രണ്ടാം ജന്മം [അജി] 168

 

ഞാൻ ആ കുട്ടിയെ കൈയിൽ പിടിച്ച് കളിപ്പിക്കുകയും കൊഞ്ചിപ്പിക്കുകയുമൊക്കെ ചെയ്തു. കുട്ടി തന്നെ എടുക്കുവാൻ വേണ്ടി കൈ ഉയർത്തി കാണിക്കുന്നുണ്ടായിരുന്നു. ഞാൻ ആ കുട്ടിയെ എടുക്കാൻ ഒന്നും പോയില്ല. വെറുതേ ഓവറാക്കി അവർക്ക് സംശയത്തിന് ഇട കൊടുക്കേണ്ട എന്ന് തോന്നി. കുട്ടിയെ കളിപ്പിച്ച് വേറ വല്ലതും അറിയാതെ വായിൽ നിന്ന് വീണാൽ അവൾക്ക് എന്നിൽ സംശയങ്ങൾ വരും. അതിന് അവസരം ഒരുക്കി കൊടുക്കാത്തതാ നല്ലത് എന്ന് തോന്നി.

 

കടയിൽ ഇരുന്ന് നേരം പോയത് അറിഞ്ഞില്ല. സമയം ഉച്ചയായി.

 

“കിച്ചുവേട്ടാ വാ ഭക്ഷണം കഴിക്കാം… ഉച്ച ആയിലെ ഇനി കട അടച്ചിടാം ”

 

ഉച്ചക്ക് കട അടച്ചിട്ടു. അവൾ കുഞ്ഞിനെ ഉറക്കി കിടത്തി എനിക്ക് ഭക്ഷണം എടുത്ത് തന്നു. രാവിലത്തെ ചോറും കറിയും ചുടാക്കിയത് ആയിരുന്നു അത്‌.

 

ഭക്ഷണത്തിന് ശേക്ഷം ഞാൻ അവിടെ ടി വി യും കണ്ടിരുന്നു. വൈകുന്നേരം ഒരു നാല് മണിയോടെ ആയിരുന്നു കട പിന്നീട് തുറന്നത്. ഞാൻ അപ്പോളും അവളോടൊപ്പം അവിടെ കടയിൽ പോയി ഇരുന്നു. നല്ല കച്ചവടം തന്നെ അവിടെ നടക്കുന്നുണ്ടായിരുന്നു. ഒരു നാട്ടിൻ പുറം ആയിരുന്നു അവിടം. അവിടെ വേറ കടകൾ ഒന്നും ഇല്ലെന്ന് തോന്നുന്നു.

 

ഞാനും അനുവും കൂടി ആ കടയിൽ വരുന്നവർക്ക് സാധനങ്ങൾ എടുത്ത് കൊടുത്തിരുന്നു. ഞങ്ങൾ അധികമൊന്നും സംസാരിച്ചിരുന്നില്ല.ഞാൻ ഒന്നും അവളോട് പറയാൻ പോയില്ല എന്നതായിരിക്കും ശരി.അവൾ എന്തെങ്കിലും പറഞ്ഞാൽ ഞാൻ ചെറിയ മൂളലുകളിലുടെ ആയിരുന്നു അവൾക്ക് മറുപടി കൊടുത്തിരുന്നത്.

 

സമയം ഇപ്പോൾ ഏറെ വൈകിയിരിക്കുന്നു. കട അടക്കാറായി എന്ന് തോന്നുന്നു. അനു കട അടച്ചു. ഞാൻ അവളെ കട അടക്കാൻ സഹായിച്ചു.

 

“ഞാൻ അത്താഴം ഇപ്പോൾ എടുക്കാമേ….”

 

അനു അതും പറഞ്ഞ് അവിടെ നിന്നും പോയി. ഞാൻ അകത്ത് അവിടെ നേരം പോവാനായി ടി വി യും കണ്ടിരുന്നു. ഒരു സാധാരണ ടി വി ആയിരുന്നു അത്‌. പൊന്നുവിനെ അപ്പോഴേക്കും അനു ഭക്ഷണം കൊടുത്ത് ഉറക്കി കിടത്തിയിരുന്നു.

 

“കിച്ചു വേട്ടാ…. വായോ…. അത്താഴം കഴിക്കാം ”

അനു എന്നെ വിളിച്ചു.

 

അവൾ എന്നെ വിളിക്കുന്ന രീതി ഇപ്പോൾ മാറി. കിച്ചുവേട്ടാ എന്നായിരുന്നു അവൾ എന്നെ വിളിച്ചത്. ഇപ്പോൾ അവൾക്ക് എന്നോട് എന്തോ സ്നേഹം ഉള്ളത് പോലെ. നേരത്തേതിൽ നിന്ന് എന്നോടുള്ള സമീപനം മാറി. ഞാൻ നന്നായി എന്ന് അവൾ കരുതി കാണും.

 

ഞാൻ മേശയിൽ അവൾ വിളമ്പി തന്നത് എടുത്ത് കഴിക്കുവാൻ തുടങ്ങി. പറയാതിരിക്കാൻ കഴിയില്ല അപാര രുചിയാണ് അവൾ ഉണ്ടാക്കുന്ന ഭക്ഷണത്തിന്.വീണ്ടും വീണ്ടും കഴിക്കുവാൻ തോന്നും അത്രെയും രുചി.