?എ ഫീൽ ഗുഡ് സ്റ്റോറി? [Fallen Angel] 176

“നിന്ന് കഥകളി കളിക്കാതെ കാര്യം പറ ”

“എനിക്ക് കല്യാണത്തിന് ഇടാൻ സ്വർണം വേണം ”

“പെട്ടന്ന് അവൾ പറഞ്ഞപ്പോ അവനൊന്നു ഞെട്ടി”

“ചെറുക്കൻ വീട്ടുകാർ സ്വർണവും പണവുമൊന്നും വേണ്ട നിന്നെ മാത്രം മതി എന്നല്ലേ പറഞ്ഞെ ”

“അതൊക്കെ ശെരിയാണ് എന്നാലും…”

“ഒരു എന്നാലും ഇല്ല നിനക്ക് നമ്മുടെ അവസ്ഥയൊക്കെ അറിയാവുന്നതല്ലേ ”

“എന്റെ സുഹൃത്തുക്കളെ ഒക്കെ കല്യാണം എന്ത് അടിപൊളി ആയിട്ടാ നടത്തിയേന്ന് അറിയോ”

“അവരെ പോലെ ആണോടി നമ്മളെ കാര്യം നിനക്ക് തീരെ ബോധം ഇല്ലേ നീ തൽക്കാലം സ്വർണം ഇടേണ്ട

അവളുടെ കണ്ണുകളിൽ നേരിയ നനവ് പടർന്നത് അവൻ കണ്ടു… അത് കണ്ടപ്പോൾ അവനും വിഷമം ആയി

“അല്ലേലും ഏട്ടായിക്ക് എന്റോഡ് ഇപ്പൊ പഴയെ സ്നേഹം ഒന്ന് ഇല്ല…”

അവൻ എന്തോ പറയാൻ വന്നതും അവൾ വേഗം ഉള്ളിലേക്ക് കയറി പോയി അവൾ ദേഷ്യപ്പെട്ടു പോകുന്നത് കണ്ടിട്ടാവണം അവൾ പോയതും അവന്റെ അമ്മ ഉമ്മറത്തേക്ക് വന്നു…

“നീ എന്തിനാടാ രാവിലെ തന്നെ അവളെ കരയിപ്പിച്ചെ ”

“അത് ഒന്നും ഇല്ല അമ്മ”

“നീയല്ലേ അവൾക്ക് സ്വർണം വാങ്ങി കൊടുക്കുമെന്ന് എന്റോഡ് പറഞ്ഞെ…”

“അമ്മ അത് അവളോട് പറഞ്ഞോ”

“ഇത് വരെ പറഞ്ഞിട്ടില്ല…”

“അത് നന്നായി അവളോട് ഇപ്പൊ പറയണ്ട ”

“അതെന്താ അവളും അറിയണ്ടേ ”

“ഞാൻ അത് ഒരു സർപ്രൈസ് ആക്കി വച്ചതാ അമ്മക്ക് തോന്നണുണ്ടോ ഞാൻ ഒന്നും കൊടുക്കില്ല അവൾക്കെന്ന്…”

“എനിക്ക് നിന്നെ അറിയാടാ പക്ഷെ മോനെ ബാങ്കിലെ ലോൺ പിന്നെ വീടിന്റെ വാടക എല്ലാത്തിനുമുപരി കൊടുത്ത് തീർക്കാനുള്ള കടങ്ങൾ…..”

അമ്മച്ചി ഒരു ദീർഘ നിശ്വാസത്തോടെ നിർത്തി പതിയെ അവന്റെ മുഖത്തേക്ക് നോക്കി…. ആ മുഖത്ത് നിറഞ്ഞത് നിർവികാരത മാത്രമാണ്….അമ്മ ഒന്ന് ചിരിച് കണ്ടിട്ട് തന്നെ കാലം ഒരുപാടായെന്ന് അവൻ ഓർത്തു

“അമ്മേ അവളുടെ കാര്യത്തിൽ ഞാൻ ഒരു വഴി കണ്ടിട്ടുണ്ട്….. ബാക്കി ഒക്കെ ശെരി ആകണമെങ്കിൽ എനിക്ക് നല്ല ജോലി ശെരി ആവണം ഇപ്പോഴത്തെ ജോലി കൊണ്ട് ഇതൊന്നും നടക്കില്ല..”

എല്ലാം ശെരി ആവും മോനെ…..

കൂടുതൽ ഒന്നും സംസാരിക്കാൻ ഇല്ലാത്തത് കൊണ്ട് അമ്മ അകത്തേക്ക് കയറി പോയി… ഞാൻ ഇവിടെ ഉണ്ടായിട്ടും ഈ അവസ്ഥയിൽ നിന്ന് തന്റെ കുടുംബത്തെ കര കയറ്റാൻ പറ്റണില്ലാലോ എന്ന ചിന്ത അവന്റെ മനസ്സിൽ കനൽ കോരിയിടുന്നതിന് സമം ആയിരുന്നു…..

അവിടെ ഒറ്റക്ക് ഇരിക്കുമ്പോൾ അവളുടെ കലങ്ങിയ കണ്ണുകളാണ് മനസിലേക്ക് ഓടി വരുന്നത്…. മനസിന്റെ ഉപബോധ മണ്ഡലങ്ങളിൽ വാടിയ പുഷ്പം പോലെയുള്ള അവളുടെ മുഖവും നിറഞ്ഞ് തുളുമ്പിയ അവളുടെ മിഴികളും അവനെ വല്ലാതെ വേട്ടയാടികൊണ്ടിരുന്നു…… അത് കാരണത്താൽ മനസൊന്നു ഫ്രഷ് ആക്കാൻ ബൈക്കും എടുത്ത് പുറത്തേക്ക് ഇറങ്ങി…

പോകുന്ന വഴി മഴയെ സ്വീകരിക്കാൻ വന്ന തണുത്ത കാറ്റ് അവനെ തഴുകി പോകുന്ന സുഖകരമായ ആനന്ദത്തിൽ അവന്റെ എല്ലാ ടെൻഷനുകളും വിഷമങ്ങളും അവൻ മറന്നു… പെട്ടന്നാണ് അവന്റെ ഫോൺ റിങ് ചെയ്തത് വണ്ടി സൈഡ് ആക്കി നിർത്തി ഫോൺ എടുത്ത് നോക്കിയപ്പോൾ ഫോൺ സ്‌ക്രീനിൽ ആൻസി എന്ന് കണ്ടതും അവന്റെ ചുണ്ടിൽ ഒരു ചെറു പുഞ്ചിരി തെളിഞ്ഞു