വേഴാമ്പൽ (മനൂസ്) 2961

“അറിയാം അച്ചോ…….”
മനസ്സിൽ അച്ചനെയും പ്രാകികൊണ്ടു എബി അൾത്താരയിലേക് നടന്നു…..അപ്പോഴേക്കും അൾത്താര ആളുകളെ കൊണ്ട് നിറഞ്ഞിരുന്നു…..അവനും അവരോടൊപ്പം കൂടി പ്രാർത്ഥന തുടങ്ങുന്നതും കാത്തു നിന്നു…..

പെട്ടെന്നാണ് ആ വിഷാദചുവയുള്ള മുഖം അവന്റെ കണ്ണിൽ പെട്ടത്….. ഷാൾ കൊണ്ട് മറച്ച ആ വെളുത്ത മുഖവും ,,നീണ്ട കൺ പീലികളും അവനെ ആ ഒറ്റനോട്ടത്തിൽ തന്നെ പറയാൻ കഴിയാത്ത ഏതോ ഒരു വികാരത്തിൽ വീഴ്ത്തി കളഞ്ഞു…..ഒരുപാട് പെണ്കുട്ടികളോട് ഇഷ്ടം തോന്നിയിട്ടുണ്ടെങ്കിലും ഈ വിഷാദം നിറഞ്ഞ മുഖം ആണ് അവനെ ആദ്യമായി ഇത്ര അതികം ആഴത്തിൽ സ്പര്ശിച്ചത്…..

പുലരിയിൽ വീശുന്ന ഇളം കാറ്റും കോട മഞ്ഞിന്റെ തണുപ്പും അവന്റെ മനസ്സിനെ കൂടുതൽ കുളിരണിയിപ്പിച്ചു…….
ഇത്രയും നാളും പള്ളിയിൽ വരാത്തത് ഓർത്ത് അവൻ ആദ്യമായി വിഷമിച്ചു…. അവളുടെ ഒരു നോട്ടത്തിനായി അവന്റെ മനസ്സു തുടിച്ചു കൊണ്ടിരുന്നു….

അപ്പോഴും ഇതൊന്നുമറിയത്തെ അവൾ
മനമുരുകി നാഥനോടുള്ള പ്രാർത്ഥനയിൽ ആരുന്നു….. അവളുടെ ഉള്ളം എന്തോ തേടിയിരുന്നു…….

പിന്നീട് അവിടെ നടക്കുന്നതൊന്നും അവൻ അറിഞ്ഞിരുന്നില്ല… ഒരു മായാ ലോകതു അകപ്പെട്ടവനെ പോലെ അവന്റെ മനസ്സു പാറി പറന്നു…. ഈ അൾത്താരയിൽ വച്ച് അവളെ മിന്നുകെട്ടുന്നത് അവൻ
ഉൾകാഴ്ചയിൽ കണ്ടു…..സർവശക്തനായ നാഥന് മുൻപിൽ നാളുകൾക്കു ശേഷം അവൻ മനസ്സറിഞ്ഞു പ്രാർത്ഥിച്ചു….

അതെസമയം മറുവശത്ത് ഉള്ളം പിടഞ്ഞുകൊണ്ടു എന്തോ തേടുക യായിരുന്നു അസി…… അവളും നാഥനെ മുട്ടിപ്പായി പ്രാർത്ഥിക്കുകയായിരുന്നു എന്തിനോ വേണ്ടി….. കണ്ണീരിൽ കുതിർന്ന പ്രാർത്ഥന…..

അച്ചൻ വന്നു കുർബാന തുടങ്ങിയപ്പോൾ ആണ് അവനു ബോധം വീണത്…. എന്നിരുന്നാലും കുറുക്കന്റെ കണ്ണ്‌
കോഴികൂട്ടിൽ തന്നെ ആയിരുന്നു…..

ആ തണുത്ത കാറ്റ് അവന്റെ മനസ്സിനെയും കുളിരണിയിച്ചുകൊണ്ടിരുന്നു…..എല്ലാം കഴിഞ്ഞ് പള്ളി പിരിഞ്ഞപ്പോൾ കാറ്റത്ത് കെട്ടഴിഞ്ഞ പട്ടം പോലെ എബി,,അസിക് പിന്നാലെ നടന്നു…..

എങ്ങനെയെങ്കിലും അവളുടെ ശ്രദ്ധ പിടിച്ചു പറ്റുക എന്നതായിരുന്നു അവന്റെ ലക്ഷ്യം…..