?എ ഫീൽ ഗുഡ് സ്റ്റോറി?

Author : Fallen Angel

ഈ കഥ വായിച്ച ശേഷം നിങ്ങളുടെ അഭിപ്രായം നല്ലതാണേലും മോശമാണേലും താഴെ കമന്റ്‌ ആയി ഇടുക…. നിങ്ങളുടെ സപ്പോർട്ട് ആണ് എഴുതാനുള്ള പ്രചോദനം

ഷോർട് സ്റ്റോറി…..

കാർമേഘങ്ങളാൽ മൂടപ്പെട്ട ആകാശം…. സന്ധ്യാസമയം പോലെ ചുറ്റുപാടും ഇരുൾ മൂടിയ അവസ്ഥ രാവിലെയുള്ള ദിന ചര്യകൾ കഴിഞ്ഞ് ഉമ്മറത്തെ കസേരയിൽ വന്നിരിക്കുകയായിരുന്നു ആൽബിൻ….

അന്നത്തെ പത്രമെടുത്ത് വായിച്ച് കൊണ്ടിരുന്നപ്പോഴാണ് പുറകിൽ നിന്ന് ആരോ വിളിച്ചത്

“ഏട്ടായി ഈ ചായ കുടിച്ചേ”

എന്തോ അത്ഭുതം കണ്ടത് പോലെ അവൻ അവളെ തന്നെ നോക്കി നിന്നു

“എന്താ ഇങ്ങനെ നോക്കണേ ”

“അല്ല ഞാൻ ആലോചിക്കായിരുന്നു സൂര്യൻ ഉദിച്ച് മുഖത്ത് വെളിച്ചമടിച്ചാലും പോലും എഴുനേൽക്കാത്ത ആളാ ഇന്ന് എന്ത് പറ്റി മാഡത്തിന്…”

അത് വരെ മനോഹരമായി ചിരിച് കൊണ്ടിരുന്ന അവളുടെ മുഖം ഇരുണ്ട് വന്നു… ഒരു സൈഡിലേക്ക് ചുണ്ട് വെട്ടിച്ച് മുഖം തിരിച്ച് അവൾ അവനോടുള്ള പിണക്കം പ്രകടിപ്പിച്ചു

ഞാൻ പോണു ഇന്നാ ചായ എന്ന് പറഞ്ഞ് ചായ അവിടെ ഉള്ള ടീപ്പോയിൽ വച്ച് അവൾ പോവാൻ ഒരുങ്ങി…..

“ഹാ എട്ടായിടെ ലെച്ചൂട്ടി പിണങ്ങിയോ ഞാൻ ഒരു തമാശ പറഞ്ഞതല്ലേ ”

“ഇക്ക് ഇങ്ങനത്തെ തമാശ ഇഷ്ടല്ല…”

“എന്നാ ഇനി ഞാൻ പറയില്ല ”

അവൾ അവനെ സംശയത്തോടെ നോക്കി…

“ഇനി മോൾ വന്ന കാര്യം പറ ”

“എന്ത് കാര്യം…”

അവൾ പെട്ടന്ന് നിന്ന് പരുങ്ങുന്നത് അവൻ ശ്രദിച്ചു

“ഡി പെണ്ണേ നിന്നെ ഞാൻ കാണാൻ തുടങ്ങീട്ട് വർഷം കുറേ ആയില്ലേ ”

“അത് ഏട്ടായി…”