മിഴിരണ്ടിലും..2 [Jack Sparrow] 211

എന്നെയൊന്നാക്കികൊണ്ട് നികേഷ് അരുണിനോടായി ചോദിച്ചു..

“ഇവനാണോ ഓർമകൾക്ക് പഞ്ഞം?,അന്നത്രയും പേരുടെ മുന്നിൽവച്ച് അവളിവനെ നിർത്തി പൊരിച്ചപ്പോൾ ഒരക്ഷരം ഈ നാറി മിണ്ടിയില്ല..
ഹോ.! എന്തായിരുന്നു അന്നത്തെയവളുടെ പ്രകടനം…
ഓർക്കുമ്പോഴെനിക്ക് ഇവൻ്റെയാ കിളിപോയപോലുള്ള നിൽപ്പാണോർമ വരണത്ത്…”

നികേഷിനെ നോക്കി ചിരിച്ചുകൊണ്ടരുൺ പറഞ്ഞു…

അവന്മാരുടെ കൂട്ടച്ചിരി കണ്ടതും,ഇതെവിടെവരെ പോകും,എന്ന ഭാവത്തിലായിരുന്നു ഞാൻ..

“കഴിഞ്ഞോ?”

രണ്ടിൻ്റെയും ചിരിയൊന്നടങ്ങിയപ്പോൾ ഞാൻ ചോദിച്ചു..

“ഏയ് ഇപ്പോഴത്തേക്കിത് മതി.. ഇനിയവളും നീയുമിവിടെത്തന്നെയുണ്ടല്ലോ..! ബാക്കി വഴിയെ ആവാം..”

അരുണെന്നോട് പറഞ്ഞു..

“എടാ എന്താടാ അവൾടെ പേര്..?”

നികേഷ് ഏന്തി വലിഞ്ഞെന്നോട് ചോദിച്ചു..

“ദേവി.!! അങ്ങനെയെന്തോ ആണ്..”

ഞാൻ മുഖം താഴ്ത്തി പറഞ്ഞു..

“ആ ബെസ്റ്റ് അതുപോലും മര്യാദയ്ക്കറിയില്ല…”

“എടാ അതന്ന്…”