യാഹൂ റെസ്റ്റോറന്റ് 6 [VICKEY WICK] 101

അത് കേട്ട് അശ്വതിക്ക് ചിരി വന്നെങ്കിലും അത് പെട്ടെന്നു മാഞ്ഞു.

“ജയൻ, വണ്ടി തിരിക്ക്. നേരെ സ്റ്റേഷനിലേക്ക് തന്നെ പോട്ടെ. നൗ ഐ നോ വാട്ട്‌ ഈസ്‌ ആക്ച്വലി ഹാപനിങ്. ശ്ശേ, ഞാൻ എന്ത് കൊണ്ട് ഇതുവരെ ഇത്‌ ചിന്തിച്ചില്ല. കം ഓൺ മിഴിച്ചിരിക്കാതെ വണ്ടിതിരിക്ക്. “

“എന്താ മാഡം, എന്താ പെട്ടെന്ന്… എന്താ കാര്യം. “

“പറയാം, താൻ വണ്ടിതിരിക്ക്. ഇപ്പോഴാണ് ഇതുവരെ അവർ എന്താണ് ചെയ്തിരുന്നത് എന്ന് ഏകദേശം ഐഡിയ കിട്ടുന്നത്. ഒരുപക്ഷെ അടുത്ത കിഡ്നാപ്പിംഗ് ഉടനെ ഉണ്ടായേക്കും. അത് നടക്കും മുൻപേ ആരായിരിക്കും അവരുടെ ടാർഗറ്റ് എന്ന് എനിക്ക് കണ്ടുപിടിക്കണം. “

ഇത്രയും കേട്ടത്തോടെ ജയനും ആവേശമായി.

“ഓക്കേ മാഡം. ഇതാ തിരിച്ചു കഴിഞ്ഞു… “

(തുടരുന്നു… )

അവർ വളരെ വേഗം സ്റ്റേഷനിലേക്ക് കുതിച്ചു. വണ്ടിയോടിക്കുന്നതിനിടക്ക് ജയൻ ഇടയ്ക്കിടെ അശ്വതിയെ നോക്കുമ്പോഴൊക്കെയും അവൾ എന്തൊക്കെയോ കണക്കുകൂട്ടലുകൾ നടത്തുമ്പോലെ അവളുടെ കൺപീലികൾ ചലിച്ചുകൊണ്ടിരുന്നു. കുറെ നേരം കഴിഞ്ഞ് അവൾ ശാന്തമായി കണ്ണുകൾ അടച്ചു സീറ്റിൽ ചാരിക്കിടന്നു. പക്ഷെ അവളുടെ കൺപോളകൾ ചലിച്ച് കൊണ്ടിരുന്നു. അവൾ നടന്നത് എല്ലാം റെവൈൻഡ് ചെയ്‌തുകൊണ്ടിരുന്നു. ആദ്യത്തെ മിസ്സിംഗ്‌, അതിനെ തുടർന്നുള്ള അന്വേഷണം, സി സി ടിവി ഫൂട്ടേജ്, യാഹൂ റെസ്റ്റോറന്റ്, ജിൽസൺ, ജിൽസന്റെ അറസ്റ്റ്, പിന്നെ… പിന്നെ അടുത്ത മിസ്സിംഗ്‌.