മീനാക്ഷി കല്യാണം – 4 [നരഭോജി] 481

നോക്കുമ്പോൾ മറ്റേ ടീച്ചർക്കൊപ്പം കണ്ട പയ്യനെ ആരോ വാതിലിൽ ചേർത്ത് നിർത്തി ഇടിക്കുന്നു, എല്ലാരും അവർക്കു ചുറ്റും കൂടി നിൽക്കുന്നുണ്ട്, ആ ടീച്ചർ അയാളെ സമാധാനിപ്പിക്കാൻ കിണഞ്ഞു ശ്രമിക്കുന്നുണ്ട്, എങ്കിലും അവളുടെ കൈ തട്ടിമാറ്റി അയാൾ അവന്റെ മുഖത്തു ആഞ്ഞാഞ്ഞു ഇടിച്ചു കൊണ്ടിരുന്നു. അയാൾ ആ ടീച്ചറുടെ ഭർത്താവായിരിക്കും. നല്ല കാര്യം. 

ഞാൻ ഇടതു വശത്തെ പടിയിൽ താഴേക്ക് നോക്കി ആരും ഇല്ല. ഞാൻ ഒന്നും അറിയാത്ത പോലെ ഇറങ്ങി നടന്നു, പിൻവശത്തെ മതില് ചാടി. വണ്ടിയെടുത്തു തിരിക്കുമ്പോൾ മീനാക്ഷി മുകളിൽ മുടിചിക്കോർത്തു കൊണ്ട് ആർക്കും കൊതി തോന്നുന്ന ഒരു മന്ദഹാസം നൽകി. ഞാനും ഒരു മങ്ങിയ ചിരി തിരികെ നൽകി. വീട്ടിലേക്കു പുറപ്പെട്ടു.     

ഇന്നലെ എന്തൊക്കെയാണ് ഉണ്ടായത്, സ്വപ്‌നം ഏതാണ് യാഥാർഥ്യം ഏതാണ് എന്ന് മനസ്സിലാവുന്നില്ല….. 

**********

റോഡ് അരികിലേക്ക് നോക്കുമ്പോ അന്ന് കയറി ഓംലറ്റ് വാങ്ങിയ കടയുടെ മുന്നിൽ മലയാളത്തിൽ എന്തോ പലനിറത്തിൽ എഴുതി വച്ചിരിക്കുന്നു. വല്ല കേരളാ സ്പെഷ്യൽ ഡിഷ്‌ ആവും ഞാൻ വായിച്ചു നോക്കി.

ടുഡേയ്‌സ് സ്പെഷ്യൽ “പട്ടിത്തീട്ട ഓംലറ്റ്” . ഇതെന്തു കോപ്പ്, ഞാൻ നെറ്റി ചുളിച്ചു, ഇയാൾക്കിനി അന്നത്തെ ഓംലറ്റ് കഴിച്ചു വട്ടായോ. 

അപ്പോഴാണ് ഞാൻ അന്ന് ടോണി അവസാനം പറഞ്ഞ വാചകം ഓർത്തത്.

“ഇങ്ങനെയാട പട്ടിത്തീട്ടമേ ഓംലറ്റ് ഉണ്ടാക്കണ്ടതു”

ആ മണ്ടൻ അതാ ഓംലെറ്റിന്റെ, മലയാളം പേരാണെന്ന് വച്ച് കാണും. ഓരോരോ മരതലയന്മാര്.

ഞാൻ അതാലോചിച്ചു ചിരിച്ചു വണ്ടി ഓടിച്ചു കൊണ്ടിരുന്നു.

**************************  

വീട്ടിൽ ചെന്ന് കിടന്നു ബോധമില്ലാതെ ഉറങ്ങി, വൈകുന്നേരം ആണ് എണീറ്റത്. ഇന്നും അവൾക്കു ഭക്ഷണം കൊണ്ടുപോകാൻ വിട്ടു പോയി.