വേഴാമ്പൽ (മനൂസ്) 2961

“ആളിയാ ദോ ആ പോണ കൊച്ചിനെ കണ്ടോ…… അതാണ് ആള്…….”
എബി കുറച്ചകലെ നടന്നു പോകുന്ന അസിയെ ചൂണ്ടി കാണിച്ചു…

“ഏതാ…. ആ… ആ… മന്ന ചുരിദാർ അല്ലെ…”

“മന്നയോ…മന്ന അല്ല മഞ്ഞ…”

“ആ… അത് തന്നല്ലേ ഞാനും പറയുന്നേ
മന്ന…”

“കർത്താവേ…. കഴിഞ്ഞ 20 വര്ഷമായിട് തിരുത്താൻ ശ്രമിക്കുന്നയാ,,ഒരു മാറ്റവും ഇല്ലല്ലേ….. എന്ത് പണ്ടാരം എങ്കിലും ആവട്ടെ…. മന്നയെങ്കി മന്ന….”

“പടച്ചോനെ അത് അക്സയല്ലേ……”
ഫൈസി ഒരു ഞെട്ടലോടെ പറഞ്ഞു….

“നിനക്കു അറിയാവോ അവളെ…. അക്സ…. എന്ന കിടുക്കൻ പേരാണ് എന്റെ കൊച്ചിന്…”

“ദേ… എബി… നിന്റെ ഉടായിപ്പ് വേലയുമായിട്ട്
നമ്മുടെ പിള്ളാരുടെ അടുത്ത് ഇറങ്ങിയലുണ്ടല്ലോ….”

“എന്റെ പൊന്നു ആളിയാ….സത്യായിട്ടും ഇഷ്ടം തോന്നിട്ട…. അമ്മച്ചിയാനെ സത്യം..മുൻപ് ഞാൻ പറഞ്ഞതൊക്കെ വെറും നേരം പൊക്കായിരുന്നു…. പക്ഷെ ഇത് അങ്ങനല്ല…വീട്ടിൽ പോയി പെണ്ണ് ആലോചിക്കാൻ വരെ ഞാൻ തയ്യാറാണ്…
അവളുടെ വീട് എവിടാ….”

“വീട് എന്റെ വീടിന്റെ അടുത്ത…. എന്റെ സുഹ്റയുടെ കൂട്ടുകാരി ആരുന്നു…”

“നിന്റെ വീടിന്റെ അടുത്തൊ…എന്നിട്ട് എന്നാ ഞാൻ അറിയാഞ്ഞേ ഇവളെ….”

“അതിനു ഓള് വളർന്നതും പടിച്ചതോകെ അങ്ങു എറണാകുളത്തു ആരുന്നു,,അവളുടെ വല്ല്യമ്മച്ചിയുടെ കൂടെ……. ഓള് നാട്ടിൽ വന്നപ്പോ നീ ഗൾഫിലും പോയി… പിന്നെങ്ങനെ….”

“ആളിയാ അവളെ ഞാൻ അങ്ങു കെട്ടട്ടോ…. ഇത്‌ മുൻപൊക്കെ പറയുന്നപോലെ വെറും
നേരംപോക്കല്ല…..”

“സത്യം തന്നെടാ പറയുന്നേ….. കുടുംബം കൊണ്ടൊക്കെ ചേരുന്ന ബന്ധം ആണ്…. പക്ഷെ അതൊന്നുമല്ല പ്രധാന പ്രശനം…”

“എന്നാട….കാര്യം എന്നതാ….”

“പഴയ അസി അല്ല ഓള് ഇപ്പൊ…. ഒരു
മരംകേറി പെണ്ണാരുന്നു പണ്ട്,, എല്ലാരോടും കളിച്ചും ചിരിച്ചും കഥകൾ പറഞ്ഞു നടക്കുന്ന ഒരു കൊച്ചു….പക്ഷെ ഓൾക് ഇപ്പൊ കുറെ മാറ്റം വന്നു… ചിരിയില്ല കളിയില്ല.. എപ്പോഴും ഒരു വിഷമം പോലെ…”

“അതേടാ ഫൈസി…. ഇന്ന് കണ്ടപ്പോള് എനിക്കും തോന്നി…. ഇത്രയും നേരവും ഒരിക്കൽ പോലും അവളെ ഞാൻ ചിരിച്ചു കണ്ടില്ല….”

“എന്റെ സുഹറ ഇവിടെ ഉണ്ടാരുനെൽ അറിയാരുന്നു കാര്യം…..”

“ഇനി എന്നാ ചെയ്യുടാ…. വല്ല പ്രണയവും കാണുവോ…. അയ്യോ…. കർത്താവേ… എനിക്കു ഈ ഗതി വരുത്തിയല്ലോ നീ…”

“നീ വിഷമിക്കാതെ…. ഞാൻ ഒന്ന് ശ്രമിക്കട്ടെ..”