രുധിരാഖ്യം [ചെമ്പരത്തി] 367

പുഴയുടെ മടിത്തട്ടിൽ,മുകളറ്റം കൂർത്ത് നിൽക്കുന്ന ഒരു പാറക്കെട്ടിന് അടുക്കൽ എത്തിയ ആ സ്വർണ്ണമത്സ്യം അതിനുചുറ്റും ഒന്ന് വലം വച്ചു…

അതോടെ അതിന്റെ ശരീരത്തിൽനിന്ന് നീലനിറത്തിലുള്ള ഒരു ദ്രാവകം, ഒരു വലയം പോലെ വെള്ളത്തിൽ ലയിച്ചു ആ പാറക്കെട്ടിനെ അപ്രത്യക്ഷമാക്കി….

എങ്കിലും തനിക്ക് മാത്രം കാണാൻ കഴിയുന്ന ആ പാറക്കെട്ടിന്റെ ഇടയിലുള്ള വലിയൊരു വിടവിലൂടെ അവൾ ഉള്ളിലേക്ക് നീന്തിക്കയറി….

അവൾ ഉള്ളിൽ കയറിയതോടെ ഇടതു വശത്തു നിന്ന് നിരങ്ങി വന്ന പാറ ആ വിടവിനെ മറച്ചു….

പിറ്റേന്ന് ഗ്രാമത്തിന്റെ അതിരിൽ നിൽക്കുന്ന പനയുടെ വള്ളിയിൽ ഇരു ഭാഗങ്ങളായി തൂങ്ങിയാടിയ, പ്രഭാതവെയിലിനേ കഴിഞ്ഞും വിളറിവെളുത്ത  രഘുവിന്റെ ശരീരം ആയിരുന്നു  ചെമ്പനല്ലൂർ ഗ്രാമത്തിന് പ്രഭാതത്തിന്റെ സമ്മാനമായി ഉണ്ടായിരുന്നത്….

തല അറുത്തുമാറ്റി ഇരു ഭാഗമായി തൂങ്ങിക്കിടന്ന രഘുവിന്റെ ശരീരം കാണാനുള്ള മനക്കരുത്ത് ഇല്ലാതെ  ഓടിവന്നവരിലേറെയും തലകുനിച്ചു….

കൂട്ടത്തിൽ ധീരന്മാരായ ചിലർ പന മുകളിലേറി രഘുവിന്റെ ശരീരഭാഗങ്ങൾ താഴെയിറക്കി….

രഘുവിന്റെ ശരീരത്തിൽ രക്തത്തിന്റെ ഒരു മയം പോലും കാണാതിരുന്നത് ചുറ്റും നിന്ന എല്ലാവരെയും ഭീതിയുടെ കയത്തിലേക്ക് തള്ളിയിട്ടു…

അതിനിടയിൽ വിശാലമായ പാടത്തിന്റെ അരികിൽ നിന്ന കരിമ്പനയുടെ ചുവട്ടിൽ ആരോ കണ്ടെത്തിയ രഘുവിന്റെ തലയോട്ടിയിൽ, നീണ്ടുനിന്ന നട്ടെല്ല് അല്ലാതെ മറ്റൊന്നും ശേഷിച്ചിരുന്നില്ല….

“ഞാൻ അപ്പോഴേ പറഞ്ഞതാ അവനോട്…..  സൂക്ഷിക്കണമെന്ന്… അപ്പോ എന്നെ തെറി പറഞ്ഞ് പോയതാണ്….”