ശാപ്പാടു കള്ളൻ – [Santhosh Nair] 928

അന്നു പാത്രങ്ങൾ വെയ്ക്കുമ്പോൾ നേരത്തെ വന്ന ഞാൻ എന്റെ പാത്രം ആദ്യം വെച്ചു. അത് നേരെ ആ കട്ടുതീനിയുടെ അടുത്തായിരുന്നു.

ഇവന്മാർ ക്ലാസ് നടക്കുന്നതിനിടയിൽ ഉള്ള അഞ്ചു മിനിറ്റ് ബ്രേക്കിൽ ആണ് ഭക്ഷണ മോഷണം നടത്തുന്നത്.

അന്നും സാധാരണ പോലെ ക്ലാസ് തുടങ്ങി, ഞങ്ങളുടെ കൊമേഴ്‌സ് സാറ് നന്നായി പഠിയ്ക്കുന്ന ആളായിരുന്നതുകൊണ്ടു തന്നെ ഫസ്റ്റ് പീരിയഡിൽ ഞങ്ങൾ ഉറങ്ങി – ഉറങ്ങിയില്ല എന്നു കോറം മൈന്റൈൻ ചെയ്തു പിടിച്ചു നിന്നു.

പീരീഡ് തീർന്നയുടനെ ദൈവത്തിനു നന്ദി പറഞ്ഞു കൊണ്ടു ഞങ്ങൾ ഫസ്റ്റ് ബെഞ്ചുകാർ ബ്രേക്കിന് മൂത്രശങ്കയ്ക്കൊരു പരിഹാരം കാണാനും, മുഖം കഴുകാനും, വെള്ളം കുടിയ്ക്കാനും ഇറങ്ങി പോയയുടനെ അവൻമാർ പണിതുടങ്ങി.

ഞങ്ങളുടെ ചാരൻ റിപ്പോർട്ട് ചെയ്ത പ്രകാരം “പാത്രം തുറന്നപ്പോൾ നറുനെയ്യുടെ മണം ക്ലാസിൽ നിറഞ്ഞു. അവൻ ഗ്ളക് ഗ്ളക് എന്ന് രണ്ടു വായ അങ്ങനെയേ വിഴുങ്ങി. അടുത്തിരുന്ന മൂന്നു കൂട്ടുകാർക്കും നിറഞ്ഞ മനസ്സോടെ, പരന്ന ഹൃദയത്തോടെ വിതരണവും ചെയ്തു (വല്ലവന്റെയും മുതൽ വെറുതെ കൊടുക്കാൻ ഒരു വലിയ മനസ്സുണ്ടാവണം). പാത്രം ഏറെക്കുറെ വടിച്ചു നക്കി തോർത്തി വെച്ചു (പാവം എന്റെയമ്മയുടെ ജോലിഭാരം കുറയ്ക്കാനാവും). എല്ലാം കഴിഞ്ഞു പാത്രം തിരികെ അടച്ചു വെച്ചു, അപ്പോഴും ആ ഭക്ഷണത്തിന്റെ രുചിയെ അവർ വാഴ്ത്തുന്നുണ്ടായിരുന്നു.”

അപ്പോഴേയ്ക്കും ബ്രേക്ക് കഴിഞ്ഞു, ഞങ്ങൾ എല്ലാവരും തിരികെ വന്നു. പതുക്കെ ക്ലാസ് തുടങ്ങി. ഞങ്ങളെ ഇംഗ്ലീഷ് പഠിയ്ക്കുന്ന പാലാക്കാരി സുന്ദരിയായ മേരിക്കുട്ടി മിസ് ആയിരുന്നു. ഞാൻ അവരുടെ പെറ്റ് സ്ടുടെന്റ്റ് ആയിരുന്നു. നല്ല മിസ്, എല്ലാവരോടും സ്നേഹത്തോടു പെരുമാറും. ഞങ്ങൾക്കൊക്കെ വലിയ ഇഷ്ടം ആയിരുന്നു, അവരെ.