ശ്രീ നാഗരുദ്ര ? ???? ഒൻപതാം ഭാഗം – [Santhosh Nair] 1122

“അവൻ പാൽ നെയ് ഒക്കെയേ കഴിയ്ക്കൂ. ദിവസം രണ്ടു നേരമേ കഴിയ്ക്കൂ, തൈരു ചോറു വളരെ പഥ്യം. ദിവസവും അവനു ചോറു വേണം. മിടുക്കൻ.”

മിടുക്കൻ എന്ന് അവൾ പറഞ്ഞതു കേട്ടെന്നോണം ഭൈരു വാലാട്ടി നന്ദി കാണിച്ചു. എന്നിട്ടു അവനെയും നോക്കിയിട്ട് പെട്ടെന്ന് നോട്ടം മാറ്റി.

“ഭക്ഷണം കഴിച്ചോളൂ. പാൽ എടുത്തു വെച്ചേക്കാം. പിന്നെ വന്നു കുടിച്ചാൽ മതി. കേട്ടോ.” വാലാട്ടിയ ശേഷം ഭൈരു അവന്റെ മുന്നിൽ വെച്ച ഇലപ്പൊതിയിലെ ഭക്ഷണം കഴിയ്ക്കാൻ തുടങ്ങി. വളരെ സാവധാനം നക്കി നക്കി ഭക്ഷണം കഴിച്ചു തീർത്ത ശേഷം അവരെ രണ്ടു പേരെയും നോക്കി വാലാട്ടി. പിന്നീട് അവരുടെ മുന്നിൽ നിലത്തു ഇരുന്നു.

“ഗുഡ് ബോയ് ഡാ ഭൈരു” അവൾ പറഞ്ഞതു കേട്ട് അവൻ തല താഴേയ്ക്കാക്കി കാട്ടിയിട്ടു അവളുടെ കണ്ണിലേക്കു നോക്കി.

“ഏട്ടാ വാ പോകാം.” അവന്റെ കയ്യിൽ പിടിച്ചുകൊണ്ടു അവൾ പറഞ്ഞു. കൈകൾ കോർത്തുകൊണ്ടു അവർ ബംഗ്ളാവ് ലക്ഷ്യമാക്കി നടന്നു, അവരുടെ പുറകെ ഭൈരുവും.

വീടിനടുത്തെത്തിയയുടനെ രുദ്രയും ശ്രീകുമാറും വാതിൽ തുറന്നു അകത്തു കയറി. ഭൈരു പാൽ കുടിച്ചുകൊണ്ട് വാതിലിനരികിൽ നിന്നു. രാത്രി അത് ആ വീടിനെ ചുറ്റി എല്ലായിടത്തും നടന്നുകൊള്ളും.