⚔️ദേവാസുരൻ 6⚒️ [Demon king-DK] 2205

നന്ദു പതിയെ ഇന്ദ്രനോട് ചോദിച്ചു…. . . പുതിയ റിലീസ് ആണ്….. ഇഷ്ട്ടായൊ…..

ഇന്ദ്രൻ ചെറു പുഞ്ചിരിയോടെ ചോദിച്ചു….

. .. . പോടാ നാറി…..

നന്ദു പറഞ്ഞു…. അതിനും മറുപടി ഇന്ദ്രന്റെ ഒരു ചെറു പുഞ്ചിരിയായിരുന്നു….

സമയം ഇഴഞ്ഞു നീങ്ങി…
അധ്യാപകർ ഉള്ള ക്ലാസിലെ ഓരോ നിമിഷവും അവർക്കൊരു യുഗമായി മാറിയിരുന്നു…

●●●●●●●●◆★◆●●●●●●●●●●●

പാറു തന്റെ കണ്ണുകൾ തുറന്നപ്പോൾ അവൾ ഉണ്ടായിരുന്ന സ്ഥലം ഒരു വലിയ വനമായിരുന്നു…

ചുറ്റിനും ചീവീടിന്റെ ശബ്ദവും ചില പറവകളുടെ ചിറകടി ശബ്ദവും അവൾ കേൾക്കുന്നുണ്ട്…

എങ്ങും മനസ്സിന് കുളിർമയേകും കാഴ്ചകൾ…
ഒരു വല്ലാത്ത ശാന്തത…
മരത്തിൽ പറ്റിപ്പിടിച്ചിരിക്കുന്ന പായല് പോലെ ഉള്ള പുല്ലുകൾക്കൊപ്പം മനോഹരമായ ചെറു പൂക്കൾ വിരിച്ച പോലെ ചെറു പുല്ലുകൾ….

പെട്ടെന്ന് പാറുവിന് തന്റെ ഇടതു വശത്തു നിന്നും അരുവിയുടെ ഒഴുക്കിന്റെ ശബ്ദം കാതിൽ വീണു….
അവളാ ദിശയിലേക്ക് കാലുകൾ ചലിപ്പിച്ചു….

അൽപ്പം മുന്നോട്ട് പോയത്തോടുകൂടെ കൊടും വനത്തിൽ നിന്നും ആ അരുവിയിലേക്ക് പ്രവേശിച്ചു…

സൂര്യന്റെ കിരണങ്ങൾ കൊണ്ട് വെട്ടി തിളങ്ങുന്ന അരുവി….
പാറു അതിനടുത്തേക്ക് പോയി…
ആ വെള്ളത്തിൽ കണ്ണാടിയിൽ കാണുന്ന പോലെ അവളുടെ മുഖം വെട്ടി തിളങ്ങി….

തനിക്ക് ഇത്രയും സൗന്ദര്യമുണ്ടെന്ന് പാറു കരുതിയിരുന്നില്ല….
അതിലൂടെ നോക്കിയപ്പോഴാണ് അവൾ ഇട്ടിരിക്കുന്ന വസ്ത്രം ശ്രദ്ധിച്ചത്….

രാജകുമാരികൾ ധരിക്കും പോലെ വജ്ര കല്ലുകളാൽ പണി തീർപ്പിച്ച ഉടുപ്പ്….

ഒരു പച്ച വൈരം പിടിപ്പിച്ച മാല…
കൂടാതെ ഒരു കുഞ്ഞു കിരീടവും…
അവർക്കത് കാണുമ്പോൾ സ്വയം നാണവും ലജ്ജയും വരുവാൻ തുടങ്ങി…

പാറു പതിയെ അവടെ മുട്ട് കുത്തി നിന്ന് അതിൽ നിന്നും അൽപ്പം വെള്ളം കൈക്കുമ്പിളിൽ എടുത്തു…
അതിന് വല്ലാത്തൊരു തണുപ്പുണ്ടായിരുന്നു….

അവളത് പതിയെ പാനം ചെയ്തു…
ഇതുവരെ ലഭിക്കാത്ത ഒരുതരം പ്രത്യേക രുചി ആ വെള്ളത്തിന് തോന്നി…

അത് കുടിച്ചതും അവളിൽ ഒരു വല്ലാത്ത ഊർജവും ശക്തിയും നിറയുന്ന പോലെ തോന്നി…. മനസ്സ് വല്ലാതെ തണുത്തു…..
ആരുടെയോ വരവിനായി അവളുടെ കണ്ണുകൾ തേടി….
ആരുടെയോ ചുംബനത്തിനായി അവളുടെ ചുണ്ടുകൾ വിറച്ചു..