ശ്രീ നാഗരുദ്ര ? ???? ഒൻപതാം ഭാഗം – [Santhosh Nair] 1121

ചുറുചുറുക്കോടെ പാടി കയറി വന്ന അവനെ കണ്ട അവന്റെ സെക്യൂരിറ്റി ഗാർഡ് പുഞ്ചിരിച്ചുകൊണ്ട് കൈ ഉയർത്തി ഗുഡ് മോർണിംഗ് പറഞ്ഞു. ഓഫീസിൽ ക്ലീനിങ് ചെയ്തുകൊണ്ടിരുന്ന പയ്യൻ അവനെ കൈകൂപ്പി നമസ്തേ പറഞ്ഞു. അവർക്കു രണ്ടുപേർക്കും കൈ ഉയർത്തി നമസ്തേ പറഞ്ഞ അവൻ നേരെ തന്റെ കാബിനിലേയ്ക് പോയി. അവൻ സെറ്റിൽ ആയ ഉടനെ വെളിയിലുള്ള ക്യൂബിക്കിളിൽ നിന്നും സ്നേഹ (PA) ഓടിവന്നു.

“നമസ്തേ ശ്രീകുമാർ. സുഖമല്ലേ? യാത്ര ഒക്കെ സുഖകരമായിരുന്നോ?”

നമസ്തേ സ്നേഹ. അതെ. പോയ കാര്യം ഭംഗിയായി നടന്നു. ഇന്നു താങ്കളും നേരത്തെയാണല്ലോ. ഇന്നുച്ചയ്ക്കുമുന്പ് നമുക്ക് ഒന്നു മീറ്റ് ചെയ്യണം. ഹോട്ടലിലേക്ക് പോകുന്നതിനു മുൻപ്. 11 ടു 11:30 ബ്ലോക്ക് ചെയ്തേയ്ക്കൂ., പ്ളീസ്”.

“ഓക്കേ സർ”.

“ശരി സ്നേഹ എന്തെങ്കിലും അത്യാവശ്യം ഉണ്ടോ ഇപ്പോൾ? എനി അപ്പ്രൂവൽ? ഇല്ലെങ്കിൽ ഒരു മണിക്കൂർ നേരത്തേയ്ക്ക് എനിക്കു കോളുകൾ ഒന്നും കടത്തി വിടേണ്ട. മൊബൈൽ വെച്ചോളൂ. പിന്നെ പ്ളീസ് റിക്വസ്റ്റ് രാമാനുജം ടു മീറ്റ് മി അരൌന്ദ് 10:45. അച്യുതൻ (മാർക്കറ്റിംഗ് ഹെഡ്) വരുമ്പോൾ എന്നെ കാണണം എന്നു പറഞ്ഞേക്കൂ. നാം ആംറ്റൽ കമ്പനിക്കയച്ച ആ പ്രൊപോസൽ ഉണ്ടല്ലോ – 5 മില്യൺ USD ആണ് നമ്മൾ പ്രൊപ്പോസ് ചെയ്തത്. ഫ്രൈഡേ നൈറ്റ് ഞാൻ അവരുടെ ജിഎം കൂടെ സംസാരിച്ചിരുന്നു. അദ്ദേഹം ചില നിബന്ധനകൾ വെച്ചിട്ടുണ്ട്. ജിഎം ന്റെ PA ഇന്നു ഉച്ചയ്ക്കു തന്നെ മെയിൽ അയയ്ക്കാം എന്ന് പറഞ്ഞിട്ടുണ്ട്. അതിന്റെ ലേറ്റസ്റ്റ് സ്റ്റാറ്റസ് ഫോള്ളോ അപ് ചെയ്യണം എന്നു പറഞ്ഞേക്കൂ. മറ്റു ബിസ് പ്രൊപ്പോസലിന്റെയെല്ലാം ഒരു ലേറ്റസ്റ്റ് അപ്ഡേറ്റ് എനിയ്ക്കു വേണം. പ്രൊപോസൽ സെന്റ് തീയതി, എമൗണ്ട് പ്രോപോസ്ഡ്, എമൗണ്ട് അപ്പ്രൂവ്ഡ്, പിന്നെ ലേറ്റസ്റ്റ് സ്റ്റാറ്റസ്. ഐ നീഡ് ദിസ് ഇൻ ഹാഫ് ഹവർ.”

“ഇല്ല സർ. ഇന്നലെ താങ്കൾ എല്ലാ അപ്പ്രൂവൽസും അയച്ചിരുന്നു. പിന്നെ താങ്കളുടെ പേർസണൽ ഐഡിയിലേക്ക് ആലങ്കാവിൽ ഇൻകോര്പറേഷന്റെ ഒരു കോൺഫിഡൻഷ്യൽ മെയിൽ ഉണ്ട്. അതു ഞാൻ തുറന്നിട്ടില്ല. ഐ വിൽ ടേക്ക് കെയർ ഓഫ് ദി റസ്റ്റ്.”
ഡീറ്റെയിൽസ് എല്ലാം നോട്ട് ചെയ്തശേഷം സ്നേഹ അവളുടെ കാബിനിലേയ്ക്ക് പോയി.

“ഏട്ടൻ ഓഫീസിൽ ഭയങ്കര പക്കാ ആണല്ലോ. ഞാൻ പോണോ അതോ ഇരിയ്ക്കണോ ഹി ഹി” രുദ്രയുടെ ശബ്ദം.

“ന്റെ യക്ഷിക്കുട്ടീ ഇന്നൊരു പവർ പാക്‌ട് ഡേ ആണ്. നീ ഇപ്പൊ സേലത്തിനുപോയിട്ടു ഒരു മൂന്നുമണിയ്ക്കു വന്നേരെ – ഡോണ്ട് മൈൻഡ് കണ്ണാ”

“ഹി ഹി ഏട്ടാ” പിന്നെ രുദ്രയുടെ ശബ്ദം കേട്ടില്ല.

അവൻ ജോലിയിൽ മുഴുകി. ഇന്നലെ ചെയ്ത പ്രെസെന്റേഷൻ ഒന്നുകൂടി ഓടിച്ചു നോക്കി, കുറച്ചു തിരുത്തലുകൾ നടത്തി. ഫിനാൻഷ്യൽ ഡാറ്റ അപ്ഡേറ്റുകൾ എല്ലാം റീച്ചെക്ക് ചെയ്തിട്ട് അപ്ഡേറ്റ് ചെയ്തു. പതിനഞ്ചു മിനുട്ടുകൾ കൊണ്ട് ആ ജോലി തീർന്നു. ചില പ്രധാന ഡാറ്റ വന്നതെല്ലാം അനലൈസ് ചെയ്തശേഷം ബന്ധപ്പെട്ട ഡിപ്പാർട്മെന്റുകൾക്കു അസ്സൈൻ ചെയ്തു. BAU തീർന്നപ്പോഴേയ്ക്കും ഒൻപതരയായി.

ആലങ്കാവിൽ ഇൻകോര്പറേഷന്റെ മെയിൽ തുറന്നു വായിച്ചു. അവരുടെ കുറച്ചു സ്റ്റാഫുകൾ നാളെയെത്തും – ചൊവ്വായും ബുധനും കൊണ്ട് പ്രാഥമിക ജോലികൾ തീർക്കണം. അവർക്കു വേണ്ടിയ ഡോക്യൂമെന്റുകളുടെ ലിസ്റ്റ് ഉണ്ട്. പർച്ചേസ് പ്രോസസ്സ് മൂന്നു മാസത്തിനുള്ളിൽ തീർക്കാനാണ് പ്ലാൻ. പ്രോസസ്സ് ഫ്ളോ ചാർട് വരെ അയച്ചിട്ടുണ്ട്. ഫോര്മാലിറ്റികൾ കഴിഞ്ഞാലും അടുത്ത ഒരു വർഷത്തേയ്ക്ക് അവർ ശ്രീകുമാറിനെ ഒരു സ്ലീപ്പിങ് പാർട്ണർ ആയി അപ്പോയിന്റ് ചെയ്യും. അതിനുള്ളിൽ പുതിയതും ഓൺഗോയിങ് ആയതുമായ പ്രൊജക്റ്റ് എല്ലാം തീർക്കണം (whichever is early).”

mail വായിച്ച ശേഷം കുറച്ചു നിർദ്ദേശങ്ങൾ മാറ്റങ്ങൾ എല്ലാം പ്രൊപ്പോസ് ചെയ്തുകൊണ്ട് അവൻ റിപ്ലൈ ചെയ്തു. ഇന്നുച്ചയ്ക്കു തന്നെ റിപ്ലൈ തരണമെന്നായിരുന്നു അവന്റെ പ്രൊപോസൽ.