എൽസ്റ്റിന 2.1

Author :Hope

 

ഒരു എറർ വന്നിട്ടും അത് ഫിക്സ് ചെയ്യാനോ കൃത്യമായൊരു update നൽകാനോ കഴിയാത്ത അഡ്മിനെ പുച്ഛത്തോടെ ഞാനിവിടെ സ്മരിക്കുന്നു…..

 

പിന്നെ ഞാനാരെയും പറ്റിക്കാൻ ശ്രമിച്ചിട്ടില്ല എങ്കിലും സോറി…..

 

________________________________

 

ടൌണീന്നു വാങ്ങിയ സാധനങ്ങളവളുടെ കൈയീന്നു പകുത്തുമേടിച്ചാ വീടിനിറയത്തേക്കു കാലെടുത്തു വെക്കാനൊരുങ്ങിയതുമെന്റെ കണ്ണു ചെന്നു പതിച്ചതുമവരുടെ മുഖത്തായിരുന്നു

എന്നെക്കൊല്ലാനുള്ള ദേഷ്യവും പകയും പ്രതികാരവുമൊക്കെ നിറച്ചുവെച്ചിരുന്നയാ മുഖത്തിലേക്ക്……

 

ആ നോട്ടം കണ്ടതേ തെല്ലൊരു പേടിതോന്നിയെങ്കിലും മനപ്പൂർവമാ മുഖത്തെയവോയ്‌ഡു ചെയ്തു ഞങ്ങളിറയത്തേക്കു കേറി….

 

“… മോനു അകത്തേക്കു വാടാ……”

 

എന്റമ്മയുടെ കൂടെനിന്ന മിനിയമ്മയാണു പറഞ്ഞത്…..

ആ വിളി കേട്ടതുമകത്തേക്കു കേറാൻ തക്കം നോക്കിനിന്ന ഞാനകത്തേക്കുകേറി….

 

അപ്പോഴേക്കുമെന്നെയിത്തിരി മുൻപു തുറിച്ചു നോക്കിക്കൊണ്ടിരുന്ന നാലു കണ്ണുകളിലെ രണ്ടു കണ്ണിന്റെ അവകാശിയവിടെ വന്നിരുന്നു…. വേറാരുമല്ല എന്റെ മുത്തശ്ശി തന്നെ….

 

“…. സുഖാണോ മോനു ….”

കവിളിൽ തഴുകിയതു കണ്ടൊരടി പ്രതീക്ഷിച്ചിരുന്നയെന്നോടു മുത്തശ്ശിയങ്ങനെ ചോദിച്ചപ്പോ ഇനിയൊന്നും പേടിക്കാനില്ല ന്നൊരവസ്ഥയിൽ ഞാനെത്തിയിരുന്നു

വേറൊന്നുമല്ല സാധാരണയീ മുത്തശ്ശി എന്റെയെല്ലാ കാര്യത്തിനും ഇടംങ്കോലിടുവാരുന്നു അവസാനം നിക്കക്കള്ളിയില്ലാതെ വന്നപ്പോ കൈയിൽ കിട്ടിയ തേങ്ങ വെച്ചു തള്ളേടെ മുതുകു നോക്കിയൊരിടിയും കൊടുത്തിട്ടു നാടു വിട്ടതിനുശേഷം ഞാനിന്നാണിങ്ങോട്ടു വരുന്നത്….

 

!!! ഇനിയിടി കിട്ടിയപ്പോ തള്ള നന്നായോ….!!!