❣️The Unique Man 9❣️[DK] 1040

എന്ന് പറഞ്ഞു അച്ഛനെ തള്ളി മാറ്റിട്ടു ചെറിയെയും പിടിച്ചു വലിച്ചു കൊണ്ട് അവിടെ ഉണ്ടായിരുന്ന ബെഞ്ചിൽ പോയിരുന്നു എന്നിട്ട് ചെറിയെ മടിയിൽ കിടത്തി

 

എന്നിട്ട് ചെറിയോട് വിശേഷങ്ങൾ ഒക്കെ ചോദിച്ചു…

 

ചെറി ഈ ആറു വർഷത്തിൽ നടന്നതെല്ലാം അമ്മയോടും അച്ഛനോടും പൊന്നുചേച്ചിയോടും പറഞ്ഞു….

 

താടക വനത്തിൽ പോയത് അവിടെ നിന്നതും പിന്നീട് പുതിയ കോളേജിൽ പോയതും പുതിയ കുട്ടുകാരെ കിട്ടിയതും….. പിന്നെ ഗുരുവിനെ കിട്ടിയതും….. ദേവൂന്റെ കൂടെ നൃത്തേശ്വരത്തു പോയതും ടിച്ചർഅമ്മയെ കണ്ടത് അമ്മ പറഞ്ഞിട്ട് നൃത്തം ചെയ്തതും എല്ലാം പറഞ്ഞു…….പിന്നെ ചെറിയ തേങ്ങലോടെ ചെറി പറഞ്ഞു

 

പിന്നെ അമ്മേ എന്റെ ഗുരുവും എന്നെ വിട്ടു പോയമ്മേ….

 

ചെറി വീണ്ടും ഒറ്റക്കായി…..

 

ഇതെല്ലാം കേട്ടു അച്ചു’അമ്മ ചെറിയുടെ തലയിൽ തടവിക്കൊണ്ടിരുന്നു……

 

പിന്നെ പിന്നെ അമ്മേ എന്റെ ദേവൂനെ കുറെ ആളുകൾ ഉപദ്രവിച്ചു പക്ഷെ എനിക്ക് അതൊക്കെ നോക്കി നിൽക്കാൻ അല്ലാതെ ഒന്നും ചെയ്യാൻ സാധിച്ചില്ല അമ്മേ….

പാവം എന്റെ ദേവു കുറെ വേദനിച്ചു കാണും……

എന്നെയും കുറെ ഉപദ്രവിച്ചു അമ്മേ പാവം അവൾ എന്നെ ഉപദ്രവിക്കുന്നതു കണ്ടു കുറെ കരഞ്ഞു…….

ഞാൻ ഉള്ളത് കൊണ്ടാ ….

ഞാൻ ഉള്ളതുകൊണ്ടു മാത്രമാ…..

എനിക്കറിയാം ഞാൻ അവിടെ ഇല്ലായിരുന്നെങ്കിൽ എത്ര പേർ വന്നാലും അവൾ നേരിടുമായിരുന്നു….

അവൾ അന്ന് അവിടെ അവർക്കു നേരെ പ്രതികരിക്കാതെ ഇരുന്നതിനു കാരണം എന്നെ അവർ എന്തെങ്കിലും ചെയ്യുമോ എന്നുള്ള പേടി കൊണ്ടാ അവൾ ഒന്നും ചെയ്യാതെ ഇരുന്നേ……