❣️The Unique Man 9❣️[DK] 1042

ചെറി ഡേവിഡിനെ നോക്കി പുഞ്ചിരിച്ചു അതിനു ശേഷം എല്ലാരോടും യത്ര പറഞ്ഞു ചെറി കാറിൽ കയറി……

വണ്ടി സ്റ്റാർട്ട്‌ ആക്കി ഒരു മുരളിച്ഛയോടെ അത് സ്റ്റാർട്ട്‌ ആയി…..

 

ആ വണ്ടിയിൽ കേറി അത് സ്റ്റാർട്ട്‌ ആയതും ചെറിക്ക് എന്തോ ഒരു ഉന്മേഷം കിട്ടിയത് പോലെ ഒരു തോന്നൽ ഉണ്ടായി……

അവനു പെട്ടെന്ന് ഒരു ഊർജം ലഭിച്ചത് പോലെ….

 

പതിയെ അവൻ എല്ലാരേയും നോക്കി കാർ മുന്നോട്ടേക്ക് എടുത്തു…. സ്‌നേഹ വീടിന്റെ ഗേറ്റ് കിടന്നു യാ ത്രയായി……

ചെറി പോവുന്നതും നോക്കി നിറ കണ്ണുകളോടെ മീനൂട്ടി നിന്നു….

 

ചെറി നേരെ പോയത് സ്നേഹക്കൂടിലേക്കാണ്…..

പോവുന്ന വഴിക്കു ആളുകൾ എല്ലാം ചെറിയയും ചെറിയുടെ വരവിനെയും കണ്ണെടുക്കാതെ നോക്കി നിന്നു……

 

ഇടയ്ക്കു ചെറി ഒരു കടയിൽ നിറുത്തി കുറെ പലഹാരങ്ങളും മിട്ടായികളും വാങ്ങി യാത്ര തുടർന്ന് കുറച്ചു സമയത്തിനുള്ളിൽ ചെറി സ്നേഹക്കൂടിൽ എത്തി…..

 

ചെറിയെ കണ്ടതും കുട്ടികളും മുതിർന്നവരും എല്ലാം അവനെ ചുറ്റി….

 

ചെറി കുട്ടികൾക്ക് വാങ്ങിയ പലഹാരങ്ങൾ എല്ലാം കൊടുത്തു…..

 

 

അവർ ചെറിയോട് കുറെ സമയം സംസാരിച്ചു നിന്നു….

അവസാനം ചെറി തിരിച്ചു പോവുന്ന കാര്യം പറഞ്ഞപ്പോൾ കുട്ടികളുടെയെല്ലാം മുഖം വാടി…..

കാരണം പെട്ടെന്ന് തന്നെ ആ കുട്ടികൾ ചെറിയോട് അടുത്തിരുന്നു…..

 

അങ്ങനെ സംസാരിച്ചു നിക്കുമ്പോൾ ആണ് കുറച്ചു മാറി ചെറിയെ നോക്കി ഒരു പുഞ്ചിരിയോടെ നിൽക്കുന്ന ജോർജ് അച്ചനെ കാണുന്നത്….

 

ചെറി അച്ചന്റെ അടുത്തേക്ക് ചെന്ന്….

 

അച്ചൻ ചെറിയെ നോക്കി ചോദിച്ചു….

 

തിരിച്ചു പോവുകയാണോ?

 

ചെറി അതെ എന്ന മട്ടിൽ തലയാട്ടി….

 

ഇനി എന്നാണ് തിരിച്ചു വരവ്…..

 

അറില്ല ജോർജ് അച്ഛാ…..

ചില കാര്യങ്ങൾ ചെയ്തു തീർക്കാൻ ഉണ്ട് അത് കഴിഞ്ഞെ ഇനി മടങ്ങി വരവ് കാണു…..

 

ജോർജ് അച്ചൻ അപ്പോൾ ചെറിയുടെ തലയിൽ കൈവച്ചു പ്രാർത്ഥിച്ചു….

 

എന്നിട്ട് പറഞ്ഞു എങ്കിൽ വരു പള്ളിയിൽ ഒന്ന് കയറിട്ടാവാം യാത്ര…..

 

മ്മ്മ് ഞാൻ ഇപ്പോൾ വരാം ഇവിടെ ഒക്കെ ഒന്ന് ചുറ്റി കണ്ടിട്ടു. അച്ചൻ അവിടേക്കു പൊക്കോ……

 

ജോർജ് അച്ചൻ ഒരു പുഞ്ചിരിയോടെ നടന്നകന്നു…..

 

ചെറി പിന്നെ കുറെ സമയം ആ ഓർഫണേജിലൂടെ നടന്നു…..

 

ആ വിശാലമായ വരാന്തായിലൂടെ നടന്നപ്പോൾ ഒക്കെ അവൻ തന്റെ ചെറുപ്പത്തിൽ അമ്മയുടെ കൈയിൽ തൂങ്ങി ആ വരാന്തയിലൂടെ നടന്നതെല്ലാം ഓർത്തു…..

 

അവന്റെ കണ്ണുകൾ നിറഞ്ഞു……

 

അവൻ അങ്ങനെ നടന്നു നടന്നു അവസാനം ഗ്രൗണ്ടിന്റെ സൈഡിൽ ഉള്ള വലിയ മാവിന്റെ അടുത്ത് ചെന്നു…..

 

അവിടെ ആ മാവിന്റെ കൊമ്പിൽ ഒരു ഊഞ്ഞാൽ ഉണ്ടായിരുന്നു ചെറി അതിൽ കയറി ഇരുന്നു ആടാൻ തുടങ്ങി….

എന്നിട്ട് പതിയെ കണ്ണുകൾ അടച്ചു……

 

അപ്പോൾ അവൻ കണ്ടു അച്ചൂട്ടിടേ മടിയിൽ ഇരുന്നു ഊഞ്ഞാൽ ആടുന്ന കുഞ്ഞു ചെറി….

 

അവന്റെ ചുണ്ടിൽ ഒരു ചെറു പുഞ്ചിരി വന്നു…..