രുധിരാഖ്യം -6 325

അവൻ എഴുന്നേൽക്കാൻ ശ്രമിക്കുന്നതിനനുസരിച്ച് അത് തന്റെ കൊമ്പുകൾ ഉയർത്തി കൊടുത്തതോടെ ഏഥൻ നിവർന്നു നിന്നു.

അവന്റെ തലയ്ക്കുമുകളിൽ ഉയരമുണ്ടായിരുന്നു ആ മൃഗത്തിന്റെ
കൊമ്പിൽ നിന്ന് പിടിവിട്ട ശേഷം ഏഥൻ പതിയെ അതിന്റെ തോളുകൾക്ക് മുകളിൽ കുഞ്ചികഴുത്തിലെ രോമങ്ങളിൽ പിടിച്ചു കൊണ്ട് പതിയെ ആ കലമാൻ നടക്കുന്നതിനൊപ്പം മുന്പോട്ട് നടന്നു.

അല്പം മുൻപിലായി ഒഴുകുന്ന നദിക്കരയിലേക്ക് എത്തിയതോടെ കലമാൻ അവിടെ നിശ്ചലനായി. ഒന്ന് രണ്ട് ചുവടുകൂടി മുന്നോട്ട് വെച്ച് ഏദൻ പതിയെ നദിയിലേക്ക് ഇറങ്ങി ഒന്ന് മുങ്ങി നിവർന്നു. അപ്പോഴും തോൾസഞ്ചി അവന്റെ തോളിൽ ഭദ്രമായി ഉണ്ടായിരുന്നു.

നല്ല കുത്തൊഴുക്ക് ഉണ്ടെന്ന് മനസ്സിലായ  ഏഥൻ പെട്ടെന്നുതന്നെ ഒന്ന്കൂടി മുങ്ങി തിരിച്ചുകയറി. പതിയെ അവൻ നഷ്ടപ്പെട്ട ഊർജ്ജം വീണ്ടെടുത്തിരുന്നു. അവൻ കരയ്ക്കു കയറുമ്പോഴും അവനെ തന്നെ നോക്കി ആ കലമാൻ അവിടെത്തന്നെ നിൽപ്പുണ്ടായിരുന്നു.

തിരികെ നദിക്കരയിലെ മണൽപ്പരപ്പിലേക്ക് കയറി, താൻ ധരിച്ചിരുന്ന വസ്ത്രം ഊരി പിഴിഞ്ഞ ഏഥൻ അത് നന്നായി ഒന്ന് കുടഞ്ഞ ശേഷം തിരിച്ചിട്ടു.

ശേഷം ഒന്നുകൂടി ശ്വാസം വലിച്ചു വിട്ടുകൊണ്ട് കണ്ണെത്താദൂരത്തോളം പരന്ന് ഒഴുകുന്ന ആ നദിക്ക് നേരെ തന്റെ എളിക്ക് ഇരുവശത്തും കൈകുത്തി കൊണ്ട് അവൻ നോക്കി നിന്നു.

തന്റെ അടുക്കൽ പ്രത്യേകിച്ച് ഭാവമാറ്റങ്ങൾ ഒന്നും ഇല്ലാതെ നിൽക്കുന്ന കലമാനിനെ അവൻ ഒന്ന് നോക്കിയതോടെ അത് തന്റെ ഉടൽ, അവന് കയറാൻ എന്നവണ്ണം  ഒന്ന് താഴ്ത്തി!!!

ചെറിയൊരു ആശ്ചര്യത്തോടെ വേണോ വേണ്ടയോ എന്ന് ആലോചിച്ചെങ്കിലും അവൻ പതിയെ