നൗഫുക്ക ഒരു പക്ഷെ ഇങ്ങളുടെ കഥകളിൽ ഏറ്റവും നൊമ്പരം ഉണർത്തിയ കഥ ഇത് തന്നെ എന്ന് ഉറപ്പിച്ചു പറയാം… അത്രയും മനോഹരമായ കഥ….

ആദ്യമേ തന്നെ ഹാഷിമിന്റെ ജീവിത സാഹചര്യങ്ങളിൽ നിന്ന് തുടങ്ങിയാൽ മനസിലാക്കാം അവൻ എന്ത് മാത്രം കഷ്ടതകളിലൂടെ ആണ് കടന്നു പോയതെന്ന്… ഉപ്പ പോയി കഴിഞ്ഞതിനു ശേഷം കുടുംബം പോറ്റാനായി അവൻ ചെയ്ത ജോലികൾ അതും ആ പ്രായത്തിൽ… അങ്ങനെ ജീവിച്ചു വരുന്ന ഒരാൾ അതും ഉമ്മ വളർത്തിയ ഒരു മകൻ ഒരിക്കലും വഴി പിഴച്ചു പോകില്ല എന്നത് ഉറപ്പു തന്നെയാണ്….

ഫർസാനയെ പെണ്ണുകാണാൻ പോകുമ്പോൾ അവളുടെ പെരുമാറ്റം ശെരിക്കും ദേഷ്യം ഉളവാക്കി… അവളുടെ എടുത്തടിച്ച പോലെ ഉള്ള പെരുമാറ്റം… അല്ലെങ്കിലും middle ക്ലാസ്സ്‌ ജീവിക്കുന്ന ജീവിക്കാനായി കഷ്ടപ്പെടുന്ന എല്ലാ പുരുഷനും ഒരു നാൾ ഇങ്ങനൊരു അനുഭവം ഉണ്ടായേക്കാം അറിയാത്ത ഒരാളെ പെണ്ണുകാണാൻ ആയി പോയാൽ….

പിന്നീട് രാത്രി ഹാഷിം അവളെ വണ്ടി തട്ടുന്നതും അവളെ അവിടെ നിന്നും കൊണ്ട് പോകാൻ ആയി തീരുമാനിക്കുന്നതും… ഒരു പക്ഷെ അവളെ അവിടെ ഇട്ടിട്ട് പോയാൽ അവനു ഒന്നും സംഭവിക്കില്ലായിരുന്നു അവൻ ഈ അനുഭവിച്ച വേദനകൾ ഒന്നും അനുഭവിക്കേണ്ടി വരില്ലായിരുന്നു, സമൂഹത്തിനു മുന്നിൽ അവൻ അപരാതി ആകില്ലായിരുന്നു, അവനു അവന്റെ ഉമ്മയെ നഷ്ടപ്പെടില്ലായിരുന്നു, പക്ഷെ അവന്റെ മനസമാധാനം എന്നന്നേക്കും ആയി നഷ്ടപ്പെടും… താൻ കൂടി കാരണം ഒരു ജീവൻ പൊലിഞ്ഞു പോയി എന്നറിഞ്ഞാൽ ആർക്കാണ് പിന്നീട് മനഃസമാധാനം ഉണ്ടാവുക.. (മനസാക്ഷി ഉള്ളവരുടെ കാര്യമാണ് കേട്ടോ )..

പിന്നീട് പോലീസ്‌കാർ അവനോട് കാട്ടിയത്… അതിൽ തെറ്റ് പറയാൻ ഇല്ല കാരണം ആ ഒരു സാഹചര്യത്തിൽ കണ്ടെത്തിയാൽ തീർച്ചയായും കുറ്റക്കാരൻ ആകുക തന്നെ ചെയ്യും… പക്ഷെ പിന്നീട് ഉയ തെളിവുകൾ ഹാഷിമിന് എതിർ ആയിട്ടും എന്തിനോ വേണ്ടി പോലീസ്‌കാർ മനഃപൂർവം അവനെ തന്നെ കുറ്റക്കാരൻ ആകാൻ ശ്രെമിക്കുന്നു… ഒരുപക്ഷെ ഇത്ര എളുപ്പത്തിൽ തെളിയിച്ച ഒരു പ്രമാദമായ കേസിലും അവർക്ക് പിഴവ് പറ്റി എന്ന് പുറംലോകം അറിയാതിരിക്കാൻ മനഃപൂർവം അവന്റെ മേൽ കുറ്റം അടിച്ചേൽപ്പിക്കാൻ ശ്രെമിച്ചതാവാം പിന്നീട് കണ്ടത്…

അവന്റെ ഉമ്മയോട് ഹാഷിമിന്റെ അവസ്ഥ പറയുന്നത് കണ്ണ് നിറച്ചു ആ ഉമ്മയുടെ പ്രതികരണം…. താൻ വളർത്തിയ തന്റെ മകൻ ഒരു തെറ്റും ചെയ്യില്ലെന്ന് അവർക്ക് പൂർണ വിശ്വാസം ഉണ്ടായിരുന്നു അത് പോലെ തന്നെ അവ

ഇഷ്ട്ടായി ഇക്ക ❤️??

നല്ല ഇമോഷണല്‍ കണ്ടന്‍ന്റ്റുള്ള ആദ്യ ഭാഗം.. മികച്ച തൊടക്കം.. ഇമോഷണല്‍ രംഗങ്ങളെല്ലാം നന്നായി.. പ്രത്യേകിച്ചും ആദ്യം തന്നെ വരുന്ന ഉമ്മ മകന്‍ രംഗങ്ങള്‍.. ഹാഷിം ഉമ്മയുടെ മയ്യത്ത് കാണാന്‍ വരുന്ന രംഗങ്ങളും നന്നായി.. ശരിക്കും ഹാര്‍ട്ട് ടച്ചിങ്ങായിട്ടുള്ള രംഗങ്ങളായിരുന്നു അതെല്ലാം..

പെണ്ണ് കാണാന്‍ പോകുമ്പോ പെങ്ങന്‍മാര്‍ ഉണ്ടാക്കുന്ന പൊല്ലാപ്പുകള്‍ എല്ലാം രസകരമായി..

ഉപ്പ മരിച്ച സമയത്തെ മാനസികമായി ഒറ്റപ്പെടല്‍ അനുഭവിക്കുന്ന സീനുകള്‍ കുറച്ചു കൂടി മികവുറ്റതാക്കാമായിരുന്നു.. കുടുംബ ഭാരം ചുമലിലേറ്റാന്‍ ഉമ്മ കാണിക്കുന്ന ധൈര്യം പ്രശംസനീയം.. എന്‍റെ ചുറ്റുവട്ടത്ത് ഇങ്ങനത്തെ സ്ത്രീകളെ ഞാനും കണ്ടിട്ടുണ്ട്.. അത് കാരണം കണക്ട് ചെയ്യാന്‍ എളുപ്പമായിരുന്നു..

ഹാഷിം ചെറുപ്രായത്തില്‍ തന്നെ കുടുംബം നോക്കാന്‍ പണിക്കു പോകുന്ന സീനുകള്‍ എട്ടാം ക്ലാസില്‍ പഠിത്തം നിര്‍ത്തി പണിക്കിറങ്ങിയ എന്‍റെ ഒരു കൂട്ടുകാരനെ ഓര്‍മിപ്പിച്ചു.. ആരോടും തോല്‍ക്കാത്ത അവന്‍ ജീവിതത്തില്‍ എല്ലാ പരീക്ഷയിലും ഫസ്റ്റ് ക്ലാസ്സ് വിജയം നേടി.. ഹാഷിമും ജയിക്കും.. നമുക്ക് ജയിപ്പിക്കണം..

അപകടം ഉണ്ടായ സമയത്ത് ഹാഷിമീന്‍റെ മനസില്‍ ഉണ്ടായ ശങ്കകള്‍ ആര്‍ക്കും ഉണ്ടാവും.. 99% കേസുകളിലും അപകടത്തില്‍ പ്പെട്ടവരെ രക്ഷിക്കാന്‍ ശ്രമിക്കുന്ന നിരപരാധികള്‍ പെടാറാണ് പതിവ്.. പണിയെടുക്കാന്‍ മടിയന്‍മാരായ പോലീസുകാര്‍ അവരുടെ സൌകര്യം പോലെ രക്ഷിക്കാന്‍ നോക്കിയവനെ ചേര്‍ത്തു FIR എഴുതി വിടും.. അനുഭവമാണ് ഗുരു..

ഉമ്മയുടെ മയ്യത്ത് നിസ്കാര സീന്‍ ഒരു മാസ്സ് ഫീല്‍ തന്നു.. മയ്യത്തിനെ സാക്ഷിയാക്കി ദൃഢ പ്രതിഞ്ജയെടുക്കുന്ന സീനും ഇഷ്ടപ്പെട്ടു.. ഒരു സാധാരണക്കാരന്‍റെ വൈകാരിക പ്രകടനം മാത്രമാണ് അതെന്ന് വിശ്വസിക്കാന്‍ ഇഷ്ടപ്പെടുന്നു.. ഇതും വെച്ചു ഹാഷിം പ്രതികാരത്തിന് പോകുന്ന രീതിയില്‍ അടുത്ത ഭാഗങ്ങള്‍ എഴുതരുത് എന്നു അപേക്ഷിക്കുന്നു.. പ്രതികാരത്തിന് വഴിയൊരുക്കാന്‍ അവന്‍ ചെറുപ്പത്തില്‍ കളരി പഠിച്ചു.. ഉപ്പ മരിച്ചു പോയ അവനെ നാട്ടിലെ കരാട്ടെ മാഷ് ഫ്രീയായി കരാട്ടെ പഠിപ്പിച്ചു.. കോപം കൊണ്ടു കണ്ണുകള്‍ ചുവന്നു ചുട്ടു പഴുത്തു.. ഇത് വരെ ഇല്ലാത്ത മസിലുകള്‍ ഉരുണ്ടു കയറി.. എല്ലാ ക്രിമിനലുകളേയും ഹാഷിം ഒറ്റയ്ക്ക് അടിച്ചു പറത്തി എന്നൊക്കെ എഴുതി നിറയ്ക്കരുത്.. ഇങ്ങനത്തെ സ്ഥിരം ബോറിങ് ക്ലീഷേകള്‍ കണ്ടു മടുത്ത ഒരു വായനക്കാരന്‍റെ വിനീതമായ അപേക്ഷയാണ്.. വ്യത്യസ്ഥമായ ഒരു രീതിയില്‍ ഒരു നൂതന പ്രതികാര കഥ വായിക്കാനുള്ള ആഗ്രഹം സഫലീകരിച്ചു തരണം..

പ്രതികാരം കൊണ്ട് ഫര്‍സാനക്ക് നഷ്ടപ്പെട്ടതൊന്നും തിരിച്ചു കിട്ടാന്‍ പോണില്ല.. ഹാഷിമിനും അവന്‍റെ ഉമ്മയെ തിരിച്ചു കിട്ടാന്‍ പോണില്ല.. ന്നാലും പ്രതികാരം തീര്‍ച്ചയായും വേണം.. അവനെ ഇടിച്ചു ഇഞ്ചപ്പരുവമാക്കിയ പോലീസുകാര്‍ മുതല്‍ ജയില്‍ വാര്‍ഡനും പിന്നെ ആ കുറ്റവാളികളും നരകിച്ചു ജീവിക്കണം.. ഒന്നിനെയും കൊല്ലരുത്.. ഏത് കുറ്റത്തിനും മരണം ഏറ്റവും ചെറിയ ശിക്ഷയാണ്.. ഒരുത്തനും മരിച്ചു രക്ഷപ്പെടരുത്.. നരകിച്ചു ഇഴഞ്ഞും പുഴുവരിച്ചും സ്വയം ശപിച്ചു ജീവിക്കണം..

എ‌സി‌പി രാജീവ് നായര്‍ നല്ലൊരു മാസ്സ് എന്‍ട്രി കിട്ടി വന്നു.. ബില്‍ഡപ്പ് കണ്ടിട്ട് ആളൊരു രസികനും മുന്നോട്ടുള്ള സീനുകളില്‍ ഇംപാക്ട് ഉണ്ടാക്കുന്ന ഒരു കഥാപാത്രവുമാവുമല്ലേ.. ഇനിയങ്ങോട്ട് നല്ല എ‌സി‌പിയുടെ കിടിലന്‍ മാസ് സീനുകള്‍ വരുമായിരിക്കും അല്ലേ..

സി‌ഐ അജയും ഡോക്ടര്‍ മേനോന്‍ കുട്ടിയും പരസ്പരം പരിചയപ്പെടുന്ന സീനുകള്‍ രസകരമായി.. ഫര്‍ശാനയുടെ മൊഴി എടുക്കുന്നതിന് ഇടയ്ക്കു സി‌ഐ അജയിന്‍റെ കൂടെയുള്ള പോലീസുകാരന്‍ എപ്പോ മുറിയില്‍ നിന്നും പുറത്തേക്ക് പോയെന്ന് പറയാന്‍ വിട്ടു പോയിട്ടുണ്ട്.. അടുത്ത ഭാഗം മുതല്‍ അതൊക്കെ ശ്രദ്ധിയ്ക്കണം കേട്ടോ.. നല്ലൊരു നീണ്ട നോവലിനുള്ള ത്രെടുണ്ട്.. അങ്ങിനെ വലിയൊരു നോവല്‍ കാണാന്‍ ഉള്ള പൂതി കൊണ്ടാണ് ആവശ്യപ്പെടുന്നത്..

കഥയിലെ പ്രധാന വില്ലന്‍മാര്‍ അടുത്ത ഭാഗങ്ങളില്‍ പ്രത്യക്ഷപ്പെടുമായിരിക്കും അല്ലേ.. അവരുടെ വരവിനായും ഹാഷിമിന്‍റെ പ്രതികാരം കാണാനായും കാത്തിരിക്കുന്നു..

അധികം വൈകാതെ തന്നെ അടുത്ത ഭാഗവും തരണം..

സസ്നേഹം
വനശ്രീമാന്‍ വീരപ്പന്‍