ വിഷമം പുറത്ത് കാണിക്കാതെ ഇരിക്കാൻ മാക്സിമം ചിരിച്ച് കൊണ്ടാണ് അവനത് പറഞ്ഞത്

“അതൊന്നും അല്ല ഏട്ടായി ”

“പിന്നെ എന്ത് പറ്റി എന്റെ കുറുമ്പി പെണ്ണിന് ”

“നിങ്ങൾ രണ്ട് പേരും ബ്രേക്ക്‌ അപ്പ്‌ ആയല്ലേ”

പെട്ടന്ന് അത് കേട്ടപ്പോൾ അവനൊന്നു ഞെട്ടി ഇവൾക്കെങ്ങനെ ഇതൊക്കെ അറിയാം എന്നായിരുന്നു അവൻ ആലോചിച്ചത്

“ആര് എപ്പോ… ഞാൻ ആരുമായി ബ്രേക്ക്‌ അപ്പ്‌ ആവാൻ ”