⚔️ദേവാസുരൻ 6⚒️ [Demon king-DK] 2205

. . . എന്താടോ നോക്കുന്നെ…..
താനിതുവരെ പെണ്ണുങ്ങളെ കണ്ടിട്ടില്ലേ….
ഞാൻ ആരാന്ന് അറിയോ നിനക്ക്….
വന്നിടിച്ചിട്ട് സോറി പറഞ്ഞു മുങ്ങാം എന്ന് കരുതിയോ…..

അവൾ അവളുടെ ചീത്തവിളി തുടർന്നു….
എന്നാൽ ഇന്ദ്രൻ അതൊന്നും കേട്ടിരുന്നില്ല…
ഊമ വായാടുന്ന പോലാണ് അവളെ കണ്ടപ്പോൾ ഇന്ദ്രന് തോന്നിയത്….

ആ വായിലെ സരസ്വതി അവൻ കേട്ടില്ല….
പക്ഷെ ആ മുഖത്തെ ലക്ഷ്മി ദേവിയെ അവൻ കണ്ടു…

അവൾ ചീത്ത വിളിക്കുന്നത് കണ്ണെടുക്കാതെ അവൻ നോക്കി…. ഒരു ക്ലാസ്സിലും അവനിങ്ങനെ ശ്രദ്ധിച്ചിരുന്നിട്ടില്ല…. ഒരു പെണ്ണിനെയും ഇങ്ങനെ നോക്കിയിട്ടുമില്ല…

അവളുടെ എക്സ്പ്രഷനിൽ അവനേറേ മയങ്ങിപ്പോയി….. ദേഷ്യം വരുമ്പോൾ ചുവക്കുന്ന അവളുടെ കവിളും…. ദേഷ്യത്താൽ നോക്കുന്ന പുരികവും അവനെ ഒരു കവി ആക്കി എന്ന് വേണമെങ്കിൽ പറയാം….

. . . വേണാ ഡീ…. വാ….
ഇങ്കെയിരുന്ത് പോകലാം…..
ഏതോ സെറിയ പടലെ……

അവളുടെ കൂട്ടുകാരി പറഞ്ഞു…

. . . നീ സുമ്മാ ഇറ് ഗായു…. ഇവനെ നാൻ സുമ്മ വിടമാട്ടെ….

അവൾ തന്റെ കൂട്ടുകാരിക്ക് തമിഴിൽ മറുപടി പറഞ്ഞു… എന്നിട്ട് ചീത്തവിളി തുടർന്നു…
ഇന്ദ്രനത് ഏറെ ഇഷ്ടമായെങ്കിലും നന്ദുവിന് ദേഷ്യമാണ് വന്നത്…

അവൻ അവളോട് എന്തോ പറയാൻ വന്നെങ്കിലും ഇന്ദ്രൻ അവന്റെ നെഞ്ചിൽ കൈ വച്ച് തടുത്തു…
പിന്നെ നന്ദു ഒന്നും പറഞ്ഞില്ല…
അൽപ്പം കഴിഞ്ഞപ്പോ അവൾ ഇന്ദ്രന്റെ കോളറിൽ പിടിച്ചായി ചീത്തവിളി…

ചിലരത് ശ്രദ്ധിക്കുന്നുണ്ടായിരുന്നു….
എന്നാൽ ഇന്ദ്രനത് ഒരു പ്രശ്നമായി തോന്നിയില്ല….

അവളുടെ കൂട്ടുകാരി അവളുടെ കൈ പിടിച്ചു വലിച്ചു….

. . . ഡീ…. മാനത്തെ വാങ്കതടി….
എല്ലാരും പാക്കറാങ്കെ….

അവൾ പറഞ്ഞു…
അവളത് അനുസരിച്ചു…..

. . .  ഞാൻ പറഞ്ഞത് കേട്ടോടാ അലവലാതി….

അവൾ അവസാനമായി പറഞ്ഞ് ഇന്ദ്രന്റെ കോളറിൽ നിന്നും കയ്യെടുത്തു…. അപ്പോൾ തന്നെ അവളുടെ തമിഴ് കൂട്ടുകാരി അവളെ പിടിച്ച് വലിച്ചുകൊണ്ടുപോയി….

പോകും വഴി അവൾ ഇന്ദ്രനെ നോക്കി കഴുത്തിൽ കൈകൊണ്ട് വരഞ്ഞ് നാക്ക് കടിച്ചുകൊണ്ട് തമിഴിൽ പറഞ്ഞു…..

. . .  സീകിടുവേൻ……