ശ്രീ നാഗരുദ്ര ? ???? ഒൻപതാം ഭാഗം – [Santhosh Nair] 1121

മറ്റു ജോലികൾ എല്ലാം തീർത്തശേഷം പത്തരയ്ക്കു തന്നെ സ്നേഹയെ വിളിച്ചു രാമാനുജത്തെയും അച്യുതനെയും HR ഹെഡ് സ്മിത മേനോനെയും വിളിയ്ക്കാൻ പറഞ്ഞു. സ്നേഹയോടും കാബിനിൽ വരാൻ പറഞ്ഞു.

ഒരു ഷോർട് പ്രസന്റേഷൻ. ഇന്നുച്ചയ്ക്കു സംസാരിയ്‌ക്കേണ്ട കാര്യങ്ങൾ വെളിപ്പെടുത്തി. ആലങ്കാവിൽ ഗ്രൂപ്പിന്റെ പ്രൊപോസൽ കേട്ടപ്പോൾ അവരുടെയൊക്കെ മുഖത്തുണ്ടായ നടുക്കം അവൻ ശ്രദ്ധിച്ചു. ഇതു ഒരു unexpected പ്രൊപോസൽ ആണെന്നും എങ്ങനെ നമ്മൾ അപ്പ്രോച് ചെയ്യുന്നുവെന്നും അവൻ ഒരു ഷോർട് സ്പീച് കൊടുത്തു.

എല്ലാവര്ക്കും വേണ്ട നിർദേശങ്ങൾ കൊടുത്ത ശേഷം ഹെഡുകൾ കൂടെയുള്ള meeting പിരിച്ചു വിട്ടു. പിന്നീട് സ്നേഹയോട് ചില കാര്യങ്ങൾ സംസാരിച്ച ശേഷം ആ മീറ്റിങ്ങും പെട്ടെന്നു പാക്ക് ചെയ്തു.

പിന്നെയെല്ലാം പെട്ടെന്നായിരുന്നു. പന്ത്രണ്ടരയ്ക്കുതന്നെ അവർ താജിൽ എത്തി. അവർക്കായി ഒരുക്കിയിരുന്ന മീറ്റിംഗ് സ്പേസിൽ എല്ലാ സ്റ്റാഫുകളും എത്തിയിരുന്നു. മീറ്റിംഗിലേയ്ക്ക് വന്ന എല്ലാവര്ക്കും നേരിട്ടു നന്ദി പറഞ്ഞുകൊണ്ട് അവൻ ലഞ്ച് മീറ്റിംഗിലേയ്ക്ക് അവൻ സ്വാഗതം ചെയ്തു. കമ്പനിയുടെ ഇതുവരെയുള്ള പെർഫോമൻസുൾപ്പെടെയുള്ള കാര്യത്തെപ്പറ്റിയും ഭാവി കാര്യത്തെപ്പറ്റിയും ഒരു സ്പീച് കൊടുത്ത അവൻ ഇതുവരെ കമ്പനിയിൽ ഉണ്ടായ വളർച്ചയ്ക്ക് എല്ലാവരുടെയും സംഭാവനകൾക്ക് നന്ദി പറഞ്ഞു.

എല്ലാവരുടെ മുഖത്തിലും എന്തോ നടക്കാൻ പോകുന്നുവെന്ന ആകാംക്ഷ കണ്ടു. ലഞ്ചിന്‌ ശേഷം കൂടുതൽ സംസാരിയ്ക്കാമെന്നു പറഞ്ഞശേഷം എല്ലാവരെയും അവൻ അവിടെ സ്‌പ്രെഡ്‌ ചെയ്തിരുന്ന വിഭവ സമൃദ്ധമായ മൈസൂർ സ്റ്റൈൽ വെജിറ്റേറിയൻ ബുഫേയിലേയ്ക്ക് സ്വാഗതം ചെയ്തു. ഇന്നത്തെ ചില സ്പെഷ്യൽ സാഹചര്യങ്ങൾ കണക്കിലെടുത്തു സൂപ് അവൻ വിളമ്പുമെന്നു സ്നേഹ വിളിച്ചു പറഞ്ഞത് എല്ലാവരും കയ്യടിയോടെ സ്വാഗതം ചെയ്തു.

ലഞ്ചിന്‌ പ്രൊപ്പോസ് ചെയ്യപ്പെട്ട മക്കായി കാ ഷോർബ അവൻ സൂപ്പ് കവുണ്ടറിൽനിന്നു വിളമ്പി. (ഇതവരുടെ കമ്പനിയുടെ ഒരു പ്രത്യേകതയാണ്. സൂപ് വിളമ്പുന്നത് എപ്പോഴും ഏതെങ്കിലും ഹെഡ് ആവും).

ലഞ്ചിനു ശേഷം എല്ലാവരും മീറ്റിംഗ് ചെയറുകളിൽ ഇരുന്നു.
അപ്പോഴേയ്ക്കും മീറ്റിംഗ് കുറച്ചു ഫോർമൽ ആയി. സ്നേഹയുടെ സഹായത്തോടെ അവൻ കമ്പനിയെപ്പറ്റിയുള്ള ഒരു പെർഫോമൻസ് പ്രെസെന്റേഷൻ കൊടുത്തു. പിന്നീട് ഭാവിയെപ്പറ്റിയും വന്നിട്ടുള്ള പ്രൊപ്പോസലുകളെപ്പറ്റിയും ഒരു ഏകദേശ രൂപം നൽകി. പിന്നീട് അവൻ ആലങ്കാവിൽ ഗ്രൂപ്പിനെപ്പറ്റി സംസാരിച്ചു, അവർ നമ്മുടെ കമ്പനിവാങ്ങാൻ പ്രൊപ്പോസ് ചെയ്തിട്ടുള്ളതായും കംപ്ലീറ്റ് ട്രാന്സിഷൻ മൂന്നു മാസത്തിലുണ്ടാവുമെന്നു പറഞ്ഞ ശേഷം അവൻ അല്പം വെള്ളം കുടിക്കാനായി ഒരു പോസ് എടുത്തു.

അപ്പോൾ സ്റ്റാഫുകളുടെ ഇടയിൽ ഒരു പിറുപിറുക്കൽ ശബ്ദം ഉണ്ടായി. എല്ലാവരും അല്പം അതിശയത്തോടെയും ജിജ്ഞാസയോടെയും അവനെ നോക്കി.

എങ്കിലും അടുത്ത വര്ഷം ഈ സമയം വരെ അവൻ ബോർഡിൽ ഉണ്ടാകുമെന്നും പറഞ്ഞപ്പോൾ എല്ലാവരും ദീർഘനിശ്വാസം വിടുന്നത് ഒരു പുഞ്ചിരിയോടെ അവൻ ശ്രദ്ധിച്ചു. ഇനി കോര്പറേറ്റ് ജീവിതം നിർത്തി ആത്മീയത കൃഷി സാമൂഹ്യസേവനം മുതലായ രംഗങ്ങളിലേക്കു നീങ്ങാൻ ഉള്ള താത്പര്യം അവൻ പ്രകടിപ്പിച്ചത് എല്ലാവരും എഴുന്നേറ്റുനിന്നു കൈ തട്ടി സ്വാഗതം ചെയ്തു.

പിന്നീട് ചില ചോദ്യോത്തര സെഷനുകൾ ആയിരുന്നു. അത് സ്നേഹ രാമാനുജം സ്മിത അച്യുതൻ എന്നിവർ ഏറ്റെടുത്തു. ചിലയിടങ്ങളിൽ മാത്രം ശ്രീകുമാർ ഇടപെട്ടു സംശയ നിവാരണങ്ങൾ നടത്തി.

സെയിൽസ് അമൗണ്ടിന്റെ 15% സ്റ്റാഫിന് നൽകും എന്നുള്ള പ്രൊപോസൽ എല്ലാവരും സ്നേഹപുരസ്സരം കൈ തട്ടി സ്വാഗതം ചെയ്തു. അതിന്റെ ഏകദേശരൂപം സ്മിതയും രാമാനുജവും വിശദീകരിച്ചു.

മീറ്റിംഗ് കഴിഞ്ഞതും എല്ലാവരും തിരികെ ഓഫീസിൽ എത്തി. നാളെ ആലങ്കാവിൽ ഗ്രൂപ്പിന്റെ സ്റ്റാഫ് വരും എന്ന് അറിയിച്ചിരുന്നതേപ്പറ്റി അവൻ സ്നേഹ രാമാനുജം സ്മിത അച്യുതൻ എന്നിവർക്കു അപ്ഡേറ്റ് കൊടുത്തു, അവർക്കു കൊടുക്കാനുള്ള ഡോക്യുമെന്റ് തയാറാക്കുന്ന ജോലി അവരെ ഏൽപ്പിച്ചു. വൈകിട്ട് ആറുമണിയോടെ അവന്റെ റിവ്യൂവിനായി അയയ്ക്കാൻ നിർദേശിച്ചു.