⚔️ദേവാസുരൻ 6⚒️ [Demon king-DK] 2205

അൽപ്പം കൂടെ കഴിഞ്ഞപ്പോൾ ക്ലാസ്സ്‌ തുടങ്ങി…
ചിലവന്മാർ വൈകിയാണ് കേറിയത്…
ഫ്രഷേഴ്‌സ് ഡേയ് അല്ലെ….
അതിന്റെ തിരക്കിൽ പെട്ടുകാണും…

എന്തായാലും അതിനുള്ളത് പ്രിയ മിസ്സ് വയറ് നിറച്ചു കൊടുക്കുന്നുമുണ്ട്…
ശേഷം ക്ലാസ് ആരംഭിച്ചു…
എല്ലാരും ക്ലാസ്സിൽ ശ്രദ്ധിക്കുമ്പോൾ ഇന്ദ്രൻ മാത്രം മറ്റൊരു ലോകത്തായിരുന്നു….

ആ നീലകണ്ണുകാരിയുടെ ലോകത്ത്…
അവളെ ഒരുനോക്ക് കാണുവാൻ അറിയാതെ ആണേലും അവന്റെ ഉള്ളം കൊതിച്ചു…
അവളുടെ പേര് അറിയുവാൻ അവൻ അതിയായി ആഗ്രഹിച്ചു…

പെട്ടെന്ന് ഇന്ദ്രന്റെ മുടിയിഴകളിലൂടെ ഒരു ഇളം തണുപ്പ് കാറ്റ് തഴുകി ക്ലാസ്സിന് വെളിയിലേക്ക് പോയി….

അവനും ആ കാറ്റിന്റെ ദിശയിലേക്ക് അറിയാതെ മുഖം തിരിച്ചു…
അപ്പോൾ കണ്ട കാഴ്ച അവന്റെ മനസ്സിൽ ഒരു മഞ്ഞുമല തന്നെ സൃഷ്ട്ടിച്ചു….

ക്ലാസ് വരാന്തയുടെ കുറച്ച് അപ്പുറത്തായി താൻ കണ്ട ആ നീല കണ്ണുകളുടെ ഉടമ നിൽക്കുന്നു…
കൂടെ അവളുടെ കൂട്ടുകാരിയും ഉണ്ട്… ഏതോ സാറിനോട് സംസാരിക്കുകയാണ്….

അവന് അവിടെ നിന്നും കണ്ണെടുക്കുവാൻ സാധിച്ചില്ല…അവൻ അത്രക്ക് മയങ്ങിയിരുന്നു ആ കാഴ്ചയിൽ…

അൽപ്പ നേരത്തിനു ശേഷം അവരുടെ സംസാരം അവസാനിച്ചു…. ആ അധ്യാപകൻ നടന്നകന്നു…
അവളും തിരിച്ചു നടക്കാനായി തിരിഞ്ഞതും ക്ലാസ്സിൽ നിന്നും തന്നെ വായ് നോക്കുന്ന ഇന്ദ്രനെ കണ്ടു….

നോർമൽ ആയിരുന്ന ആ മുഖത്ത് ദേഷ്യം വന്ന് വീർത്തു… എന്നിട്ടവൾ ചുണ്ട് കൂർപ്പിച്ച് എന്താടാ എന്ന് ആംഗ്യം കാണിച്ചു….

അതിനവൻ നിറഞ്ഞ പുഞ്ചിരി തിരിച്ചു സമ്മാനിച്ചു…
അപ്പോൾ തന്നെ അവൾ രാവിലെ കാണിച്ച പോലെ നാവ് വെളിയിലിട്ടിട്ട് കഴുത്തിൽ വരഞ്ഞു കാണിച്ചു…