⚔️ദേവാസുരൻ 6⚒️ [Demon king-DK] 2205

അതിന്റെ സുഖത്തിൽ അവളറിയാതെ കണ്ണുകളടച്ചു പോയി…..
എന്നാൽ ആ മരത്തിൽ ചുരുണ്ട് കിടക്കുന്ന അപകടകാരിയെ അവൾ കണ്ടിരുന്നില്ല….

ആ ആൽമരത്തിന്റെ ചില്ലകളിൽ ഒരു ഉഗ്രവിഷമുള്ള കരിനാഗം ചുരുണ്ട് വിശ്രമിക്കുന്നുണ്ടായിരുന്നു…..
ഏതോ ഉൾവിളിപോലെ ആ സർപ്പം തല ഉയർത്തി വടക്ക് ദിശയിലേക്ക് നോക്കി…..

അവിടെ ബാൽക്കണിയിൽ നിന്ന് ചായ കുടിക്കുന്ന പാറുവിനെ ആ പാമ്പ് കണ്ടു…. അത് കണ്ട് വെറുതെ കിടക്കുവാൻ അതിനായില്ല….. ആ ജീവിയുടെ ഉള്ളിൽ ആരോ അവളെ കൊല്ലാൻ പറയുന്ന പോലെ…….
എന്തോ കൂടുതൽ പക തോന്നിക്കുന്നത് പോലെ….
ആ പാമ്പ് മറ്റാരുടെയോ കണ്ട്രോളിലേക്ക് പോകുയായിരുന്നു….

പെട്ടെന്ന് എന്തിന്റെയോ വൈദ്യുത തരംഗം ആ പാമ്പിന്റെ ദേഹത്ത് തട്ടി….. തൽക്ഷണം ആ പാമ്പ് കിടന്നിടത്തുനിന്ന് തല കുടയുവാൻ തുടങ്ങി….
എങ്ങോട്ടെന്നില്ലാതെ ചീറ്റാൻ തുടങ്ങി….
പതിയെ പതിയെ ആ പാമ്പ് നിശ്ചലമായി…..

https://youtu.be/WLO1uz7Ey3Q

ശേഷം പതിയെ കണ്ണുകൾ തുറന്നു….
അതിന്റെ കണ്ണ് പൂർണമായും രക്തവർണമായിരുന്നു….

കൃഷ്ണമണി പോലും കാണാൻ സാധിക്കാത്ത അത്രക്ക് ചുവപ്പ്….
ഒരു രാക്ഷസ്സനെ പോലെ അത് പാറുവിന്റെ ഫ്ലാറ്റിന്റെ ബാൽക്കണിയിലേക്ക് ചരിഞ്ഞു നിൽക്കുന്ന മര ചില്ലയിലൂടെ ഇഴഞ്ഞു വന്നു…..

അതിന് വല്ലാത്തൊരു വെറിയായിരുന്നു…..
അവളുടെ മരണം കാണുവാനുള്ള ആർത്തി….
ഇതൊന്നും പാറു അറിയുന്നത് പോലുമില്ല…