ശാപ്പാടു കള്ളൻ – [Santhosh Nair] 928

ഉച്ചയ്ക്ക് പെട്ടെന്നു കഴിയ്ക്കാനുള്ള സൗകര്യത്തിനു ഞാൻ അമ്മയോട് പറഞ്ഞു നന്നായി തേങ്ങാ ഇട്ടുണ്ടാക്കിയ ഗോതമ്പ് ഓട്ടട ആവും കൊണ്ടുവരിക (അതാകുമ്പോൾ തണുത്താലും ടേസ്റ്റ് മാറില്ല. അടയുടെ മുകളിൽ പഞ്ചസാര ഇട്ടിരിക്കും. അത് ചൂടുകൊണ്ട് അലുത്തു അട മുഴുവനും വ്യാപിയ്ക്കും, അപ്പോൾ രുചിയും കൂടും).

ഞങ്ങൾ കൊണ്ടുവരുന്ന ഉച്ചഭക്ഷണപാത്രങ്ങൾ ബെഞ്ചിന്റെ സയിഡിൽ ഭിത്തിയോട് ചേർത്തു നിരത്തി വെയ്ക്കും.

ദൈവം സഹായിച്ചു വലിയ പ്രശ്നങ്ങൾ ഒന്നുമില്ലാതെ ഓടിയ്‌ക്കൊണ്ടിരുന്ന സമയത്താണ് ഒരു സംഭവം ഉണ്ടായത്. ചിലപ്പോഴൊക്കെ നോക്കുമ്പോൾ ഭക്ഷണം കുറഞ്ഞിരിയ്ക്കും, ഞങ്ങൾ പലരുടെയും പാത്രങ്ങളിൽ നിന്നും ഈ മോഷണം അടിയ്ക്കടി നടക്കുന്നു.

ഒരു ദിവസം എന്റെ പാത്രത്തിലെ മൊത്തം അടയും കാലി.

കോളേജ് ക്യാന്റീനിൽ മുട്ടയും മാസവും ഒക്കെ ഉള്ളതിനാൽ അവിടെപ്പോയി കഴിക്കാൻ മടുപ്പാണ്, പിന്നെ കുറച്ചു ദൂരെയുള്ള ഒരു ചായക്കടയിൽ പോയി ഒരു ചായ മാത്രം കഴിച്ചു. വിശപ്പു മാറിയില്ല.

അടുത്ത ദിവസവും തഥൈവ. ഞങ്ങളുടെ ബെഞ്ചിൽ ഇരിയ്ക്കുന്ന രണ്ടു പേരുടെയും പാത്രങ്ങൾ കാലി.

ഞങ്ങൾക്ക് ആളെയും പിടികിട്ടി. ഇങ്ങേരു ഇതൊരു ജീവിതോപാധി ആക്കാനാണ് പ്ലാൻ എന്ന് മനസ്സിലായി.

ഇതിനൊരു പരിഹാരം കണ്ടേ മതിയാവൂ എന്നായി. എന്നിലെ ആൽബർട്ട് എയ്ൻസ്റ്റീനും, തോമസ് ആൽവാ എഡിസണും, ഐസക് ന്യൂട്ടനും കൂടിയാലോചിച്ചു.

അടുത്ത തിങ്കളാഴ്ച ഞാൻ സ്ഥിരം കൊണ്ടുവരുന്ന പാത്രം മാറ്റി. അന്ന് അമ്മയോട് പറഞ്ഞു നന്നായി തേങ്ങാ ചേർത്ത ഓട്ടടയിൽ അല്പം ശർക്കര ചേർത്ത് അതിന്റെ ഇടയിൽ ഒരു ടേബിൾ സ്പൂൺ ആവണക്കെണ്ണ ചേർത്തു. ഒരു ചെറിയ തവി നിറയെ നെയ്യ് ചുറ്റിയൊഴിച്ചു (മണം അറിയാതിരിയ്ക്കാൻ).

രണ്ടു മീഡിയം സൈസ് അട വെച്ചാണ് പാത്രം മൂടിയത്, അല്ലെങ്കിൽ പണി നടക്കില്ല.