?എ ഫീൽ ഗുഡ് സ്റ്റോറി? [Fallen Angel] 176

അത് കേട്ടതും അവൾ ഒന്ന് ഞെട്ടിയത് അവൻ കണ്ടു

“എന്റെ കയ്യിൽ ഓട്ടോക്ക് കൊടുക്കാൻ പൈസ ഇല്ല…”

ദയനീയമായ മുഖഭാവത്തോടെയാണ് അവളത് പറഞ്ഞത് പിന്നിൽ നിൽക്കുന്നവന്മാരുടെ വഷളൻ ചിരി അവന് കേൾക്കാമായിരുന്നു….എല്ലാത്തിനും രണ്ടെണ്ണം പൊട്ടിക്കാനുള്ള ദേഷ്യം അവന് വന്നു പക്ഷെ പക്ഷെ പെട്ടന്ന് തന്നെ സ്വയം നിയന്ത്രിച്ചു… വികാരത്തിന് പുറത്ത് ചിന്തിക്കാതെ വിവേകപരമായി ചിന്തിക്കാൻ അവന്റെ മനസ്സിൽ തോന്നിയത് അവൻ ഒന്ന് ആലോചിച്ച ശേഷം ആ വഴി വന്ന ഓട്ടോക്ക് കൈ കാട്ടി നിർത്തിച്ചു…..

എന്നിട്ട് അവളോട് കയറാൻ പറഞ്ഞു…അവളോട് ഇറങ്ങാനുള്ള സ്ഥലം ചോദിച്ച ശേഷം ഓട്ടോ കാശും എടുത്ത് കൊടുത്തു അവൾ വേണ്ടാനൊക്കെ പറഞ്ഞെങ്കിലും അവൻ അതിനൊന്നും ചെവി കൊടുത്തില്ല…ഒന്ന് മടിച്ചിട്ടാണേലും അവനെ ഒന്ന് നോക്കിയ ശേഷം അവൾ അതിൽ കയറി ഇരുന്നു… ആ കണ്ണുകൾ നിറഞ്ഞതവൻ കണ്ടു… അവളെയും കൊണ്ട് ഓട്ടോ നീങ്ങുമ്പോയും ചെറു പുഞ്ചിരി തൂകിയ മുഖവുമായി അവൾ നോക്കി കൊണ്ടിരുന്നത് അവനെ തന്നെയായിരുന്നു….ആ നോട്ടത്തിൽ ഒരുപാട് അർഥങ്ങൾ ഉള്ളതുപോലെ അവന് തോന്നി…..

ഓർമകളുടെ ലോകത്ത് നിന്നും വർത്തമാന കാലത്തേക്ക് തിരിച്ച് വന്നു…..കോഫി ഷോപ്പിൽ എത്തിയതും അവൻ വണ്ടി പാർക്ക് ചെയ്ത് വാച്ചിലേക്ക് നോക്കിയപ്പോഴാണ് അവനെത്താൻ ലേറ്റ് ആയെന്ന് അറിഞ്ഞത്

“പണി പാളിയല്ലോ…. ”

അവൻ വേഗം തന്നെ ഉള്ളിലേക്ക് കയറിയപ്പോൾ കോഫിഷോപ്പിന്റെ ലാസ്റ്റ് റോയിലെ സീറ്റിൽ മുഖവും വീർപ്പിച്ച് ഇരിക്കുന്ന അവളെ കണ്ടതും അവന്റെ മനസൊന്നു കിടുങ്ങി… ഒരു ചമ്മിയ ചിരി ചിരിച്ച് കൊണ്ട് അവൻ അവളുടെ ടേബിളിൽ പോയി ഇരുന്നു..

“ആൻസി..”

“എനിക്കൊന്നും കേൾക്കേണ്ട ”

അവന്റെ മുഖത്തേക്ക് നോക്കാതെ സൈഡിലോട്ട് നോക്കി മുഖവും വീർപ്പിച്ച് ഇരുന്നാണ് അവളത് പറഞ്ഞത്

“എന്റെ ആൻസികുട്ടി ആകെ ദേഷ്യത്തിലാണല്ലോ… മുഖത്തിനെന്താ പറ്റിയെ ആകെ വീർത്ത് ഇരിക്കാണല്ലോ വല്ല ഉറുമ്പും കടിച്ചോ….”

“ഉറുമ്പ് അല്ല ഒരു കൊരങ്ങൻ കടിച്ചതാ എന്നെ കൊണ്ടൊന്നും പറയിക്കണ്ട ”

അവനെ നോക്കികൊണ്ട് അവളത് പറഞ്ഞപ്പോൾ അവളുടെ മുഖം ദേഷ്യം കൊണ്ട് ചുവന്നു വരുന്നത് അവൻ കണ്ടു… അത് പറഞ്ഞപോയാണ് അവൾ ഓർത്തത് പറഞ്ഞത് കുറച്ച് ശബ്ദത്തിലാണെന്ന് ആരേലും കേട്ടോ എന്ന് ചുറ്റുപാടും നോക്കിയപ്പോൾ ആളുകൾ വളരെ കുറവായിരുന്നു അവിടെ… പതിവിനും തിരക്ക് കുറഞ്ഞ് അന്നാണ് അവളാ കോഫി ഷോപ്പ് കാണുന്നത്…..

“എടി പതുക്കെ എന്താ നിന്റെ പ്രശ്നം….”

“ഇത്ര നേരം എവടെ ആയിരുന്നു ”

“ഞാൻ എവടെ പോവാൻ നീ വിളിച്ചതുകൊണ്ടല്ലെ ഞാൻ വന്നേ ”

“ഞാൻ ഫോൺ വിളിച്ചപ്പോ പുറത്താർന്നല്ലോ”

“അത് ചുമ്മാ ഇറങ്ങീതാ വണ്ടി എടുത്തിട്ട്…”

“മ്മ്… നിന്റെ ജോലിയുടെ കാര്യം എന്തായി..”

“ആൻസി നിന്റൊടല്ലേ ഞാൻ പറഞ്ഞെ മിനിഞ്ഞാന്ന് ഞാൻ ഇന്റർവ്യൂ അറ്റൻഡ് ചെയ്ത കാര്യം അവർ ബാംഗ്ലൂർ ബേസ്ഡ് നല്ല കമ്പനി ആണ് എനിക്കുറപ്പുണ്ട് ഇത് എനിക്ക് കിട്ടും…”

“ഇത് തന്നെ അല്ലെ നീ കാലം കുറച്ചായിട്ട് പറഞ്ഞ് കൊണ്ടിരിക്കുന്നത് എന്നിട്ട് ആ പറഞ്ഞ കമ്പനീസ് ഒന്നും നിന്നെ സെലക്ട്‌ ചെയ്ത് പോലും ഇല്ല…. ഞാൻ ഇനിയും നീ പറയുന്നത് വിശ്വസിക്കണോ….”