ശ്രീ നാഗരുദ്ര 🥰 🙄🩸🐍👻 പത്താം ഭാഗം – [Santhosh Nair] 1091

ആകെ ആശയക്കുഴപ്പത്തിലായ ശ്രീകുമാർ മുന്പിലിരുന്ന ഗ്ലാസിലെ വെള്ളം ഒറ്റ വലിയ്ക്കു കുടിച്ചു തീർത്തു. ശ്വാസം വലിച്ചു വിട്ടശേഷം കണ്ണടച്ചു പുറകോട്ടു ചാരിയിരുന്നു, എന്നിട്ടു ഗ്ലാസ്സിനിടയിലൂടെ ദൂരെക്കാണുന്ന ഇന്ദിരാനഗർ തെരുവിലേയ്ക്ക് അലസമായി നോക്കി. ദൂരെ തെരുവിൽ അത്ര തിരക്കൊന്നും ഇല്ല.

വീണ്ടും ശ്രദ്ധ കംപ്യൂട്ടറിലേയ്ക്കായി. വീണ്ടും ഫോട്ടോയിൽ നോക്കിയ അവൻ തന്റെ അബദ്ധം ഉണർന്നു. “എന്താണെനിയ്ക്കു പറ്റിയത്? ഒരുപക്ഷെ ഒരുത്തിയെത്തന്നെ നിനച്ചിരുന്നതുകൊണ്ടാണോ കാണുന്ന ഫോട്ടോയിലും അവളാണെന്നു തോന്നിയത്? എന്റെയൊരു കാര്യം.” അവൻ പൊട്ടിച്ചിരിച്ചു. അതു രുദ്രയുടെ നേരിയ ഛായ തോന്നിയ്ക്കുന്ന ഒരു പെൺകുട്ടിയുടെ ഫോട്ടോ ആയിരുന്നു. ആലങ്കാവിൽ ഗ്രൂപ്പിന്റെ കൊച്ചി ഓഫീസിൽ നിന്നും അവർ നാളെ ഉച്ചയ്ക്കടുത്തു ബാംഗ്ലൂരിൽ എത്തും.

അവൻ തന്റെ ഓഡിറ്റർ വേണുഗോപാലിനെ വിളിച്ചു വിവരങ്ങളെല്ലാം അറിയിച്ചു. സേലത്തു വെച്ചു സംസാരിച്ചിരുന്നുവെങ്കിലും അദ്ദേഹം ബിസി ആയതിനാൽ ചൊവ്വാഴ്ച നേരിൽ വരാമെന്നു.പറഞ്ഞിരുന്നു.

ആലങ്കാവിൽ ടീമിന്റെ മീറ്റിംഗ് നടക്കുന്നതിനു മുൻപു തന്നെ എത്താമെന്ന് വേണു sir പറഞ്ഞു ഫോൺ വെച്ചു – ഡോക്യൂമെന്റസ് ഷെയർ ചെയ്യുന്നതിനുമുന്പ് അദ്ദേഹത്തിന്റെ ഒരു വ്യൂ ആവശ്യമാണ്.

അവന്റേതു പ്രൊപ്രൈറ്ററി സ്ഥാപനം ആയതിനാൽ ഫോര്മാലിറ്റീസ് വളരെ കുറവാണ്. അതുകൊണ്ടു തന്നെ ആദ്യം അവരുടെ ഹൈ-ലെവൽ ടീം (Legal Compliance, Regulatory) വന്നു ചില ഡോക്യൂമെന്റസ് പരിശോധിച്ചിട്ടു പോകും. പിന്നീട് റിവ്യൂ ഓഡിറ്റ് ടീമുകൾ വരും.

അങ്ങനെയാണ് പ്ലാൻ. ഇപ്പോൾ വരാൻ പോകുന്നത് അവരുടെ എക്സികുട്ടീവ് ടീം – അവർ അലങ്കാവിൽ ഗ്രൂപ്പിന്റെ ക്രീം ടീമാണ് (അമാൽഗമേഷൻ മെർജർ സ്‌പെർട്സ് ഒക്കെ അടങ്ങുന്ന ഒരു ടീം).  അവർക്കായുള്ള ഡോക്യൂമെന്റസ് എല്ലാം ഒരു പ്രത്യേക ഫോൾഡറിലേക്കു മാറ്റപ്പെട്ടു.

പെട്ടെന്നാണ് മൈക്കിനെ വിളിക്കേണ്ട കാര്യം ഓർമ്മ വന്നത്. അവൻ ഫോൺ എടുത്തു അറ്റോർണിയെ വിളിച്ചു. അദ്ദേഹം ചില രേഖകൾ അയയ്ക്കാൻ പറഞ്ഞിട്ടുണ്ട്. അവയെപ്പറ്റി ചില സംശയങ്ങൾ ചോദിച്ചു. വേണ്ടിയ രേഖകളുടെ ഒരു ലിസ്റ്റ് തയാറാക്കി. എല്ലാം ചേർത്ത് ഒരു ബണ്ടിൽ ആയിട്ട് അയയ്ക്കാൻ മൈക്ക് പറഞ്ഞു. ആ സംഭാഷണം പെട്ടെന്ന് അവസാനിപ്പിച്ചശേഷം കയ്യിലുള്ള എല്ലാ രേഖകളും സ്കാൻ ചെയ്തു ഒരു ഫോൾഡറിൽ ആക്കി. അടുത്ത ബുധനാഴ്ചയ്ക്കുള്ളിൽ എല്ലാ രേഖകളും ബാങ്ക് അക്കൗണ്ട് ഡീറ്റൈൽസും അയച്ചു കൊടുക്കണം.