മിഴിരണ്ടിലും..2 [Jack Sparrow] 211

“എന്ത്?”

“അത് പിന്നെ..,വേറൊന്നുവല്ലട ഇന്ന് രാവിലെ ലച്ചു മെസ്സേജ് അയച്ചിരുന്നു, ഇന്നവളുടെ കൂടെ അങ്ങോട്ടേക്ക് ചെല്ലാൻ പറ്റോന്ന് ചോദിച്ച്…”

” എന്നിട്ട് നീയെന്തോ പറഞ്ഞു?”

” ഞാൻ എന്ത് പറയാൻ ? ചെല്ലാന്ന് പറഞ്ഞു…”

അതുവരെ നേരംവൈകി എഴുന്നേറ്റതിൽ ചമ്മി നിന്ന ഞാൻ അതു കേട്ടതോട് കൂടി ചാർജായി..!

” അപ്പോ അതാണ് സേട്ടൻ രാവിലെ തന്നെ വിളിച്ചിട്ട്, വളഞ്ഞ് മൂക്ക് പിടിച്ചത്..!”

” ഇതൊക്കൊരു ഹരല്ലേടോ.., ഇതുപോലെ അവളിങ്ങോട്ടന്തേലൊക്കെ പറയുന്നത് വല്ലപ്പോഴുമൊക്കെയാ..! എന്നിട്ടും ഞാൻ അവൾടെ കൂടെ ചെല്ലാതിരുന്നാൽ ഞാൻ എന്ത് കാമുകനാടാ?”

“അപ്പോ ഞാൻ ഇനി ഒറ്റയ്ക്ക് പോണോ?”

“അങ്ങനെയല്ല, അരുണിനോട് ഞാൻ പറഞ്ഞിട്ടുണ്ട് നിങ്ങൾ ഒരുമിച്ച് വന്നാമതി..”

“അല്ല എന്നിട്ട് നീയിപ്പോ എവിടെയാ..?”

” ഞാൻ ബസ്റ്റോപ്പിലിണ്ട്..!”

“അത് ശരി അപ്പോ കാമുകനും കാമുകിയും കൂടി എല്ലാം പ്ലാൻ ചെയ്യതിട്ടാണല്ലേ..!!”

അവനെയൊന്നാക്കികൊണ്ട് ഞാൻ പറഞ്ഞു…