രണ്ടാം ജന്മം [അജി] 168

ഞാൻ ഇപ്പോൾ അയാൾ പറയുന്നത് കേട്ട് ശരിക്കും ഞെട്ടി. ഇയാളിത് എങ്ങനെ മനസ്സിലാക്കി എന്ന് അറിയാതെ ഞാൻ അവിടെ അന്തിച്ച് ഇരുന്നു.

 

“മോൻ എന്താ ഒന്നും മിണ്ടാത്തെ. ഞാൻ പറയുന്നത് കേട്ട് അമ്പരന്നോ….? മോന് അത്‌ പോലെ ഒരു ജീവിതം തന്നാൽ മോൻ വാങ്ങോ….?”

 

ഞാൻ അയാൾ പറഞ്ഞത് കേട്ട് വീണ്ടും ഞെട്ടി.ആകെ മൊത്തം ഞെട്ടലോട് ഞെട്ടൽ.ഇയാൾ ഞാൻ കണ്ടത് പോലെ ഒരു ജീവിതം തരാൻ പറ്റുമെന്ന് പറയുന്നു. അത്‌ നടക്കോ… ഇയാൾ എന്റെ സ്വപ്നത്തെ കുറിച്ച് പറഞ്ഞെങ്കിൽ ഇയാൾ നിസ്സാരക്കാരനായിരിക്കില്ല. എനിക്ക് എന്താ തിരിച്ച് പറയേണ്ടത് എന്ന് അറിയില്ല.

 

“ചേട്ടാ…. ഇങ്ങനെയൊക്കെ നടക്കോ…”

ഞാൻ അറിയാനായി ചോദിച്ചു.

 

“ഞാൻ മോന്റെ ആഗ്രഹം നടത്തിച്ച് തരും. മോന് വിശ്വാസം ആണെങ്കിൽ ഞാൻ മോന് നല്ലൊരു ജീവിതം തരും”

 

എനിക്ക് എന്താ പറയേണ്ടത് എന്ന് അറിയില്ല. ഇയാൾ ഇനി പറ്റിക്കുന്നതാവോ. എന്തായാലും ഞാൻ അത്‌ പരീക്ഷിക്കാൻ തന്നെ തീരുമാനിച്ചു.

 

“എനിക്ക് അങ്ങനെ ഒരു ജീവിതം തരാൻ കഴിയുമെങ്കിൽ തന്നോ….”

 

“ഹാ… ഹാ….മോന് ഇപ്പോഴും സംശയം ഉണ്ടല്ലേ എനിക്ക് അതിന് കഴിയുമോന്ന്.ഒരുപാട് സങ്കടം അനുഭവിക്കുന്ന പെൺകുട്ടിക്ക് മോൻ ജീവിതം കൊടുക്കണം. അവൾ മോനിലൂടെ സന്തോഷങ്ങൾ അറിയണം.അതിന് മോന് മാത്രമേ സാധിക്കു. മോന് അതിന് പൂർണ്ണ സമ്മതം ആണെങ്കിൽ ഞാൻ മോന് ആ ജീവിതം തരാം. ഒരിക്കൽ ആ ജീവിതം വാങ്ങിയാൽ പിന്നെ മോന് ഈ ജീവിതം ഉണ്ടാവില്ല. പിന്നീട് ഇതിലേക്ക് തിരിച്ച് വരവുണ്ടായിരിക്കില്ല. ആ ജീവിതം മാത്രം. ആലോചിച്ച് പറഞ്ഞാൽ മതി”

 

അയാൾ പറയുന്നത് കേട്ട് ചെറിയൊരു ഭയം എനിക്ക് വന്നു.ഞാൻ എന്തായാലും അത്‌ ഒന്ന് പരീക്ഷിക്കാൻ തന്നെ തീരുമാനിച്ചു. ഇനി ചിലപ്പോൾ അത്‌ സംഭവിച്ചാല്ലോ.ഇല്ലെങ്കിലും ഉണ്ടെങ്കിലും അത്‌ അറിയാൻ തന്നെ തീരുമാനിച്ചു.

 

“എനിക്ക് അതിന് സമ്മതമാണ് ”

ഞാൻ അയാൾക്ക് സമ്മതം അറിയിച്ചു.

 

“എങ്കിൽ മോൻ കണ്ണടച്ചോ….”

 

ഞാൻ കണ്ണടച്ചു. അയാൾ എന്റെ നെറ്റിയിൽ ഒന്ന് തൊട്ടു.

 

“ഇനി കണ്ണ് തുറന്നോ”