ശ്രീ നാഗരുദ്ര ? ???? ഒൻപതാം ഭാഗം – [Santhosh Nair] 1121

പെട്ടെന്ന് ചുണ്ടുകൾ അകന്നതറിഞ്ഞ അവൾ കണ്ണു തുറന്നു നോക്കുന്പോൾ അവളുടെ കണ്ണുകളിലേയ്ക്ക് പ്രേമത്തോടെ നോക്കുന്ന അവനെയാണ് കണ്ടത്. സ്ത്രീ സഹജമായ നാണത്തോടെ കണ്ണുകൾ മൂടിയശേഷം അവൾ അവനെ കെട്ടിയണച്ചു.

“നീ എന്റെ ചക്കര യക്ഷിക്കുട്ടിയല്ലേ – നിന്നെ ഞാൻ എത്രയധികം സ്നേഹിയ്ക്കുന്നുവെന്നു എനിക്കു പറയാനറിയില്ല. ഐ ലവ് യു” അവൻ അവളുടെ കാതിൽ മന്ത്രിച്ചു.

തിരിച്ചെന്തോ പറയാൻ തുടങ്ങിയപ്പോഴേയ്ക്കും അവളുടെ പേലവാധരങ്ങളെ അവന്റെ ചുണ്ടുകൾ കവർന്നിരുന്നു. പിന്നീടവർ വീണ്ടും ഒരു ശരീരമായി, ഒന്നായി. മനുഷ്യനും മനുഷ്യാതീതയുമായുള്ള ഒന്നു ചേരൽ. പ്രകൃതി നിഷേധമാണെന്നു ചിലർ പറഞ്ഞാലും പ്രേമത്തിനും കാമത്തിനും കണ്ണും കാതും ഉണ്ടാവില്ല.

ദീർഘനേരത്തെ കുതിപ്പിനും കിതപ്പിനും ശേഷം ആ ശരീരങ്ങൾ വേർപിരിഞ്ഞു. അവൾ കുറച്ചു നേരം അവന്റെ മാറിൽ തലചായ്ച്ചു കിടന്നു. ശേഷം ദേഹ ശുദ്ധി വരുത്തി അവർ നിദ്രാദേവിയുടെ താരാട്ടും കേട്ടു കിടന്നു.

സ്വപ്നങ്ങൾ പോലും തടസ്സപ്പെടുത്താത്ത സുഖനിദ്ര. രാവിലെ അലാറത്തിന്റെ ശബ്ദമാണ് അവനെ ഉണർത്തിയത്. മാറിൽ തലചായ്ച്ചുറങ്ങുന്ന രുദ്രയെ അവൻ ഉണർത്തി.

“ഡീ യക്ഷിപ്പെണ്ണേ, എഴുന്നേറ്റെ, രാവിലെ എന്നെ വിളിച്ചുണർത്താമെന്നു പറഞ്ഞവളാണ് ഇങ്ങനെ കിടന്നുറങ്ങുന്നത്.”

“ങും ങും ഏട്ടാ നല്ല തണുപ്പ്. ഇപ്പോൾ പോകണോ?” അവളുടെ ചോദ്യം.

“ഇന്നു രാവിലെ മുതൽ ഇഷ്ടം പോലെ മീറ്റിംഗ്സ് ഉണ്ട്. എല്ലാം തീർന്നെങ്കിലല്ലേ നമുക്കു മറ്റു കാര്യങ്ങളൊക്കെ വേണ്ടതുപോലെ ചെയ്തു തീർക്കാനാവൂ.”

പുതപ്പെടുത്തു മാറ്റി രുദ്ര എഴുനേറ്റു. “ഏട്ടൻ കുളിച്ചിട്ടു വരൂ, ഞാൻ ഇപ്പോൾ തന്നെ മറ്റു കാര്യങ്ങൾ റെഡിയാക്കാം.” അവൾ പറഞ്ഞു.

അവൻ പെട്ടെന്നു തന്നെ ബാത്‌റൂമിൽ കയറി കാല്മണിക്കൂറിൽ തന്നെ പ്രഭാതകർമങ്ങൾ നിർവഹിച്ചു കുളിച്ചു വെളിയിൽ വന്നു. രുദ്രയെ മുറിയിൽ കണ്ടില്ല. അവനു ധരിയ്ക്കാനുള്ള ക്രീം കളർ ഷർട്ടും ബ്ലാക് കളർ പാന്റും മേശപ്പുറത്തു ഉണ്ടായിരുന്നു. ഒരു ജഗ്ഗിൽ വെള്ളവും ചിക്കറിയുടെ ബ്ലെൻഡ് നറുമണം ഉള്ള ഒരു കപ് ചൂടുള്ള ഫിൽറ്റർ കാപ്പിയും. അവൻ ഈറനോടെ തന്നെ പൂജാമുറിയിലേയ്ക്ക് പോയി തൊഴുതശേഷം പെട്ടെന്നു തിരികെ വന്നു. ആദ്യം അല്പം വെള്ളം കുടിച്ചു. പിന്നീട് കാപ്പിയും.