രാവണാസുരൻ(A Tale of Vengeance)[രാവണാസുരൻ Rahul] 190

കുറച്ചു സമയത്തിന് ശേഷം….

ഋഷി കണ്ണുകൾ തുറന്നു തന്റെ കയ്യും കാലും ബന്ധിച്ചിരിക്കുകയാണ്.അടുത്ത് തന്നെ രാവൺ നിൽപ്പുണ്ട്.ഈ സമയം ഹരിനാരായണനും അവിടെ എത്തിയിരുന്നു.

രാവൺ നീ എങ്ങനെ…?

രക്ഷപ്പെട്ടു എന്നല്ലേ? ഹഹഹ നിന്നെയൊക്കെ തീർക്കാൻ ദൈവം നീട്ടിത്തന്നതാ എന്റെ ആയുസ്സ്.രാവൺ പറഞ്ഞു

രാവൺ ഞാൻ നിന്റെ ഫ്രണ്ട് അല്ലേ എന്നെ ഒന്നും ചെയ്യരുത് plz. ഋഷി രാവണിനോട് യാചിച്ചു.

ഫ്രണ്ടോ നീയോ ആ വാക്ക് പറയാൻ പോലും നിനക്ക് യോഗ്യത ഇല്ല.ഞാൻ ഇത്രയും നാൾ കാത്തിരുന്നത് തന്നെ കൂടെ നിന്ന് വിശ്വാസവഞ്ചന കാണിച്ച നിന്നിൽ നിന്ന് തന്നെ തുടങ്ങാൻ വേണ്ടിയാണ്.നിന്റെയൊക്കെ വീട്ടിൽ ആർക്കെങ്കിലും ഒരാൾക്ക് കല്യാണം വരാൻ ഞാൻ കാത്തിരിക്കുവായിരുന്നു ഈ കഴിഞ്ഞ 5വർഷക്കാലം.രാവൺ പറഞ്ഞു

രാവൺ ദയവുചെയ്ത് എന്നെ ഒന്നും ചെയ്യരുത്.ഞാൻ എന്ത് വേണമെങ്കിലും ചെയ്യാം plz രാവൺ ഋഷി പറഞ്ഞു

എങ്കിൽ എനിക്ക് നഷ്ടപ്പെട്ട ഏഴു വർഷം തിരിച്ചു താ നീയൊക്കെ കൂടെ ഇല്ലാണ്ടാക്കിയ എന്റെ കുടുംബം തിരിച്ചു താടാ നായെ രാവൺ ദേഷ്യംപൂണ്ടു വിറച്ചു.

രാവൺ നിനക്ക് എന്റെ ഈ മുഖം കണ്ടിട്ട് എന്നെ കൊല്ലാൻ തോന്നുന്നുണ്ടോ? ഋഷി ചോദിച്ചു

നിന്റെ മുഖം മാത്രമേ എന്റെ ഋതുവിനെ പോലെ ഉള്ളു.അവൻ ദേവനായിരുന്നെടാ നീ അസുരനും അവനാ നിന്റെ തനി സ്വരൂപം എനിക്ക് കാണിച്ചു തന്നത്.സ്വന്തം അമ്മയെ കൊല്ലാൻ കൂട്ട് നിന്നവനായിട്ടും നിന്നോട് അവൻ ക്ഷമിച്ചത് ഒരേ വയറ്റിൽ ഒരുമിച്ചു പത്തുമാസം കിടന്നത്കൊണ്ടാണ്.രാവൺ പറഞ്ഞു

ഋതുവിനെ ഓർത്തെങ്കിലും എന്നെ ഒന്നും ചെയ്യരുത് രാവൺ. ഋഷി പറഞ്ഞു

ഛീ നിർത്തെടാ നായെ എന്റെ ഋതുവിന്റെ പേര് പറയാൻ പോലും നിനക്ക് യോഗ്യതയില്ല.സ്വന്തം കൂടെപ്പിറപ്പിനെ ഒരു ദയയും കാണിക്കാതെ പച്ചജീവനോടെ എരിച്ചു കൊല്ലാൻ കൂട്ട്നിന്നവനാ നീ.നിന്റെ കണക്ക് ഞാൻ ഇന്ന്കൊണ്ട് തീർക്കും ഋഷി എന്റെ അച്ഛന്, അമ്മയ്ക്ക്, ഏച്ചിയ്ക്ക് നിന്റെ അമ്മയ്ക്ക്, എന്റെ ഋതുവിന്‌ എല്ലാവർക്കുംവേണ്ടി അവരുടെ എല്ലാം മരണത്തിനു കാരണക്കാരായവരോടുള്ള യുദ്ധം രാവൺ നിന്നിൽനിന്ന് തുടങ്ങുവാ.

രാവൺ അടുത്തുണ്ടായിരുന്ന മേശയിൽ വച്ചിരുന്ന ഒരു ബോക്സ്‌ തുറന്ന് അതിൽനിന്നും സിറിഞ്ചും കുറയെ ചെറിയ കുപ്പി മരുന്നുകളിൽ നിന്നും ഒരു കുപ്പി മരുന്നും എടുത്തു.ആ മരുന്ന് ബോട്ടിലിന്റെ അഗ്രഭാഗം കൈകൊണ്ട് കൊട്ടി പൊട്ടിച്ചു സിറിഞ്ചിൽ മരുന്ന് നിറച്ചു ഋഷിയ്ക്ക് കുത്തിവയ്ച്ചു.ഈ പ്രവർത്തി പിന്നെയും ആവർത്തിച്ചു.